सद्य:स्थितीत शेती व्यवसायात उत्पन्नवाढीसाठी शेतकऱ्यांचे भन्नाट नवनवे प्रयोग सुरू आहेत. त्यात आपण अनेक वेळा ऐकले असेल की, शेतकऱ्यांचे फळबागेतून मिळणारे उत्पन्न घटत आहे. मात्र, अशा परिस्थितीत सातारा जिल्ह्यातील दुष्काळी खंडाळा तालुक्यातील ७१ वर्षीय शेतकऱ्याने आपल्या शेतात नवीन प्रयोग केला आहे. आधुनिक फळबागेची लागवड करत लाखोंचे उत्पन्न घेतले आहे. मेक्सिको या देशात होणाऱ्या ड्रॅगन फ्रुटची बाग शंकर पवार यांनी आपल्या शेतात फुलवली आहे. विशेष म्हणजे त्यांना या पिकाबद्दल फारशी माहिती नव्हती, तसेच कोणत्याही प्रकारचे खास प्रशिक्षणही त्यांनी घेतलेले नाही. त्यामुळे त्यांनी चक्क यूट्युबवरून धडे घेत या ड्रॅगन फ्रुटची यशस्वी लागवड केली. तसे बघायला गेले तर गाव अगदी छोटेसे, सतत पाण्याची कमतरता आणि खडकाळ जमीन यामुळे अधिक उत्पन्न मिळणे कठीण होते. मात्र इच्छाशक्ती, कष्ट यांना योग्य व्यवस्थापनाची जोड दिल्यास हमखास यश मिळते हे शंकर पवार या शेतकऱ्याने दाखवून दिले. चला तर मग पाहू या या प्रयोगशील शेतकऱ्याची ही प्रेरणादायी यशोगाथा.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
