झाडांच्या फांद्यावर झोप घेत असताना पक्षी खाली का पडत नाहीत? कारण वाचून तुम्हीही व्हाल थक्क

झोपेत असतानाही पक्ष्यांच्या शरीराचा तोल कसा टिकून राहतो?

पक्षी हे झाडावर घरटी करुन राहतात हे सर्वांना ठाऊक आहे. पण बरेचसे पक्षी जेव्हा एकटे राहत असतात, तेव्हा घरटं न बांधता झाडांवर वास्तव करत असतात. अशा वेळी ते झाडांच्या फांद्यावर झोपी जातात. झोपेत असतानाही त्यांचा तोल जात नाही. ते लहान फांदीवरही शरीराचा समतोल राखत शांतपणे झोप घेतात. झोपेत असताना हल्ला होऊ नये म्हणून बहुतांश पक्षी या सेफ मोडमध्ये असतात. पण पक्षी असं कसं करु शकतात? पक्ष्यांच्या पंजांची विशिष्ट पद्धतीने रचना केलेली असते. झोप घेताना त्यांचे पंजे झाडांच्या खांदीला पकडून ठेवतात. ही पकड खूप घट्ट असल्याने त्यांचे शरीर समतोल स्थितीमध्ये राहते.

आणखी वाचा – सुंदर दिसणाऱ्या ‘या’ पक्ष्यांचा पंखात असते घातक विष; ३० सेकंदात होऊ शकतो मृत्यू

झोप घेताना पक्ष्यांच्या मेंदूमधील एक भाग नेहमी सक्रीय असते. या भागाच्या माध्यमातून ते नेहमी अलर्ट असतात. त्यांच्या झोपण्याच्या सवयीबाबत आणखी एक खासियत आहे. जंगलामध्ये कोणत्याही बाजूने शत्रूच्या हल्ल्यापासून स्वत:चा बचाव करण्यासाठी काही पक्षी डोळे उघडे ठेवून झोप घेऊ शकतात. यामध्ये पोपट, घुबड अशा पक्षांचा समावेश होतो. तर काही पक्षांच्या डोळ्यांवर तीन-तीन पापण्या असतात. पहिल्या पापण्या उघड-झाप करण्यासाठी, दुसऱ्या स्तरावरील पापण्या डोळे स्वच्छ करण्यासाठी तर तिसऱ्या स्तरातील पापण्यांचा उपयोग झोपताना सावध राहण्यासाठी होत असतो.