भारतीय रेल्वे नेटवर्क वाढवण्याबरोबरच तंत्रज्ञानावरही विशेष काम करत आहे. आता ट्रेनमध्ये अनेक प्रकारच्या तंत्रज्ञानाच्या वापरामुळे लोकांचा प्रवास आरामदायी आणि सुखकर होत आहे. ट्रेनच्या प्रत्येक कोचमध्ये मोठे बदल दिसून येत आहेत, ज्यात अनेक वैशिष्ट्यांची जोड देण्यात आली आहे. त्याचप्रमाणे रेल्वेतील टॉयलेटमध्येही बरेच बदल दिसून येत आहेत. पूर्वीच्या टॉयलेट्सच्या जागी आता अतिशय आधुनिक टॉयलेट्स रुम तयार करण्यात आले आहेत. आता ट्रेन्समध्ये बायोटॉयलेट्स फिट करण्यात आले आहेत, ज्यामुळे त्यातील फ्लश सिस्टीममध्येही खूप बदल करण्यात आले आहेत. आता अनेक ट्रेन्समधील टॉयलेट्समध्ये इमर्जन्सी फ्लश बटण देण्यात आले आहेत.
अनेक ट्रेनमध्ये इमर्जन्सी फ्लश बटण आणि नॉर्मल फ्लशसाठी दोन बटणं देण्यात आली आहेत. दोन्ही फ्लश बटणांचा कसा वापर करायचा आणि इमर्जन्सी फ्लश बटण नेमके कसे काम करते हे तुम्हाला माहिती आहे का? चला तर मग, या दोन्ही फ्लश बटणांचा वापर नेमका कसा करायचा जाणून घेऊ…
ट्रेनच्या टॉयलेटमध्ये दिसणाऱ्या दोन बटणांपैकी एका बटणाच्या खाली ‘इमर्जन्सी फ्लश बटण’ आणि दुसऱ्या बटणाच्या खाली ‘फ्लशसाठी वापरा’ असे लिहिले असते. या दोघांचा वेगवेगळ्या कारणासाठी वापर केला जातो. दुसरे बटण नॉर्मल फ्लश यूजसाठी आहे, ज्याचा वापर लोक अनेकदा टॉयलेटचा वापर केल्यानंतर करतात. त्याच वेळी टॉयलेट चोकअप झाल्यास इमर्जन्सी फ्लश बटणचा वापर केला जातो. खरंतर, बरेच लोक टॉयलेटमध्ये टिश्यू पेपर किंवा इतर कचरा टाकतात, ज्यामुळे तो टॉयलेटच्या कमोडमध्ये अडकून राहतो.
अशा परिस्थितीत टॉयलेट जॅम झाल्यानंतर इमर्जन्सी फ्लश बटण वापरले जाते. या फ्लशचा वापर करून, अडकलेला कचरा हाय व्हॅक्यूम आणि पाण्याने काढून टाकता येतो आणि टॉयलेट पुन्हा वापरण्यायोग्य बनवता येते. अशी परिस्थिती तुमच्यावर कधी आली तर तुम्ही या दोन्ही फ्लशचा वापर करू शकता.
एका फ्लशमध्ये किती पाणी असते?
साधारणपणे, घरातील टॉयलेट फ्लश एक बटण प्रेस केल्यावर ०३ लिटर पाणी बाहेर येते. पण, ट्रेनच्या बाबतीत ते वेगळे आहे आणि ते एका खास पद्धतीने बनवले जातात. रिपोर्ट्नुसार, एसी कोचच्या टॉयलेटमध्ये फ्लश केल्यावर ०५ लिटर किंवा ०८ लिटर पाणी बाहेर येते.
