फळे खाणे आरोग्यासाठी खूप गरजेचे असते. त्यामुळे सहसा आपण सफरचंद, संत्री, मोसंबी, चिकू या फळांचे सेवन करतो. पण, बाजारात मिळणारी इतर फळेसुद्धा आवर्जून खायला हवीत. त्यातील एक म्हणजे रामफळ. रामफळ हे भारतात आढळणारे एक असामान्य, निरोगी आणि पौष्टिक फळ आहे. अनेकांना या फळाची चव खूप आवडते, म्हणून आवडीने काही जण हे फळ खातात. पण, तुम्हाला आवडणाऱ्या या रामफळाचं इंग्रजी नाव काय आहे, हे तुम्हाला माहीत आहे का?

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

रामफळाचे इंग्रजी नाव

त्याच्या हृदयासारख्या आकारामुळे रामफळाला इंग्रजीत (Bullock’s Heart) ‘बुलॉक्स हार्ट’ असं म्हणतात.

रामफळचे वनस्पती नाव

तुम्हाला माहिती आहे का, ‘अ‍ॅनोना रेटिक्युलाटा’ (Annona reticulata) हे रामफळाचे वनस्पती नाव आहे. हे फळ अ‍ॅनोनेसी (Annonaceae) या फॅमिलीमधील आहे.

स्वरूप आणि चव

रामफळाची बाह्य त्वचा लालसर तपकिरी असते आणि आत मऊ, चिकट लगदा असतो, जो थोडा गोड चव देतो.

हेही वाचा

रामफळ आणि सीताफळ यांच्यातील फरक

सीताफळ, ज्याला कस्टर्ड अ‍ॅपल असेही म्हणतात. त्याच्या विपरीत रामफळाची पोत दाट आणि जाड असते आणि त्याची चव थोडी वेगळी असते.

आरोग्य फायदे

रामफळामध्ये फायबर, अँटीऑक्सिडंट्स आणि जीवनसत्त्वे भरपूर प्रमाणात असतात, जे पचनक्रिया सुधारण्यास आणि रोगप्रतिकारक शक्ती वाढविण्यास मदत करतात.

हेही वाचा

रामफळातील व्हिटॅमिन सी कंटेंट रोगप्रतिकारक शक्ती वाढवण्यास योगदान, तर आहारातील फायबर नियमित आतड्यांच्या हालचालींना प्रोत्साहन देऊन नियमित पचन होण्यास मदत करतात. तर रामफळात असणारे अँटिऑक्सिडंट्स ऑक्सिडेटिव्ह नुकसानापासून पेशींचे संरक्षण करण्यास मदत करू शकते, तर पोटॅशियम रक्तदाब नियंत्रित करण्यात महत्त्वपूर्ण भूमिका बजावते, जे हृदय व रक्तवाहिन्यांसंबंधी आरोग्यासाठी फायदेशीर असतात.

रामफळ कुठे आढळते?

भारत, श्रीलंका आणि काही उष्णकटिबंधीय प्रदेश ही अशी काही ठिकाणे आहेत जिथे ते पिकवले जाते.