How To Reset UPI Pin : युनिफाइड पेमेंट्स इंटरफेस (UPI) ने इंटर-बँक व्यवहारांमध्ये प्रगती घडवून आणली आहे. पण, तुमच्या पैशांचे रक्षण करणे अत्यंत महत्त्वाचे आहे. तुमचा यूपीआय पि एक सुरक्षा रक्षक म्हणून काम करतो, जो अनधिकृत व्यवहारांपासून तुमच्या आर्थिक बाबींचे रक्षण करतो. सायबर गुन्ह्यांच्या वाढत्या प्रादुर्भावामुळे तुमच्या आर्थिक माहितीची सुरक्षा राखणे अत्यंत महत्त्वाचे आहे. यासाठी एक सोपा उपाय म्हणजे तुमचा यूपीआय पिन वेळोवेळी अपडेट करणे. गूगल पे, पेटीएम, फोन पे आणि भिम-यूपीआय अ‍ॅपसारखे लोकप्रिय ॲप्स ही प्रक्रिया आणखीन सोपी करतात, ज्यामुळे टेन्शन फ्री पिन बदलला जातो.

भिम-यूपीआय ॲप वापरून तुमचा यूपीआय पिन रिसेट (Reset UPI Pin) करण्यास सुरुवात करण्यापूर्वी पुढील गोष्टी लक्षात ठेवा…

१. तुमच्या डेबिट कार्डचे शेवटचे सहा अंक दिले आहेत याची खात्री करा.
२. तुमच्या डेबिट कार्डची एक्सपायरी डेट द्या.
३. तुमचा मोबाइल नंबर तुमच्या बँक खात्याशी जोडलेला आहे याची खात्री करून घ्या.

हेही वाचा

भिम-यूपीआय ॲप वापरून यूपीआय पिन (Reset UPI Pin) कसा रिसेट करायचा?

१. तुमच्या मोबाइल डिव्हाइसवर भिम-यूपीआय अ‍ॅप ॲक्सेस करा.
२. मेनूवर जा आणि ‘Bank account’ पर्याय निवडा.
३. ‘यूपीआय पिन रिसेट करा’ पर्याय शोधा आणि निवडा.
४. नवीन यूपीआय पिन सेटअप सुरू करण्यासाठी तुमच्या डेबिट कार्डचे शेवटचे सहा अंक आणि एक्सपायरी तारीख द्या.
५. तुमची बँक तुमच्या नोंदणीकृत मोबाइल नंबरवर वन टाईम पासवर्ड (OTP) पाठवेल, जो ॲपद्वारे ऑटोमॅटिक शोधला जाईल.
६. तुमचा नवीन यूपीआय पिन इनपूट करण्यासाठी पुढे जा.
७. प्रक्रिया पूर्ण करण्यासाठी सूचना दिल्याप्रमाणे तुमचा नवीन यूपीआय पिन कन्फर्म करा.

या पायऱ्या फॉलो करून आणि भिम-यूपीआय अ‍ॅप वापरून तुमचा यूपीआय पिन रिसेट करून तुम्ही तुमच्या डिजिटल व्यवहारांची सुरक्षितता वाढवू शकता. तुम्ही गूगल पे, पेटीएम, फोन पे किंवा इतर कोणत्याही डिजिटल पेमेंट प्लॅटफॉर्मचा वापर करत असलात तरी ही सोपी प्रक्रिया तुमच्या आर्थिक माहितीचे संरक्षण सुनिश्चित करते. संभाव्य सायबर जोखीम टाळण्यासाठी सतर्क राहणे आणि तुमचा यूपीआय पिन वेळोवेळी अपडेट करणे आवश्यक आहे, त्यासाठी तुम्ही वरच्या सोप्या स्टेप्स फॉलो करू शकता.