रस्त्याच्या मधोमध पांढर्‍या अन् पिवळ्या रेषा का आखल्या जातात? तुटक रेषांचा नेमका अर्थ काय? अनेकांना माहिती नाही ‘हे’ कारण

सरळ पांढऱ्या रेषेचा अर्थ काय?

रस्त्यावरील पूर्ण पांढऱ्या रेषेला इंग्रजीत ‘व्हाईट सॉलिड लाइन’ असे म्हणतात. ती रस्त्याच्या मध्यभागी असते. ही पांढरी ठोस रेषा सूचित करते की, रस्त्यावर कोणत्याही दिशेने वाहन चालवत असताना आपण यू टर्न घेऊ शकत नाही आणि ओव्हरटेक देखील करू शकत नाही. जर ती लाइन क्रॉस करताना एखाद्या ट्राफीक पोलिसांने तुम्हाला पकडलं तर ते तुमच्यावर दंड ठोठावू शकतात.

आणखी वाचा

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

Sushma Andhare : “माझी प्रिय भावजय” म्हणत सुषमा…

नागपूर : बंद वाहतूक सिग्नल; वाहनचालकांना मन:स्ताप, महापालिका-वाहतूक पोलिसांचे दुर्लक्ष

शहरबात : नाकाबंदीचे फलित

बंदोबस्ताची रंगीत तालीम; मध्यभागात वाहतूक कोंडी

पुणे : नाकाबंदी करणाऱ्या पोलिसांना भरधाव दुचाकीची धडक, दुचाकीवरील सहप्रवासी तरुणीसह चौघे जखमी

लोकजागर : सामान्य पुणेकरांना ‘व्हीआयपी’ रस्ते मिळतील का?

पुणेकरांचा ट्रॅफिकमुळे ‘एवढा’ वेळ जातो वाया! वाहतूक कोंडीत आशियातील टॉप १० शहरात पुण्याचा समावेश

रस्त्याच्या मधोमध तुटलेल्या रेषचा अर्थ काय?

रस्त्याच्या मध्यभागी काही मीटर अंतरावर आपणास एकेरी तुटक पांढरी रेषा दिसली असेलच. याला इंग्रजीत ‘ब्रोकन व्हाईट लाइन’ असे म्हणतात. रस्त्याच्या मध्यभागी असलेली ही पांढरी तुटलेली रेषा तुम्हाला सांगते की, तुम्ही रस्त्यावर गाडी चालवत असताना यू टर्न घेऊ शकता किंवा लेन बदलू शकता. परंतु या वेळी आपणास सांभाळून गाडी चालवणे देखील खूप महत्त्वाचे आहे.

रस्त्याच्या मध्ये असणाऱ्या दोन पांढऱ्या रेषांचा अर्थ काय?

रस्त्याच्या मधोमध दोन पांढऱ्या रेषा असल्या तरी तुम्ही ओव्हरटेक करू शकत नाही. रस्त्याच्या मधोमध जिथे जिथे दोन पांढऱ्या रंगाच्या रेषा एकत्र दिसतील तिथे एकाच लाईनने गाडी चालवावी लागेल, तेथे चुकूनही ओव्हरटेक करू नका.

रस्त्यावरील पिवळ्या रेषांचा अर्थ काय?

जर रस्त्यावर पांढऱ्या ऐवजी पिवळ्या रंगाची सिंगल लाइन असेल तर तुम्ही तिथे ती पिवळी रेषा ओलांडू शकत नाही. तुम्ही तुमच्या स्वत:च्या रांगेत राहून वाहने पास करू शकता आणि ओव्हरटेक करू शकता परंतु क्रॉस करू शकत नाही.

दोन पिवळ्या रेषेचा अर्थ काय?

रस्त्यावर जर दोन पिवळ्या रेषा असतील तर तुम्ही ओव्हरटेक करू शकत नाही किंवा पुढे जाऊ शकत नाही. रस्त्याच्या कडेला पिवळी लाईन असल्यास तुम्ही तुमचे वाहन पार्क करू शकत नाही. अशा रस्त्यावर तुम्ही तुमची गाडी किंवा वाहन उभे केल्यास तुमच्यावर दंड आकारला जाईल.

मित्रांनो, रस्त्यावर वाहन चालविणाऱ्या प्रत्येकाला या रेषांचा अर्थ माहीत झाल्यास तो कधीही रस्ता अपघाताला बळी पडू शकत नाही. कारण, या रेषाच रस्त्यावरून मार्गक्रमण करीत असताना दिशानिर्देशांचे काम करीत असतात.