Hindu Rituals : लग्नात नवरदेव घोड्यावर नव्हे, तर घोडीवर बसतो; पण का अन् तेही पांढरीच घोडी का? जाणून घ्या कारण …

लग्नात नवरदेवाने घोडीवर बसणे ही परंपरा खूप जुनी आहे. असं म्हणतात की, रामायण-महाभारतापासून ही परंपरा पाळली जाते. अनेक जण लग्नात घोडीवर बसले असतील किंवा काही लोक भविष्यात बसणार असतील. मग तुम्हाला या परंपरेमागील कारण माहीत असायला हवे.

आणखी वाचा

चित्रास कारण की: जमिनीवरची मेंदी

Nana Patole : निकालाआधी राजकीय घडामोडींना वेग; यातच…

सुशांत सिंह राजपूतने प्रतीक बब्बरला सांगितलेली ‘ही’ इच्छा राहिली अपूर्ण, खुलासा करत म्हणाला…

पाच तास गप्पा, पॅनकेक अन् २ किलो बटर…; अरेंज मॅरेज पद्धतीने जमलेलं प्रार्थना बेहेरेचं लग्न; पहिल्या भेटीत नेमकं काय घडलेलं?

हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

“जीभेवर व्हेज, मनात नॉनव्हेज…”, सिद्धार्थ चांदेकरने अमेय वाघला वाढदिवसाच्या दिल्या हटके शुभेच्छा; म्हणाला…

Acharya Pramod Krishnam : “खरे हिंदू…”, मल्लिकार्जुन खरगेंवर काँग्रेसच्या माजी नेत्याचीच टीका!

नवरदेव घोडीवरच का बसतो; घोड्यावर का नाही?

असं म्हणतात की, घोडा हा रागीट स्वभावाचा असतो. कोणत्याही प्रशिक्षणाशिवाय घोड्यावर सैर करणे खूप कठीण आहे. घोड्याच्या या चपळ स्वभावामुळेच घोड्याला पूर्वी युद्धभूमीवर वापरले जायचे; पण लग्नात घोड्याच्या रागीट, चपळ व शक्तिवान या गुणांचा काहीही फायदा होत नसतो. उलट लग्नात त्यागाला अधिक महत्त्व दिले जाते. घोड्याच्या तुलनेत घोडी अधिक शांतताप्रिय असते. त्यामुळे नवरदेव लग्नात घोड्यावर नाही, तर घोडीवर बसतो.

घोडीवर बसण्यामागे काय आहे कारण?

लग्नात नवरदेव घोडीवर बसतो आणि त्याचा अर्थ मुलगा नव्या आयुष्याची सुरुवात करीत आहे. अशात तो वैवाहिक आयुष्याची जबाबदारी उचलण्यास सक्षम आहे की नाही, हे सिद्ध करण्यासाठी नवरदेवाला घोडीवर बसवण्याची प्रथा आहे.

नवरदेव पांढऱ्या घोडीवर का बसतो?

तुम्ही अनेकदा पाहिले असेल की, नवरदेव पांढऱ्या घोडीवर बसतो; पण पांढरीच घोडी का? पांढरी घोडी ही शुद्धता, प्रेम, उदारता, शांतता, सौभाग्य व समृद्धीचं प्रतीक असते. या गुणांमुळे वैवाहिक आयुष्य आणखी समृद्ध होण्यास मदत होते. त्यामुळे लग्नात नव्या आयुष्याची सुरुवात करताना नवरदेव पांढऱ्या घोडीवर बसतो.

(टीप : वरील लेख हा प्राप्त माहितीवर आधारित आहे)