Ganesh Naik in Airoli Vidhan Sabha Election 2024 : राष्ट्रवादी काँग्रेसमधून भाजपामध्ये आल्यानंतर २०१९ मध्ये केवळ एका जागेवर समाधान मानावे लागलेल्या गणेश नाईक कुटुंबीयांनी आगामी विधानसभा निवडणुकांच्या तोंडावर आक्रमक पवित्रा घेतला. ऐरोली मतदारसंघांतून निवडणूक लढवण्याची जोरदार तयारी नाईक कुटुंबीयांनी केली. ऐरोली हा मतदारसंघ नाईक कुटुंबाकडेच राहिला आहे. २००८ साली या मतदारसंघाची निर्मिती झाल्यापासून तत्कालीन राष्ट्रवादी नेते संजय नाईक यांनी २०१९ पर्यंत हा मतदारसंघ सांभाळला. तर, २०१९ मध्ये भाजपात गेलेल्या गणेश नाईक यांनी या ठिकाणची सत्ता काबिज केली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
ठाणे जिल्ह्यातील बेलापूर विधानसभा मतदारसंघाचं विभाजन होऊन ऐरोली आणि बेलापूर असे दोन भाग पडले. सुरुवातीला गणेश नाईक यांनी त्यांचे सुपुत्र संजय नाईक यांना या जागेवरून निवडून आणलं. परिणामी राष्ट्रवादीची या मतदारसंघात चांगली पकड होती. परंतु, शिवसेनेचे नगरसेवक जास्त असल्याने राष्ट्रवादीसाठी ही जागा कठीण जाईल अशी स्थिती निर्माण झाली होती. त्यामुळे नाईक कुटुंबाने कमळ हाती घेतले. ऐरोली विधानसभा मतदारसंघावर प्रामुख्याने राष्ट्रवादी काँग्रेस आणि भाजपाचं वर्चस्व राहिलं आहे. परंतु, राष्ट्रवादीतील गणेश नाईक भाजपात आल्याने येथे दोन्ही पक्षांमध्ये कडवी झुंज होण्याची शक्यता आहे. ऐरोलीतून लढण्यासाठी प्रत्येक पक्षात इच्छुकांची रांग लागली होती. भाजपामधून गणेश नाईक, मंदा म्हात्रे, शिवसेना (एकनाथ शिंदे) पक्षातून गटातून विजय चौगुले, शिवसेना (उद्धव ठाकरे) पक्षातून एम. के. मढवी, राष्ट्रवादी काँग्रेस शरद पवार गटातून मंगेश आमले, काँग्रेसमधून अनिकेत म्हात्रे अशा नेत्यांमध्ये स्पर्धा सुरू होती.
भाजपाच्या जागेवरून शिवसेनाही आग्रही
गणेश नाईक यांचा हा बालेकिल्ला असला तरीही शिवसेना एकनाथ शिंदे पक्षानेही या ठिकाणी चाचपणी सुरू केली आहे. त्यामुळे त्यांच्याकडूनही या जागेवर दावा केला जाऊ शकतो. ऐरोली विधानसभेत शिवसेनेचे (एकनाथ शिंदे) सर्वाधिक नगरसेवक असल्याचा दावा जिल्हाध्यक्ष विजय चौगुले यांनी केला आहे.
महाविकास आघाडीत रस्सीखेच
महाविकास आघाडीतही या जागेसाठी रस्सीखेंच आहे. काँग्रेसचा मोठा मतदारवर्ग या मतदारसंघात. तर, शरद पवारांच्या राष्ट्रवादीचंही येथे प्राबल्य आहे. तर, दुसरीकडे शिवसेना (उद्धव ठाकरे) पक्षानेही या ठिकाणी आग्रही भूमिका घेतली.
मध्यमवर्गीय वस्तीत कोण मारणार बाजी?
ऐरोली विधानसभा मतदारसंघात मध्यमवर्गीय आणि झोपटपट्टी बहुल वस्ती सर्वाधिक आहे. ५७ नगरसेवकांपैकी जवळपास २० नगरसेवक झोपडपट्टी बहुल भागातून निवडून आले आहेत. तसंच, आगरी समाजाचीही वस्ती मोठ्या प्रमाणात आहे. गावठाणातील अनेक प्रश्न अद्यापही प्रलंबित आहेत. एपीएमसी मार्केटमुळे माथाडी वर्गाचा मोठा मतदारवर्ग या भागात राहतो. महायुती आणि महाविकास आघाडी यांच्यात खरी चुरस रंगणार आहे.
