Cricket Ball Making Process: भारतात सध्या आयपीएलमय वातावरण आहे पण एरवी सुद्धा जगाच्या तुलनेत भारतीयांचे क्रिकेट प्रेम विशेष आहे असं म्हणणे चुकीचे ठरणार नाही. असं म्हणतात, भारतातील गल्लोगल्ली सुनील गावसकर, सचिन तेंडुलकर बनण्याची स्वप्न घेऊन लाखो मुलं जगत असतात. कालानुरूप या क्रिकेटच्या स्वरूपात अनेक बदल होत गेले. अगदी प्रत्येक पैलू वेळेनुसार मॉडर्न व सोयीस्कर होत गेला. क्रिकेटचा चेंडू सुद्धा ३०० वर्षात खूप बदलल्याचे दिसून येते. सुरुवातीला काही जण कापड किंवा लोकरीचा गोळा घेऊन चेंडू म्हणून वापरायचे तर आता कॉर्क किंवा चामड्याने बनलेला चेंडू क्रिकेटमध्ये वापरला जातो. आपण आजवर आयुष्यात प्रत्यक्ष किंवा टीव्हीवर कित्येक सामने पाहिले असतील पण हा क्रिकेटचा बॉल नेमका बनतो कसा हे तुम्हाला माहित आहे का?
क्रिकेटमध्ये वापरला जाणारा सीझन बॉल म्हणजेच लेदर वापरून बनवलेला बॉल हा जवळपास १६० ग्राम वजनाचा असतो. देशातील बहुतांश क्रिकेटची सामग्री बनवण्याचे कारखाने उत्तरप्रदेश मधील मेरठ व पंजाब मधील जालंधरमध्ये आहेत. हे बॉल बनवण्यासाठी मशीनचा वापर केला जातोच पण त्यातही कामगारांची कलाकुसर विशेष ठरते. याचा एक व्हिडीओ आज आपण पाहणार आहोत.
क्रिकेटचा बॉल कसा बनतो? (How Cricket Ball Is Made?)
क्रिकेटचा बॉल बनवण्यासाठी सर्वात आधी कॉर्कमधून चेंडूच्या आकाराचा साचा बनवला जातो. कॉर्क हे सोप्या भाषेत झाडाच्या खोडाचे बारीक सालीसारखे व्हर्जन आहे. यासाठी ओक झाडाचा वापर केला जातो. या साच्यात गोलाकार चेंडू बनवल्यावर यावर लेदरच्या थर जोडला जातो. यासाठी आधी लेदर नीट सुकवून चेंडूच्या आकारानुसार कापून घेतले जाते.
हे ही वाचा<< भोपळी मिरचीच्या तळाला किती टोकं आहेत यावरून ठरतो गोडवा; एका नजरेत कशी कराल योग्य निवड?
ही प्रक्रिया पूर्ण होण्याआधी चेंडूला अन्यही स्टेप्स पार कराव्या लागतात. यामध्ये चेंडूचा आकार व मोजमाप तपासले जाते, लेदरचा लेयर चढवल्यावर या चेंडूला हाताने शिवले जाते. चेंडू वापरासाठी निवडला जाणार की नाही हे या शिलाईवरच अवलंबून असते. जर बॉल तपासणीत १४०० पौंड वजन सहन करून शकला तर त्याची निवड होते. मात्र जर या वजनाने बॉलचा आकार बदलला तर त्याला रिजेक्ट केले जाते. शेवटच्या टप्प्यात या चेंडूला पॉलिश करून यावर स्टॅम्प लावला जातो व मग मार्केटमध्ये विक्रीसाठी पाठवला जातो.
