Why There Are Only 3 Blades In Ceiling Fans: गुलाबी थंडीचा ओघ कमी होऊन आता हळूहळू हवामानाचा पारा वाढू लागला आहे. मुंबईत तर आता दुपारी अगदी मे महिन्याप्रमाणे उन्हाचा तडाखा अनुभवता येतो. यंदाची थंडी पाहता उन्हाळा सुद्धा कडक असणार असे अंदाज आहेत. आता उन्हाळा सर्वांसाठी सारखा असला तरी त्याचा सामना करण्यासाठी प्रत्येकाच्या घरी एसी असेलच असं नाही. पण अगदी मध्यमवर्गीयांपासून ते श्रीमंतांपर्यंत सगळ्यांकडे पंखा मात्र नक्कीच असतो.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

तुम्ही कधी नीट निरीक्षण केले आहे का आपल्याकडे पंख्याला तीन पाती असतात पण हेच इंग्रजी वेबसिरीज किंवा ब्रिटिशकालीन बांधकाम केलेल्या भागांमध्ये चार पाती असणारे पंखे असतात. असं का हा प्रश्न कधी तुमच्या मनात आला आहे का? फॅशन, स्टाईल, मर्जी इतकाच यामागे हेतू नसून याचे एक खास कारण सुद्धा आहे, ते काय हे आज आपण जाणून घेऊयात..

आणखी वाचा

4 पाती असणारे पंखे कुठे वापरले जातात?

अधिक थंडी असणारे देश म्हणजेच पाश्चिमात्य देशात सिलिंग फॅन पेक्षा एगझोस्ट फॅन्सचा वापर अधिक होतो. याचा वापर आधी म्हंटल्याप्रमाणे हवा खेळती राहण्यासाठी केला जातो. अमेरिका व युरोपियन देशांमध्ये ४ पातींचा पंखा बहुतांश ठिकाणी वापरला जातो.

3 पातीच्या पंख्याचे लॉजिक काय सांगते?

तीन पाती असणाऱ्या पंख्यांचे वैज्ञानिक कारण पाहायचे तर, पंख्यात जितक्या जास्त पाती असतात तितकी कमी हवा लागते त्यामुळे उष्ण देशांमध्ये मुख्यतः तीन पातीचा पंखा वापरला जातो कारण त्याची हवा जास्त लागते तर थंड भागांमध्ये चार पाती असणारा पंखा वापरला जातो कारण त्याचे काम केवळ हवा खेळती ठेवणे इतकेच असते. भारतात उष्ण प्रदेश जास्त असल्याने अधिक भागांमध्ये आपल्याला तीन पातीचे पंखे पाहायला मिळतील.

अभ्यासक सांगतात की पंख्याच्या मोटर क्षमतेनुसार जेवढ्या कमी पाती असतील तितकी जास्त हवा पंखा तयार करतो. म्हणून ३ पाती असणाऱ्या पंख्याने ४ पातीच्या तुलनेत अधिक गार वारा लागतो. याचे आणखी एक कारण म्हणजे पातीच्या वजनाने मोटरची क्षमता कमी अधिक होते. ४ पाती असल्यास मोटारवर अधिक भार पडतो तर याउलट कमी पाती असल्यास मोटार वेगाने फिरू शकते. आपण कमी हवा देणारे टेबल फॅन्स पहिले असतील तर त्यात काही वेळा चार पाती असतात कारण त्यांचा वापर हा मर्यादित जागेसाठी केला जातो.