घराचे Rent Agreement फक्त ११ महिन्यांसाठी का असते? १२ महिन्यांसाठी का नसते? जाणून घ्या कारण

रेंट अ‍ॅग्रीमेंट म्हणजे काय?

भारतीय नोंदणी कायदा, १९०८ च्या कलम-17 (डी) अंतर्गत, भाड्याने घेतलेल्या कोणत्याही घरासाठी एका वर्षापेक्षा कमी कालावधीसाठी रेंट अ‍ॅग्रीमेंट किंवा लीज अ‍ॅग्रीमेंट केले जाते. हे अ‍ॅग्रीमेंट घरमालक आणि भाडेकरू यांच्यातील एक कॉन्ट्रक्ट असतो. ज्यात घर मालकाने कायद्यानुसार, भाडेकरूसाठी काही अटी, शर्थी लिहिलेल्या असतात.

आणखी वाचा

कल्याण पूर्वेत थकबाकीदारांच्या मालमत्तांना टाळे

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

पनवेल: शास्तीमाफीसाठी मुख्यमंत्र्यांकडे पाठपुरावा

भूसंपादनाविरोधात शेतकऱ्यांची एकजूट; उरण, पनवेलमधील १२४ गावे संपादित करण्याची अधिसूचना

वसई : २९ गावांचे प्रकरण तापले, सुनावणीची प्रक्रिया बेकायदेशीर असल्याचा आरोप

२६ हजार घरांच्या सोडत प्रक्रियेस मुदतवाढीचा प्रस्ताव विचाराधीन

पाच वर्षात पनवेल, विरारची घरे महागली; दोन्ही ठिकाणच्या किमतीत ५८ टक्क्यांनी वाढ

२९ गावांचा वसई विरार महापालिकेत समावेश, ३१ हजार हरकतींवर जिल्हाधिकारी कार्यालयात सुनावणी

रेंट अ‍ॅग्रीमेंट ११ महिन्यांसाठी का असते?

उपलब्ध माहितीनुसार, देशातील बहुतांश कायदे भाडेकरूच्या बाजूने आहेत. अशा परिस्थितीत भाडेकरू आणि मालक यांच्यात वाद झाल्यास संबंधित मालमत्ता रिकामी करणे फार अवघड होऊन बसते. अनेक प्रकरणांमध्ये मालमत्ता धारकांना स्वत:ची मालमत्ता परत मिळवण्यासाठी दीर्घकाळ कायदेशीर लढा द्यावा लागतो. यामुळे कोणत्याही मालमत्तेचा मालक आणि ती मालमत्ता भाड्याने घेणाऱ्या भाडेत्रामध्ये ११ महिन्यांसाठी रेंट अग्रीमेंट केले जाते. मात्र १०० आणि २०० रुपयांच्या स्टॅम्पपेपरवर बनवलेल्या अ‍ॅग्रीमेंटला कायदेशीर मान्यता नाही.

भारतीय नोंदणी कायद्यानुसार, १२ महिने किंवा त्याहून अधिक कालावधीसाठी जर रेंट अ‍ॅग्रीमेंट बनवायचे असेल तर स्टॅम्प ड्यूटी आणि रजिस्ट्रेशन शुल्क भरावे लागते. हाच खर्च टाळण्यासाठी भारतात बहुतेक भाडेकरून आणि घरमालक केवळ ११ महिन्यांसाठी रेंट अ‍ॅग्रीमेंट तयार करतात.

मालमत्ता हस्तांतरण कायद्यानुसार, एडवर्स पजेशनअंतर्गत, संपतीवर ताबा असलेल्या व्यक्तीला संपत्ती विकण्याचा अधिकार असतो. जर एखादा भाडेकरून १२ वर्षांहून अधिक काळ एखाद्या मालमत्तेत वास्तव्य करत असेल तर त्या व्यक्तीला त्या मालमत्तेवर अधिकार सांगता येतो. ही परिस्थिती टाळण्यासाठी अनेक मालमत्ता धारक रेंट अ‍ॅग्रीमेंट ११ महिन्यांसाठीच ठेवतात. जेणेकरून १२ व्या महिन्यात ते अ‍ॅग्रीमेंट रिन्यू करता येईल. असे केल्याने मालमत्ता धारकाच्या मालमत्तेवर त्याच्याशिवाय कोणीही अधिकार किंवा हक्क सांगू शकत नाही.