PM Narendra Modi Oath Ceremony Updates, 9 June 2024: लोकसभा निवडणुकांनंतर आता देशभरात चर्चा आहे ती नरेंद्र मोदींच्या तिसऱ्या शपथविधीची आणि त्यांच्या संभाव्य मंत्रीमंडळाची. पहिल्या दोन टर्ममध्ये भारतीय जनता पक्षाला स्पष्ट बहुमत असल्यामुळे मोदींना इतर कोणत्याही घटकपक्षावर सत्तास्थापनेसाठी अवलंबून राहावं लागलं नव्हतं. यंदा मात्र भाजपाला स्वबळावर सत्ता स्थापन करता येईल, इतकं संख्याबळ मिळालेलं नाही. त्यामुळे मित्रपक्षांच्या पाठिंब्यावर यंदा मोदी पंतप्रधानपदाची शपथ घेणार आहेत. त्यामुळे मित्रपक्षांमध्ये मंत्रीपदांची कशी वाटणी होते, हे महत्त्वाचं ठरणार असून महाराष्ट्रातील अजित पवार गटाला एकही मंत्रीपद मिळणार नसल्याचं सांगितलं जात आहे. देवेंद्र फडणवीसांनी माध्यमांना दिलेल्या माहितीनुसार अजित पवार गटाचा पुढच्या मंत्रीमंडळ विस्तारात विचार करण्यात येणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
