पाच राज्यांतील विधानसभा निवडणुकांची रणधुमाळी सुरू आहे. राष्ट्रीय, स्थानिक पातळीवरचे पक्ष एकमेकांसमोर ठाकले आहेत. तर, अनेक अपक्ष उमेदवारही आपलं नशीब आजमावून पाहत आहेत. अशातच ७८ वर्षीय तीतर सिंग हे राजस्थानच्या विधानसभा निवडणुकीत उतरले आहेत. निवडणूक लढवण्याची ही त्यांची ३२ वी वेळ असून ते प्रत्येकवेळी त्यांच्या पदरी अपयश येत असलं तरीही त्यांनी निवडणूक लढण्यातील सातत्या कायम ठेवलं आहे. हिंदुस्तान टाईम्सने यांदर्भातील वृत्त दिलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

राजस्थानच्या गंगानगर येथे राहणारे तीतर सिंग हे ७८ वर्षीय वृद्ध महात्मा गांधी राष्ट्रीय ग्रामीण रोजगार हमी कायदा योजनेतील कामगार आहेत. १९७० पासून ते निवडणूक लढवत असून ग्रामपंचायत ते लोकसभेपर्यंतच्या सर्व निवडणुका त्यांनी लढवल्या आहेत. पण, प्रत्येकवेळी त्यांचा पराजय झाला. त्यामुळे यंदाही त्यांनी श्री कानगपूर विधानसभा मतदारसंघातून उमेदवारी अर्ज भरला आहे.

आणखी वाचा

याबाबत हिंदुस्तान टाईम्सला त्यांनी माहिती दिली की, निवडणूक लढवण्याची ही माझी ३२ वी वेळ आहे. माझ्या चार पिढ्या येऊन गेल्या, परंतु भाजपा आणि काँग्रेस सरकारने गरिबांसाठी आणि गावच्या प्रगतीसाठी काहीच केलं नाही. सरकारने गरिबांना जमिन आणि इतर सुविधा पुरवल्या पाहिजेत. मी आमदार म्हणून निवडून आल्यास गावातील रस्त्यांचा विकास करेन, विकासात्मक कामे करेन. तसंच, गावातील भूमिहीन गरिबांना जमिनी देण्याची विनंती करेन.

एका हिंदी वृत्तस्थळाने दिलेल्या वृत्तानुसार, तीतर सिंग फक्त पाचवी शिकले आहेत. परंतु वयोमानामुळे त्यांना आता लिहिता किंवा वाचता येत नाही. परंतु, ते सही करू शकतात. २०१८ च्या विधानसभा निवडणुकीत ६५३ मते त्यांना मिळाली होती. तर, २०१३ मध्ये ४२७, २००८ मध्ये ९३८ मते त्यांना मिळाली होती. एवढंच नव्हे तर प्रत्येक निवडणुकीत त्यांचं डिपॉजिटही जप्त झालेलं आहे.

राजस्थानमध्ये १९७० साली काँग्रेसचं राज्य होतं. १९९० पर्यंत काँग्रेसची राजस्थानमध्ये सत्ता होती. १९९० च्या विधानसभा निवडणुकीत भाजपाने बाजी मारली आणि भैरान सिंग शेखावत यांच्या नेतृत्त्वाखाली भाजपाने सत्ता स्थापन केली. परंतु, त्यांची सत्ता अल्पावधीचीच राहिली. १९९२ मध्ये बाबरी मस्जिद पाडल्यानंतर भाजपाला सत्ता गमवावी लागली. १९९३ मध्ये झालेल्या निवडणुकीत भाजपाने पुन्हा विजय मिळवला, तर १९९८ निवडणुकीत काँग्रेस सत्तेवर आली. तर, २००३ साली पुन्हा भाजपाला सत्तेची खुर्ची मिळाली.

दरम्यान, आता राजस्थानमध्ये विधानसभा निवडणुका लागल्या आहेत. २५ नोव्हेंबर रोजी राजस्थानमध्ये मतदान प्रक्रिया पार पडणार आहे.

राजस्थानच्या गंगानगर येथे राहणारे तीतर सिंग हे ७८ वर्षीय वृद्ध महात्मा गांधी राष्ट्रीय ग्रामीण रोजगार हमी कायदा योजनेतील कामगार आहेत. १९७० पासून ते निवडणूक लढवत असून ग्रामपंचायत ते लोकसभेपर्यंतच्या सर्व निवडणुका त्यांनी लढवल्या आहेत. पण, प्रत्येकवेळी त्यांचा पराजय झाला. त्यामुळे यंदाही त्यांनी श्री कानगपूर विधानसभा मतदारसंघातून उमेदवारी अर्ज भरला आहे.

आणखी वाचा

याबाबत हिंदुस्तान टाईम्सला त्यांनी माहिती दिली की, निवडणूक लढवण्याची ही माझी ३२ वी वेळ आहे. माझ्या चार पिढ्या येऊन गेल्या, परंतु भाजपा आणि काँग्रेस सरकारने गरिबांसाठी आणि गावच्या प्रगतीसाठी काहीच केलं नाही. सरकारने गरिबांना जमिन आणि इतर सुविधा पुरवल्या पाहिजेत. मी आमदार म्हणून निवडून आल्यास गावातील रस्त्यांचा विकास करेन, विकासात्मक कामे करेन. तसंच, गावातील भूमिहीन गरिबांना जमिनी देण्याची विनंती करेन.

एका हिंदी वृत्तस्थळाने दिलेल्या वृत्तानुसार, तीतर सिंग फक्त पाचवी शिकले आहेत. परंतु वयोमानामुळे त्यांना आता लिहिता किंवा वाचता येत नाही. परंतु, ते सही करू शकतात. २०१८ च्या विधानसभा निवडणुकीत ६५३ मते त्यांना मिळाली होती. तर, २०१३ मध्ये ४२७, २००८ मध्ये ९३८ मते त्यांना मिळाली होती. एवढंच नव्हे तर प्रत्येक निवडणुकीत त्यांचं डिपॉजिटही जप्त झालेलं आहे.

राजस्थानमध्ये १९७० साली काँग्रेसचं राज्य होतं. १९९० पर्यंत काँग्रेसची राजस्थानमध्ये सत्ता होती. १९९० च्या विधानसभा निवडणुकीत भाजपाने बाजी मारली आणि भैरान सिंग शेखावत यांच्या नेतृत्त्वाखाली भाजपाने सत्ता स्थापन केली. परंतु, त्यांची सत्ता अल्पावधीचीच राहिली. १९९२ मध्ये बाबरी मस्जिद पाडल्यानंतर भाजपाला सत्ता गमवावी लागली. १९९३ मध्ये झालेल्या निवडणुकीत भाजपाने पुन्हा विजय मिळवला, तर १९९८ निवडणुकीत काँग्रेस सत्तेवर आली. तर, २००३ साली पुन्हा भाजपाला सत्तेची खुर्ची मिळाली.

दरम्यान, आता राजस्थानमध्ये विधानसभा निवडणुका लागल्या आहेत. २५ नोव्हेंबर रोजी राजस्थानमध्ये मतदान प्रक्रिया पार पडणार आहे.