महायुती विरुद्ध महाविकास आघाडी
ऐरोली विधानसभा मतदारसंघातून महायुतीकडून भाजपाच्या गणेश नाईक यांना उमेदवारी देण्यात आली आहे. तर, महाविकास आघाडीकडून शिवसेना (उद्धव ठाकरे) एम. के. मढवी यांना उमेदवारी देण्यात आली आहे.
मढवींविरोधातील नाराजी नाईकांच्या पथ्यावर
गणेश नाईक यांच्या विरोधात शिवसेनेने (ठाकरे) एम.के.मढवी यांना उमेदवारी दिली असून ऐरोलीतील तीन प्रभागांपुरता प्रभाव असलेल्या मढवी यांचेही राजकारणात मित्र कमी शत्रु अधिक अशी परिस्थिती आहे. शिंदेसेना, काँग्रेस आणि स्वपक्षातही अनेकांचे मढवी यांच्याशी अजिबात सख्य नाही. त्यामुळे नाईकांना टोकाचा विरोध असणाऱ्यांची या मतदारसंघात दुहेरी कोंडी झाली असून यंदा परिस्थिती फारशी अनूकुल नसतानाही ही राजकीय रचना नाईकांच्या पथ्यावरच पडली आहे.
ताजी अपडेट
मढवी यांना उमेदवारी देताच उद्धव यांच्या पक्षाचे जिल्हाप्रमुख द्वारकानाथ भोईर यांनी राजीनामा दिला. रमाकांत म्हात्रे आणि मढवी यांचे राजकीय संबंध चांगले नाहीत. नाईक यांच्या विरोधात असलेल्या शिंदे सेनेच्या अनेक नेत्यांना मढवी यांच्याशी देखील सख्य नाही. त्यामुळे नाईक नकोत हे जरी खरे असले तरी मढवी यांना तरी मदत कशी करायची अशा चक्रव्युहात सध्या नाईक विरोधक सापडल्याचे चित्र होते. कार्यकर्ते आणि समर्थकच चक्रव्युहात असल्याने मतदारांनी कोणाच्या बाजूनेल कौल दिलाय हे २३ तारखेला स्पष्ट होईल. एरोली मतदारसंघ ठाणे जिल्ह्यात मोडतो. या जिल्ह्यात २० नोव्हेंबर रोजी झालेल्या मतदान प्रक्रियेत ५६.५ टक्के मतदान झाले.
ऐरोली विधानसभा मतदारसंघात भाजपाच्या गणेश नाईक यांचा विजय झाला असून त्यांच्याविरोधात असलेल्या लक्ष्मण चौघुले यांचा ९१ हजार ८८० मतांच्या फरकाने पराभव झाला आहे.
ठाणे जिल्ह्यातील बेलापूर विधानसभा मतदारसंघाचं विभाजन होऊन ऐरोली आणि बेलापूर असे दोन भाग पडले. सुरुवातीला गणेश नाईक यांनी त्यांचे सुपुत्र संजय नाईक यांना या जागेवरून निवडून आणलं. परिणामी राष्ट्रवादीची या मतदारसंघात चांगली पकड होती. परंतु, शिवसेनेचे नगरसेवक जास्त असल्याने राष्ट्रवादीसाठी ही जागा कठीण जाईल अशी स्थिती निर्माण झाली होती. त्यामुळे नाईक कुटुंबाने कमळ हाती घेतले. ऐरोली विधानसभा मतदारसंघावर प्रामुख्याने राष्ट्रवादी काँग्रेस आणि भाजपाचं वर्चस्व राहिलं आहे. परंतु, राष्ट्रवादीतील गणेश नाईक भाजपात आल्याने येथे दोन्ही पक्षांमध्ये कडवी झुंज होण्याची शक्यता आहे. ऐरोलीतून लढण्यासाठी प्रत्येक पक्षात इच्छुकांची रांग लागली होती. भाजपामधून गणेश नाईक, मंदा म्हात्रे, शिवसेना (एकनाथ शिंदे) पक्षातून गटातून विजय चौगुले, शिवसेना (उद्धव ठाकरे) पक्षातून एम. के. मढवी, राष्ट्रवादी काँग्रेस शरद पवार गटातून मंगेश आमले, काँग्रेसमधून अनिकेत म्हात्रे अशा नेत्यांमध्ये स्पर्धा सुरू होती.
