लाडकी बहीण योजनेचे पैसे मिळाले की नाही कसं तपासायचं? जाणून घ्या!

Ladki Bahin Yojana 3rd Installment Deposit : लाडकी बहीण योजनेचे पैसे जमा होण्यास सुरुवात झाली आहे. तुमचा अर्ज स्वीकारला गेला असतानाही पैसे जमा झाले नसतील तर या सोप्या पद्धतीने तुमच्या निधीचं स्टेटस तपासा.

Maharashtra News Live Update in Marathi| Mumbai Pune Live Updates in Marathi

महाराष्ट्र न्यूज लाइव्ह | मुंबई लाइव्ह अपडेट्स (फोटो - लोकसत्ता ग्राफिक्स टीम)

How to Check Ladki Bahin Yojana Payment Status in Bank Account : महायुती सरकारने मुख्यमंत्री माझी लाडकी बहीण योजना अंमलात आणली आहे. या योजनेअंतर्गत पात्र महिलांना दर महिन्याला दीड हजार रुपये सन्मान निधी सरकारकडून दिला जातो. जुलै महिन्यात ही योजना सुरू झाली असून टप्प्याटप्प्याने प्रत्येकाच्या खात्यात पैसे जमा केले जातात. परंतु, अद्यापही काही पात्र महिलांना बँक खात्यात पैसे जमा झाल्याचा मेसेज आलेला नाही. तसंच, अर्जात ज्या खात्याची नोंद केली आहे, त्या बँकेत जाऊन तपासले असता त्या खात्यातही पैसे आलेले नाहीत, अशी स्थिती तुमचीही झाली असेल तर तुमचे पैसे कोणत्या खात्यात गेले? आणि ते कसे तपासायाचे याविषयी सोपी ट्रिक तुम्हाला सांगणार आहोत.

मुख्यमंत्री माझी लाडकी बहीण योजनेची घोषणा झाली तेव्हा काही निकष ठरवण्यात आले होते. त्यानुसार, अडीच लाखांच्या खाली उत्पन्न असलेल्या महिलांना या योजनेत पात्र ठरवण्यात येणार, बँकेशी आधार लिंक असणं गरजेचं आहे, महिलेच्या कुटुंबातील कोणाकडेही चार चाकी गाडी नसावी आदी काही निकष होते. त्यामध्ये बँकेत तुमचं आधार कार्ड लिंक असणं फार गरजेचं आहे. कारण, तुमचा अर्ज स्वीकारला गेला असला तरीही बँक सिडिंग नसल्याने तुमच्या खात्यात पैसे जमा होण्यास अडचणी येणार आहेत. तसंच, एकापेक्षा अधिक बँक खाती असतील आणि अधिक खात्यांपैकी कोणतंही खातं सिडिंग झालं असेल तर त्या खात्यातही थेट पैसे जमा होत आहेत. अशावेळी पात्र महिलांच्या मोबाईलवर पैसे जमा झाल्याचा मेसेज येत नाही. त्यामुळे तुमचं कोणतं खातं सिडिंग आहे आणि कोणत्या खात्यात पैसे जाम झालेत, हे कसं तपासायचं ते पाहुयात.

नक्की वाचा

Mukhyamantri Ladki Bahin Yojana 4th installment Payment Status in Bank Account

Ladki Bahin Yojana 4th Installment : लाडकी बहीण योजनेचा चौथा हप्ता खात्यात जमा; तुम्हालाही मिळाली का भाऊबीजेची ओवाळणी?

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

female police officer nearly kisses womans lips video viral

ऑन ड्युटी महिला पोलिस अधिकाऱ्याने मर्यादा ओलांडली, मान धरली, किस केलं अन्…; लज्जास्पद Video व्हायरल

Woman driving BMW steals flower pot from outside Noida shop, video goes viral

“अशा श्रीमंतीचा काय उपयोग?” आलिशान बीएमडब्ल्यूमधून आलेल्या महिलेचं रात्री १२ वाजता लाजीरवाणं कृत्य; VIDEO व्हायरल

माझी लाडकी बहीण योजनेची लाभार्थी यादी जाहीर; तुमचे नाव आहे की, नाही कसे तपासणार? फाॅलो करा ‘या’ सोप्या स्टेप्स

‘लाडकी बहीण’ योजनेचे ३ हजार रुपये अजूनही तुमच्या खात्यात जमा झाले नाहीत? कुठे तक्रार करणार? जाणून घ्या…

‘डान्स असावा तर असा…’ ‘घनी बावरी’ गाण्यावर केला जबरदस्त डान्स; VIDEO पाहून युजर्स करतायत कौतुक

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

हेही वाचा >> Ladki Bahin Yojana Update: लाडकी बहीण योजनेबाबत सरकारच्या महत्त्वाच्या सूचना; आता ‘त्या’ बँकांवर कारवाई होणार

लाडकी बहीण योजनेचे पैसे कोणत्या खात्यात गेले? असं तपासा!

सर्वात आधी https://uidai.gov.in/en/ यासंकेतस्थळावर जा.
त्यानंतर खाली असलेल्या My Aadhar वर क्लिक करा.
तिसऱ्या कॉलममध्ये Aadhaar Services च्या खाली बँक सिडिंग स्टेटसवर क्लिक करा.
तिथे क्लिक केल्यानंतर तुमच्यासमोर लॉग इनचा पर्याय समोर दिसेल. तिथे तुमचा आधार कार्ड क्रमांक समाविष्ट करा, कॅप्चा भरा आणि आधार कार्डशी लिंक असलेल्या मोबाईल क्रमांकावर आलेला ओटीपी भरा.
आता तुमच्या समोर चौकोनी आकारातील काही पर्याय दिसतील. तिथे Bank Seeding Status वर क्लिक करा.
तिथे क्लिक केल्यानंतर तुमच्यासमोर Congratulations! Your Aadhaar-Bank Mapping has been done असा मेसेज येऊन खाली ज्या बँकेत तुमचं आधार कार्ड लिंक आहे, त्याची माहिती येईल. तिथे आलेल्या बँकेतच तुमचे पैसे जमा झाले आहेत.

अर्जात भरलेल्या बँक खात्यात पैसे जमा न होता इतर खात्यात पैसे जमा झाल्यास अनेकदा मेसेज येण्यास अडचणी निर्माण होत आहेत. त्यामुळे वरील युक्ती वापरून जर तुम्ही प्रक्रिया केलीत तर तुम्हाला पैसे कोणत्या खात्यात गेलेत हे समजायला सोपं पडेल. त्यामुळे लगेच जाऊन त्या बँकेत तुमचं पासबूक तपासून या.

हेही वाचा >> Ladki Bahin Yojana 4th Installment : लाडकी बहीण योजनेचा चौथा हप्ता खात्यात जमा; तुम्हालाही मिळाली का भाऊबीजेची ओवाळणी?

लाडकी बहीण योजनेसाठी हेल्पलाईन क्रमांका कोणता?

सिडिंग बँक खात्यातही पैसे जमा झाले नसतील तर १८१ या हेल्पलईन क्रमांकावर संपर्क साधण्याचं आवाहन सरकारच्या वतीने करण्यात आलं आहे.

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ladki bahin yojana scheme third installment how to check ladki bahin yojana 3rd installment deposit or not in bank account sgk

Ladki Bahin Yojana Payment Status : लाडकी बहीण योजनेचे पैसे मिळाले की नाही कसं तपासायचं? जाणून घ्या!

लाडकी बहीण योजनेचे पैसे कोणत्या खात्यात गेले? असं तपासा!

लाडकी बहीण योजनेसाठी हेल्पलाईन क्रमांका कोणता?