हमासने हल्ला केलेला ‘सुपरनोव्हा’ संगीत महोत्सव नेमका काय आहे?

‘सुपरनोव्हा’ संगीत महोत्सव नेमका काय असतो?

खरं तर, इस्रायलमध्ये २९ सप्टेंबर ते ६ ऑक्टोबर या कालावधीत ज्यू धर्मियांचा पवित्र सण सुक्कोट साजरा करण्यात आला. या सणानंतर एकता आणि प्रेमाचा संदेश देण्यासाठी ‘सुपरनोव्हा म्युझिक फेस्टिव्हल’ आयोजित करण्यात येतो. याच कार्यक्रमाला ‘युनिव्हर्सो पॅरालेलो फेस्टिव्हल’ असंही म्हटलं जातं. असाच कार्यक्रम गाझा पट्टीच्या सीमेपासून अगदी जवळ असलेल्या इस्रायलच्या रेइम भागात आयोजित करण्यात आला होता. ज्यू लोकांना इजिप्तमधून इस्रायलमध्ये आणताना मिळालेल्या दैवी संरक्षणाचं स्मरण म्हणून सुक्कोट सण साजरा केला जातो.

आणखी वाचा

नागपूर : अनुसूचित जातीच्या आरक्षणाच्या वर्गीकरणाचा विषय तापला, हिंदू बहुजन महासंघाचा इशारा

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Nana Patole : “बीड, परभणीच्या घटना सरकार प्रायोजित”, नाना पटोलेंनी सांगितले घटनांमागील…

अग्रलेख : फेकुचंदांचा फाल्गुनोत्सव!

Maharashtra Politics : भाजपा आमदार सुरेश धस हे धनंजय मुंडेंना लक्ष्य का करत आहेत?

धर्म, अस्मिता आणि हिंदू!

Nitin Gadkari : करोना, दंगली, लढायांपेक्षा अधिक मृत्यू अपघातांमुळे… खुद्द गडकरींनीच…

Video : येरवड्यात दहशत माजविणारा गुंड प्रफुल्ल कसबेच्या साथीदारांची धिंड, पाेलिसांकडून भरचौकात साथीदारांना चोप

हेही वाचा- इस्रायलवर हल्ला करणारी पॅलेस्टाईनमधील ‘हमास’ संघटना नेमकी काय आहे?

‘द गार्डियन’च्या वृत्तानुसार, इस्रायलमध्ये आठवडाभर चाललेल्या सुक्कोट धार्मिक सणाच्या समाप्तीनंतर शुक्रवारी रात्री १० वाजताच्या सुमारास एकता आणि प्रेमाचा संदेश देण्यासाठी सुपरनोव्हा संगीत महोत्सव सुरू झाला. खुल्या मैदानात सुरू झालेल्या या संगीत महोत्सवाला हजारो तरुणांनी हजेरी लावली होती.

याच कार्यक्रमस्थळी हमासने शनिवारी पहाटे हल्ला केला. यामध्ये अनेकांचा जीव गेला तर बऱ्याच जणांचं अपहरण करण्यात आलं. विशेष म्हणजे हा हल्ला झाला, त्यावेळी बरेच तरुण-तरुणी मद्य आणि ड्रग्जच्या नशेत होते. गाझापट्टीतून इस्रायलवर रॉकेट हल्ला होत असताना हमासचे दहशतवादी वाहनं आणि दुचाकीवरून इस्रायलच्या सीमाभागात घुसले. त्यांच्याजवळ एके-४७ बंदुकीसह प्राणघातक शस्त्रे आणि दारुगोळा होता. त्यांनी घटनास्थळावरून पळ काढणाऱ्या लोकांवर अंदाधुंद गोळीबार केला. यामध्ये शेकडो लोकांचा मृत्यू झाला. या हल्ल्यानंतर पॅलेस्टाईन-इस्रायल युद्धाला सुरुवात झाली.