Why Hotels Have Telephones in Bathroom: जर तुम्ही कधी हॉटेलमध्ये राहिला असाल, तर बाथरूममध्ये टेलिफोन बसवलेला तुम्ही पाहिला असेल.
सुरुवातीला ते अनावश्यक वाटू शकते, परंतु हॉटेल्स गेल्या अनेक दशकांपासून बाथरूममध्ये टेलिफोन ठेवत आहेत. यामागील कारण केवळ लक्झरीबद्दल नाही तर व्यावहारिकता आणि सुरक्षिततेबद्दल देखील आहे.
पण हॉटेलच्या बाथरूममध्ये टेलिफोन बसवण्याची प्रथा कशी सुरू झाली आणि त्यामागील मुख्य कारणे कोणती होती?
सिक्कीम एक्सपिडिशनचे ट्रॅव्हल कन्सल्टंट आणि सीईओ डीके घटानी यांनी indianexpress.com ला सांगितले की, “हॉटेलच्या बाथरूममध्ये टेलिफोन बसवण्याची पद्धत २० व्या शतकाच्या मध्यापासून ते २० व्या शतकाच्या उत्तरार्धापर्यंत सुरू होती, जेव्हा लक्झरी हॉटेल्स त्यांच्या पाहुण्यांना उच्च दर्जाच्या सुविधा देण्याचे उद्दिष्ट ठेवत असत. सुरुवातीला, ते एक स्टेटस सिम्बॉल होते. तथापि, नंतर व्यावहारिकता आणि सुरक्षितता हे मुख्य प्रेरक घटक बनले.”
बाथरूम टेलिफोनचे एक प्रमुख कारण म्हणजे आपत्कालीन मदत, असे ते स्पष्ट करतात. “बाथरूम हे सर्वात सामान्य ठिकाणांपैकी एक आहे जिथे घसरणे आणि पडणे होते, विशेषतः फरशी ओली असल्यास. फोन जवळ असल्याने माणसांना त्वरित मदतीसाठी कॉल करणे शक्य होते. याव्यतिरिक्त, मोबाईल फोनपूर्वीच्या युगातील व्यावसायिक प्रवासी बाथरूममध्ये रेडी होतानादेखील संपर्कात राहायचे.”
बहुतेक लोक मोबाईल फोन घेऊन जातात, तरीही बाथरूममध्ये वापरल्या जाणाऱ्या टेलिफोनचा काही व्यावहारिक उपयोग होतो का?
मोबाईल फोनमुळे खोलीतील लँडलाइनची आवश्यकता कमी झाली असली तरी, बाथरूममधील टेलिफोन्स केवळ एक लक्झरी फीचर असण्यापलीकडे एक उद्देश पूर्ण करतात. “बरेच लोक बाथरूममध्ये त्यांचे वैयक्तिक फोन घेऊन जात नाहीत आणि अचानक आजारपण, घसरणे किंवा पडणे यासारख्या आपत्कालीन परिस्थितीत, फ्रंट डेस्कशी थेट संपर्क साधणे अत्यंत महत्त्वाचे असू शकते,” असे तज्ज्ञ सांगतात.
घटानी पुढे म्हणतात, “सुलभतेसाठीच्या त्यांच्या वचनबद्धतेचा भाग म्हणून हॉटेल्स बाथरूम टेलिफोन देण्यात पुढाकार घेतात. वृद्ध लोकांना किंवा ज्यांना हालचाल जास्त करण्यास जमत नाही त्यांना अपघात झाल्यास सहज कॉन्टॅक्ट करता येणारा टेलिफोन असणे आश्वासक वाटू शकते. याव्यतिरिक्त, काही उच्चभ्रू हॉटेल्स त्यांच्या ब्रँड ओळखीचा भाग म्हणून बाथरूम टेलिफोन ठेवतात, ज्यामुळे विशिष्टता आणि जुन्या काळातील आकर्षणाची भावना निर्माण होते.”
लोकांची सुरक्षा वाढवण्यासाठी हॉटेल्स बाथरूम टेलिफोनसारख्या पारंपारिक सुरक्षा उपायांसह आधुनिक तंत्रज्ञानाचा कसा समतोल साधतात?
हॉटेल्स सतत आधुनिक तंत्रज्ञानाचा समावेश करण्यासाठी विकसित होत आहेत आणि त्याचबरोबर आवश्यक सुरक्षा उपायांचे पालन करत आहेत. घटानी म्हणतात की आता अनेक मालमत्ता पारंपारिक बाथरूम टेलिफोनला स्मार्ट रूम सिस्टमसह पूरक बनवतात, “लोकांना हॉटेल कर्मचाऱ्यांशी संपर्क साधण्यासाठी व्हॉइस कमांड किंवा टचस्क्रीन पॅनेल वापरण्याची परवानगी देतात.” काही हॉटेल्स बाथरूममध्ये पॅनिक बटणे देखील देतात, जी टेलिफोन प्रमाणेच उद्देश पूर्ण करतात परंतु अधिक सुज्ञ आणि सुलभ पद्धतीने.
त्याच वेळी, ते म्हणतात की, हॉटेल्सना हे माहित आहे की सर्वच लोक केवळ डिजिटल सोल्यूशन्सवर अवलंबून राहण्यास सोयीस्कर नसतात. तांत्रिक बिघाड किंवा अतिथींकडे त्यांचे मोबाइल डिव्हाइस नसलेल्या आपत्कालीन परिस्थितीत बाथरूम टेलिफोनसह पारंपारिक सुरक्षा उपाय एक विश्वासार्ह आधार म्हणून काम करतात. “शेवटी, एकूण हॉटेल्समधील लोकांचा अनुभव वाढविण्यासाठी सुविधा, सुरक्षा आणि लक्झरी यांचे एकसंध मिश्रण तयार करणे हे ध्येय आहे,” असे घटानी म्हणतात.