भाजपाच्या जागेवरून शिवसेनाही आग्रही
गणेश नाईक यांचा हा बालेकिल्ला असला तरीही शिवसेना एकनाथ शिंदे पक्षानेही या ठिकाणी चाचपणी सुरू केली आहे. त्यामुळे त्यांच्याकडूनही या जागेवर दावा केला जाऊ शकतो. ऐरोली विधानसभेत शिवसेनेचे (एकनाथ शिंदे) सर्वाधिक नगरसेवक असल्याचा दावा जिल्हाध्यक्ष विजय चौगुले यांनी केला आहे.
महाविकास आघाडीत रस्सीखेच
महाविकास आघाडीतही या जागेसाठी रस्सीखेंच आहे. काँग्रेसचा मोठा मतदारवर्ग या मतदारसंघात. तर, शरद पवारांच्या राष्ट्रवादीचंही येथे प्राबल्य आहे. तर, दुसरीकडे शिवसेना (उद्धव ठाकरे) पक्षानेही या ठिकाणी आग्रही भूमिका घेतली.
मध्यमवर्गीय वस्तीत कोण मारणार बाजी?
ऐरोली विधानसभा मतदारसंघात मध्यमवर्गीय आणि झोपटपट्टी बहुल वस्ती सर्वाधिक आहे. ५७ नगरसेवकांपैकी जवळपास २० नगरसेवक झोपडपट्टी बहुल भागातून निवडून आले आहेत. तसंच, आगरी समाजाचीही वस्ती मोठ्या प्रमाणात आहे. गावठाणातील अनेक प्रश्न अद्यापही प्रलंबित आहेत. एपीएमसी मार्केटमुळे माथाडी वर्गाचा मोठा मतदारवर्ग या भागात राहतो. महायुती आणि महाविकास आघाडी यांच्यात खरी चुरस रंगणार आहे.
महायुती विरुद्ध महाविकास आघाडी
ऐरोली विधानसभा मतदारसंघातून महायुतीकडून भाजपाच्या गणेश नाईक यांना उमेदवारी देण्यात आली आहे. तर, महाविकास आघाडीकडून शिवसेना (उद्धव ठाकरे) एम. के. मढवी यांना उमेदवारी देण्यात आली आहे.
मढवींविरोधातील नाराजी नाईकांच्या पथ्यावर
गणेश नाईक यांच्या विरोधात शिवसेनेने (ठाकरे) एम.के.मढवी यांना उमेदवारी दिली असून ऐरोलीतील तीन प्रभागांपुरता प्रभाव असलेल्या मढवी यांचेही राजकारणात मित्र कमी शत्रु अधिक अशी परिस्थिती आहे. शिंदेसेना, काँग्रेस आणि स्वपक्षातही अनेकांचे मढवी यांच्याशी अजिबात सख्य नाही. त्यामुळे नाईकांना टोकाचा विरोध असणाऱ्यांची या मतदारसंघात दुहेरी कोंडी झाली असून यंदा परिस्थिती फारशी अनूकुल नसतानाही ही राजकीय रचना नाईकांच्या पथ्यावरच पडली आहे.
ताजी अपडेट
मढवी यांना उमेदवारी देताच उद्धव यांच्या पक्षाचे जिल्हाप्रमुख द्वारकानाथ भोईर यांनी राजीनामा दिला. रमाकांत म्हात्रे आणि मढवी यांचे राजकीय संबंध चांगले नाहीत. नाईक यांच्या विरोधात असलेल्या शिंदे सेनेच्या अनेक नेत्यांना मढवी यांच्याशी देखील सख्य नाही. त्यामुळे नाईक नकोत हे जरी खरे असले तरी मढवी यांना तरी मदत कशी करायची अशा चक्रव्युहात सध्या नाईक विरोधक सापडल्याचे चित्र होते. कार्यकर्ते आणि समर्थकच चक्रव्युहात असल्याने मतदारांनी कोणाच्या बाजूनेल कौल दिलाय हे २३ तारखेला स्पष्ट होईल. एरोली मतदारसंघ ठाणे जिल्ह्यात मोडतो. या जिल्ह्यात २० नोव्हेंबर रोजी झालेल्या मतदान प्रक्रियेत ५६.५ टक्के मतदान झाले.
ऐरोली विधानसभा मतदारसंघात भाजपाच्या गणेश नाईक यांचा विजय झाला असून त्यांच्याविरोधात असलेल्या लक्ष्मण चौघुले यांचा ९१ हजार ८८० मतांच्या फरकाने पराभव झाला आहे.
