..म्हणून महाराष्ट्रातील ‘या’ रेल्वेसाठी दरवर्षी ब्रिटिश कंपनीला द्यावे लागतात १ कोटी; नाव वाचून व्हाल थक्क

शकुंतला रेल्वेची स्थापना १९१० मध्ये किलिक-निक्सन नावाच्या खाजगी ब्रिटीश कंपनीने केली होती. कंपनीने भारतात ब्रिटिश सरकारसोबत संयुक्त उपक्रम सुरू करून सेंट्रल प्रोव्हिन्स रेल्वे कंपनी (CPRC) स्थापन केली. १९२१ मध्ये मँचेस्टरमध्ये बनलेल्या ZD-स्टीम इंजिनवर ही रेल्वे ७० वर्ष चालवली गेली त्यानंतर मूळ इंजिन १५ एप्रिल १९९४ रोजी डिझेल इंजिनने बदलण्यात आले.यवतमाळ ते मुंबई (बॉम्बे) मुख्य मार्गावर कापूस नेण्यासाठी नॅरोगेज लाइन बांधण्यात आली होती जिथून तो इंग्लंडमधील मँचेस्टरला पाठवला जात होता.

आणखी वाचा

शेतकऱ्यांच्या प्रश्नावर थेट आंदोलन न करणाऱ्या ॲड. चटप यांना मतदार स्वीकारणार का?

Nana Patole : निकालाआधी राजकीय घडामोडींना वेग; यातच…

पुणे महापालिकेच्या उपायुक्तासह शिक्षणाधिकारी, लिपिकाविरुद्ध गुन्हा दाखल; बनावट पदवी सेवा पुस्तिकेत जोडून महापालिकेची फसवणूक

Pramod Sawant: महायुती की महाविकास आघाडीच्या काळात उद्योग महाराष्ट्राबाहेर? मुख्यमंत्र्यांचे मोठे विधान

नागपुरात आणखी एक महाघोटाळा! अडीच हजार लोकांचे कोट्यवधी…

नागपूर संभाजीनगरला जोडणारी एकही रेल्वेगाडी का नाही

सराफी पेढीत खरेदीच्या बहाण्याने चोरी करणाऱ्या तरुणीसह साथीदार गजाआड; पुणे, मुंबई, ठाण्यात चोरीचे गुन्हे

सुवर्णवार्ता… सोन्याचे दर निच्चांकीवर… दिवाळीनंतर मोठी घसरण…

ब्रिटीश राजवटीत बांधलेली शकुंतला रेल्वे ही यवतमाळ आणि मूर्तिजापूर दरम्यानची १९० किमी लांबीची रेल्वे लाइन आहे. १९५२ मध्ये रेल्वेचे राष्ट्रीयीकरण झाले तेव्हा हा मार्ग बदलला गेला नव्हता आणि हा ट्रॅक आजही एकोणिसाव्या शतकात ज्या कंपनीने सुरु केला त्यांच्याच मालकीचा आहे. आश्‍चर्याची गोष्ट म्हणजे ब्रिटीश कंपनीला अजूनही रुळांवर ट्रेन चालवण्यासाठी भारतीय रेल्वेकडून १ कोटींहून अधिक रुपये दिले जातात.

शकुंतला रेल्वे अजूनही नॅरोगेज लाइन वापरते आणि दररोज फक्त एकच परतीचा प्रवास करते. सध्या अमरावती जिल्ह्यातील यवतमाळ ते अचलपूर दरम्यानचे १९० किमी अंतर ही रेल्वे पार करते ज्यासाठी सुमारे २० तास लागतात. या प्रवासाचे तिकीट सुमारे १५० रुपये आहे.

हे ही वाचा<< एका फुग्यामुळे अमेरिका-चीनमध्ये तणाव, हेरगिरी करणारे ‘Spy Balloons’ कसे करतात काम? जाणून घ्या

सध्या, शकुंतला रेल्वेच्या गाडीतून इंजिन वेगळे करणे, सिग्नलिंग आणि तिकीट विक्रीपर्यंत कामाची जबाबदारी सात कर्मचाऱ्यांकडून सांभाळली जाते. नॅरोगेज यवतमाळ-मुर्तिजापूर-अचलपूर रेल्वे मार्गाचे ब्रॉडगेजमध्ये रूपांतर करण्यासाठी नुकतेच केंद्रीय रेल्वेमंत्री सुरेश प्रभू यांनी १५०० कोटी मंजूर केले आहेत.