मार्गेरिटा पिझ्झाच्या नावाचं इटलीच्या राणीशी आहे खास कनेक्शन, वाचा १३५ वर्षांपूर्वीची रंजक गोष्ट

मार्गेरिटा पिझ्झा हा मूळ पिझ्झा असल्याचं म्हटलं जातं. हा जगातला सर्वात पहिला पिझ्झा मार्गेरिटा असल्याचं मानलं जात. इटलीच्या नेपल्समध्ये रॉफेल एस्पिओसिटो नावाच्या व्यक्तीने मार्गेरिटा पिझ्झा बनवला होता. इतर पिझ्झाच्या तुलनेत या पिझ्झाचं पीठ खूप मऊ असतं. खमीर (यीस्ट – पाव फुगण्यासाठी वापर येणार साहित्य ), पीठ, पाणी आणि मीठ घालून मार्गेरिटा पिझ्झाचा बेस बनवला जातो.

आणखी वाचा

आर माधवनचं दुबईतील घर पाहिलंत का? मराठमोळ्या पत्नीबरोबर दिवाळीची पूजा, सरिताच्या मराठी लूकने वेधलं लक्ष

IND vs NZ : ऋषभ पंतच्या वादग्रस्त विकेटवर…

Queen Nefertiti bust: ३,३७० वर्षे प्राचीन इजिप्तची राणी परंतु तिचा पुतळा जर्मनीत; नेफरतितीचा अर्धपुतळा इजिप्तला परत मिळणार का?

रोज रोज भाजी-पोळी खाऊन कंटाळला आहात? मग आज बनवा टोमॅटो पुलाव तेही झटपट

लंडनमध्ये चोरांचा हजारो टन चेडर चीजवर डल्ला! चेडर चीज म्हणजे काय? मुळात त्याची चोरी करावीशी का वाटली?

Alexander the great’s purple tunic: ३००० वर्षे प्राचीन ‘अलेक्झांडर द ग्रेट’चा जांभळा अंगरखा अखेर सापडला; त्याचा भारताशी काय संबंध?

Success Story Of Sanam Kapoor : ‘आयटी’तील नोकरी सोडून सुरू केला पिझ्झा ब्रॅण्ड; वाचा लोकप्रिय कंपन्यांना टक्कर देणाऱ्या सनम कपूरचा प्रवास

दिवाळीतील मिठाई कधी संपणार, असा प्रश्न पडलाय? मग झटपट बनवा मिठाईची स्वादिष्ट खीर

हेही वाचा – भारतातील सर्वाधिक महागड्या पाच शाळा कोणत्या? वर्षाला घेतात लाखो रुपये

सावॉयची राणी मार्गेरिटाच्या नावावरून या पिझ्झाला नाव देण्यात आलं आहे. इटलीचा राजा अम्बर्टोची पहिली राणी मार्गेरिटा होती. दोघांनी १९८९ साली नेपल्सचा दौरा केला होता. यावेळी राणी राजेशाही कुटुंबाला दिल्या जाणाऱ्या ठराविक फ्रेंच जेवणाला कंटाळली होती. पिझ्झेरिया ब्रँडीचे प्रसिद्ध पिझ्झाओलो म्हणजे पिझ्झा निर्माते राफेल एस्पिओसिटो यांना राणीसाठी काहीतरी वेगळं आणि स्थानिक जेवण तयार करण्याची जबाबदारी दिली.

मार्गेरिटा पिझ्झामध्ये काय आहे विशेष?

एस्पिओसिटो यांनी राणीसाठी तीन वेगवेगळे पिझ्झा बनवले. प्रत्येक पिझ्झावर वेगवेगळे टॉपिंग (भाज्या वगैरे) होत्या. यातील दोन पिझ्झा पारंपरिक शैलीने बनवले होते. पण तिसऱ्या पिझ्झाने राणीचं लक्ष वेधून घेतलं. कारण हा पिझ्झावर इटलीच्या ध्वजातील रंगानुसार एस्पिओसिटो यांनी बनवला होता. लाल रंगाचा टोमॅटो सॉस, पांढऱ्या रंगाच मोझेरेला चीज आणि हिरवी तुळशीची पानं याचा वापर करून एस्पिओसिटो यांनी राणीसाठी खास पिझ्झा तयार केला होता.

राणी मार्गेरिटाला एस्पिओसिटो यांनी केलेला तिसरा पिझ्झा खूप आवडला. तिनं एस्पिओसिटोचं खूप कौतुक केलं. राणीच्या सन्मानार्थ राफेल एस्पिओसिटोने त्याच तिसऱ्या पिझ्झाचं नाव मार्गेरिटा दिलं. या शाही कनेक्शनमुळे मार्गेरिटा पिझ्झा लोकप्रिय होण्यास खूप मदत झाली.

हेही वाचा –Daylight Saving Time : ‘डेलाइट सेव्हिंग टाइम’ म्हणजे काय? जगभरात का होते चर्चा? जाणून घ्या कारण!

जिथे राफेल एस्पिओसिटो यांनी पहिल्यांदा राणीला मार्गेरिटा पिझ्झा पहिल्यांदा खाऊ घातला, तिथे आजही पिझ्झा मिळतो. मार्गेरिटा पिझ्झा क्लासिक असला तरी मोजक्या साहित्याने बनवला जातो. यामध्ये आता टोमॅटो सॉस किंवा टोमॅटो, मोझेरेला चीज, तुळस आणि ऑलिव्ह ऑइलचा वापर केला जातो.