Sea in the world: या जगातील झाडं, डोगरं, नद्या, समुद्र या निसर्गानं निर्माण केलेल्या प्रत्येक गोष्टीचं स्वतःचं असं एक खास महत्त्व आहे. या निसर्गाचं सौंदर्य नेहमीच लोकांना आकर्षित करतं. त्यापैकीच एक म्हणजे समुद्र. पृथ्वीच्या पृष्ठभागाचा सुमारे ७१% भाग पाण्यानं व्यापलेला आहे आणि पृथ्वीवरील एकूण पाण्यापैकी ९६.५% पाणी महासागरांमध्ये सामावलेलं आहे. पॅसिफिक महासागर, अटलांटिक महासागर, हिंद महासागर, दक्षिण महासागर व आर्क्टिक महासागर यांसारख्या पाच प्रमुख ज्ञात महासागरांव्यतिरिक्त जगामध्ये जवळपास ५० समुद्र आहेत. समुद्रांमध्ये विविध जलचर प्राणी निवास करतात. असे हे समुद्र अनेक रहस्यमय गोष्टींनी व्यापलेले आहेत. आज आम्ही तुम्हाला जगातील सर्वांत धोकादायक समुद्र कोणते ते सांगणार आहोत.
जगातील धोकादायक समुद्र
आयएफएल सायन्स, मरीन इनसाइट्स व हाऊ स्टफ वर्क्स यांनी नमूद केल्यानुसार बर्म्युडा ट्रँगल आणि दक्षिण चीन समुद्र हे जगातील दोन सर्वांत धोकादायक समुद्र म्हणून अधोरेखित केले गेले आहेत.
बर्म्युडा ट्रँगल
बर्म्युडा, प्युर्टो रिको व फ्लोरिडाच्या दक्षिण टोकादरम्यान १.३ दशलक्ष चौरस किलोमीटर क्षेत्रात पसरलेला बर्म्युडा ट्रँगल हा जगातील सर्वांत धोकादायक समुद्रांच्या यादीपैकी एक आहे. गेल्या दशकांमध्ये त्याच्या सीमांतर्गत असंख्य रहस्यमय जहाजे बुडण्याच्या आणि गायब होण्याच्या घटना घडल्या आहेत. या प्रत्येक घटनेचे ठोस स्पष्टीकरण नसतानाही अनेक लोकांनी नैसर्गिक आपत्ती आणि परग्रहवासीयांकडून अपहरण असे अधिक युक्तिवाद मांडण्यास सुरुवात केली होती.
दक्षिण चीन समुद्र
दक्षिण चीन समुद्रात समुद्री चोरांच्या कारवायांचा मोठा इतिहास असल्याचे म्हटले जाते. २०१४ ते २०२३ दरम्यान एकूण १८४ जहाजांचे नुकसान झाले आहे. त्याव्यतिरिक्त प्रशांत महासागराचा हा छोटासा भाग उष्ण कटिबंधीय द्वीपसमूह इंडोचायना, इंडोनेशिया व फिलिपाइन्सला वेढून असल्याने, पावसाळ्यात तीव्र प्रवाह, वादळ व सोसाट्याचे वारे अशा हवामानाच्या प्रतिकूल घटनांना तोंड द्यावे लागते.
‘आयएफएल सायन्स’ने नमूद केल्याप्रमाणे, दक्षिण चीन समुद्र भूतकाळात लष्करी संघर्षांशी जवळून जोडलेला आहे, ज्यामुळे काही दीर्घकालीन भूराजकीय तणाव निर्माण झाले आहेत. या परिस्थितीमुळे खलाशांसाठी येथून मार्गक्रमण करणे आणखी धोकादायक ठरते.
ड्रेक पॅसेज
ड्रेक पॅसेज, ज्याला ‘सी ऑफ होसेस’, असेही म्हणतात. हा जगातील सर्वांत धोकादायक समुद्रांपैकी एक आहे, जो त्याच्या वादळी परिस्थिती व प्रतिकूल प्रवाहांसाठी प्रसिद्ध आहे. त्याच्या शिखरावरील ड्रेक पॅसेज त्याच्या तीव्र वाऱ्यांमुळे ९ ते १२ मीटर उंचीच्या लाटा निर्माण करण्यास सक्षम आहे.
आणखी धक्कादायक बाब अशी आहे की, होसेस समुद्र, ज्याचा मार्ग दक्षिण अमेरिकेतील अंटार्क्टिका ते केप हॉर्न आणि अटलांटिक ते पॅसिफिक महासागरांपर्यंत पसरलेला आहे, प्रत्यक्षात कोणतेही मोठे भूभाग नाहीत. त्यामुळे त्याचे प्रवाह मुक्त असतात.
बेरिंग समुद्र
सरासरी ६० मीटर खोली असलेला बेरिंग समुद्र हादेखील एक कुप्रसिद्ध सागरी मार्ग आहे, ज्याने अनेकांचे जीव घेतले आहेत. बेरिंग समुद्र उथळ खोली, तीव्र प्रवाह, अत्यंत हवामान आणि समुद्रातील बर्फ यांना जोडतो, ज्यामुळे तो जगातील सर्वांत धोकादायक समुद्र मानला जातो.
बिस्केचे आखात
जगातील सर्वांत धोकादायक समुद्रांच्या यादीत बिस्केचे आखात आहे, जिथे मोठ्या लाटा, अचानक वादळे व जोरदार वारे येण्याची शक्यता आहे. नैसर्गिक कारणांमुळे अनुभवी खलाशांनाही शक्तिशाली लाटांवरून प्रवास करणे कठीण झाले आहे. जरी या मार्गावर वर्षभर धोकादायक प्रवास होत असला तरी ऑक्टोबर ते एप्रिल या कालावधीत नौकानयनाचे धोके आढळतात.
