Skeleton Flower: स्केलेटन फ्लॉवर हा निसर्गातील सर्वांत दुर्मीळ आणि सुंदर वनस्पती आहे. कारण- त्याच्यावर पाणी पडल्यावर त्याचे स्वरूप बदलते. हे पारदर्शक फूल म्हणून ओळखले जाते. कारण- या फुलावर पावसाचे पाणी पडल्यानंतर ते पारदर्शक दिसू लागते; ज्यामुळे ते अनेक वनस्पतीशास्त्रज्ञ, संशोधक व शास्त्रज्ञांना आकर्षित करते.
स्केलेटन फ्लॉवर पावसाळ्यात पारदर्शी कसे होते?
स्केलेटन फ्लॉवर बारमाही वनस्पती आहे. शरद ऋतूमध्ये ‘स्केलेटन फ्लॉवर’ची सर्व पाने गळून पडतात आणि प्रत्येक वसंत ऋतूमध्ये ही वनस्पती पुन्हा बहरते. ती सहसा १.३ फूट (सुमारे ४० सें.मी.)पर्यंत वाढते आणि त्याचे दांडे १२ ते २४ इंच (३० ते ६० सेमी) लांबीचे असतात. वनस्पती हळूहळू वाढते आणि जास्तीत जास्त वाढ होण्यासाठी त्याला अनेक वर्ष लागतात. स्केलेटन फ्लॉवरला टोकदार पाने असतात आणि त्यामुळे ही वनस्पती विचित्र दिसते. दुसरीकडे, स्केलेटन फ्लॉवरच्या फुलांची एक खासियत आहे. ही पांढरी, अपारदर्शक असलेली फुले पाणी पडल्यावर पारदर्शक होतात.
स्केलेटन फ्लॉवरचे सर्वांत उल्लेखनीय वैशिष्ट्य म्हणजे ती ओले असताना पारदर्शक होते. सुरुवातीला हे फूल पांढऱ्या रंगाचे दिसते; परंतु जेव्हा त्यावर पाणी पडते तेव्हा ते स्फटिकासारखे स्पष्ट दिसू लागते आणि परंतु ही स्थिती तात्पुरती आहे. जेव्हा पाऊस किंवा ओलावा सुकतो तेव्हा फुले त्यांच्या मूळ पांढऱ्या अपारदर्शक रंगात परत येतात.
फुलाच्या अर्धपारदर्शक स्वरूपामुळे फुलाला एकत्र धरून ठेवणाऱ्या आतील नसा दिसतात. त्यामुळे फूल जवळजवळ आश्चर्यकारक दिसते.
स्केलेटन फ्लॉवर कुठे उगवतात?
स्केलेटन फ्लॉवर जपानच्या जंगली पर्वताच्या बाजूंनी, सामान्यतः थंड आणि सावलीच्या भागात वाढताना आढळली आहे. उंच झाडांनी छायांकित केलेल्या कमी सूर्यप्रकाशाच्या भागात ती आढळते. तिची फुलं ओलसर ठिकाणी चांगले फुलतात. स्केलेटन फुले उन्हाळ्याच्या सुरुवातीपर्यंत मध्य वसंत ऋतूदरम्यान फुलतात. जपानमध्ये जेव्हा पावसाळा येतो तेव्हा ही फुले सर्वाधिक बदल दर्शवण्यासाठी फुलतात.
स्केलेटन फ्लॉवरची वाढ
स्केलेटन फ्लॉवर बर्बेरिडेसी कुटुंबातील आहे. या कुटुंबातील काही प्रसिद्ध वनस्पती येतात, ज्यात मेपल (पॉडोफिलम पेल्टाटम) व छत्रीचे पान (डार्मेरा पेलटाटा) यांचा समावेश होतो. या कुटुंबाचे वेगळे वैशिष्ट्य म्हणजे त्यात विविध प्रकारच्या वनस्पतींचा समावेश आहे. कारण- त्या बहुतेक वनस्पती जगभरातील समशीतोष्ण प्रदेशातील आहेत. स्केलेटन फ्लॉवर खूप हळू वाढते, कधी कधी त्याला परिपक्व होण्यासाठी अनेक वर्षे लागतात
त्याचा मंद वाढीचा दर त्याच्या टंचाईला कारणीभूत ठरतो. कारण- ही वनस्पती बागेत किंवा नैसर्गिक लँडस्केपमध्ये कमी वेळा आढळते. बागेत वाढल्यास, त्याच्या मंद विकासामुळे त्याला जास्त लक्ष द्यावे लागते. हे सहसा जंगलातील गट किंवा समूहांमध्ये आढळते.
स्केलेटन फ्लॉवरची अर्धपारदर्शक फुलांची घटना
स्केलेटन फ्लॉवरने अनोख्या सौंदर्यामुळे वनस्पतिशास्त्रज्ञांचे लक्ष वेधून घेतले आहे. स्केलेटन फ्लॉवर ओली असताना अनेक कारणांमुळे रंग बदलू शकतो, ज्यात फुलांच्या परागकणात मदत करणे किंवा तृणभक्षी प्राण्यांपासून संरक्षण करणे यासह अनेक कारणे असू शकतात.
स्केलेटन फ्लॉवर हा निसर्गाच्या दृष्टीने सौंदर्याचा एक भव्य नमुना आहे. जेव्हा पाऊस पडतो तेव्हा पारदर्शक बनण्याची त्याची क्षमता डोळ्यांसाठी एक रोमांचक नमुना बनवते, त्याच्या सर्व पातळ शिरा आणि आतील रचना दर्शवते. अशा प्रकारे या वनस्पतीने केवळ वैज्ञानिक समुदायांचेच नव्हे, तर निसर्ग छायाचित्रकार व वनस्पतींवर प्रेम करणाऱ्या लोकांचे लक्ष वेधून घेतले आहे.
