Air Travel Safety: विमानाने लाखो लोक प्रवास करतात. त्यातील अनेकांसाठी ही नवी गोष्ट नाही. पण, जर तुम्ही आयुष्यात पहिल्यांदा विमानाने प्रवास करीत असाल, तर विमान प्रवासासंबंधित काही महत्त्वाच्या गोष्टींची माहिती तुमच्याकडे असायला हवी. त्यातील महत्त्वाची गोष्ट म्हणजे सुरक्षेच्या कारणास्तव विमानाने प्रवास करताना काही वस्तू घेऊन जाण्यास परवानगी दिली जात नाही. विमानामध्ये कोणत्या गोष्टींना परवानगी नाही हे एअरलाइन्स, तुमचा गंतव्य देश आणि लागू केलेल्या नियमांवर अवलंबून आहे. आज आम्ही तुम्हाला या संदर्भातील माहिती देणार आहोत.
विमानात या गोष्टी घेऊन जाण्यास बंदी
बंदूक आणि शस्त्रे
दारूगोळा, बंदूक, स्फोटक पदार्थ इत्यादींवर विमानात कठोरपणे बंदी घालण्यात आली आहे. कायदेशीर परवान्याशिवाय अशा वस्तू घेऊन जाण्यास कठोर बंदी घालण्यात आली आहे.
धारदार वस्तू
रेझर, कात्री, कटर, चाकू, धारदार वस्तू किंवा चार इंचांपेक्षा जास्त लांबीचे कोणतेही ब्लेड घेऊन जाण्यास परवानगी नाही. योग्यरीत्या ठेवल्यास किंवा सुरक्षित असल्यास, या वस्तू चेक केलेल्या बॅगेजमध्ये ठेवल्या जाऊ शकतात.
हेही वाचा: रद्द केलेला चेक म्हणजे काय? हा चेक जपून ठेवणे गरजेचे आहे का? घ्या जाणून…
स्फोटक, ज्वलनशील पदार्थ
गॅसोलीनसारखी उत्पादने जी ज्वलनशील द्रव आहेत आणि स्फोटके, फटाके यांसारख्या गोष्टींना विमानात परवानगी नाही.
लिथियम बॅटरी आणि हॉवरबोर्ड
सुरक्षिततेच्या कारणास्तव लिथियम बॅटरी नेहमीच रडारखाली असते आणि त्यामुळेच मोठ्या लिथियम बॅटऱ्यांसह इलेक्ट्रिक स्केटबोर्ड, हॉवरबोर्ड व अशा अनेक उपकरणांना विमानात परवानगी नाही.
अल्कोहोल आणि ड्रग्ज
विमानामध्ये जास्त प्रमाणात अल्कोहोल किंवा वैद्यकीय वापरासाठी निर्धारित न केलेली औषधे वापरण्यास परवानगी नाही. काही एअरलाइन्समध्ये कॅरी-ऑन लगेजमध्ये अल्कोहोल घेऊन जाण्यावर निर्बंध असू शकतात.
हेही वाचा: अमेरिकेतील निवडणूक नोव्हेंबरच्या पहिल्या सोमवारनंतर येणाऱ्या पहिल्या मंगळवारीच का असते? जाणून घ्या
नाशवंत वस्तू
भाजीपाला, ताजी फळे, मांस इत्यादी वस्तू आंतरराष्ट्रीय प्रवास करताना फ्लाइटमध्ये प्रतिबंधित असू शकतात.
स्वसंरक्षणासाठी वापरल्या जाणाऱ्या वस्तू
स्वसंरक्षणासाठी वापरल्या जाणाऱ्या मिरपूड स्प्रे, टॅसर आदी वस्तूंना विमानात परवानगी नाही; परंतु काही अटी आणि नियमांनुसार चेक इन बॅगेजमध्ये नेले जाऊ शकते.
© IE Online Media Services (P) Ltd