Ajit Pawar : अजित पवार यांची निकालांवर पहिली प्रतिक्रिया “लाडकी बहीण योजना गेमचेंजर ठरली, महाराष्ट्रात इतकं मोठं यश..”

मी राजकारणात आलो तेव्हापासून प्रचंड बहुमत पाहिलेलं नाही-अजित पवार

मी जेव्हापासून राजकारणात आलो आहे, तेव्हापासून इतकं प्रचंड बहुमत मी पाहिलेलं नाही. २२२ आणि २२५ असं महाराष्ट्रात मिळालेलं यश मी पाहिलेलं नाही असं अजित पवार (Ajit Pawar) यांनी म्हटलं आहे. अलिकडच्या काळात जसं आम्हाला समजतंय ते यश पहिल्यांदाच मिळालं आहे. खूप काही काम करावं लागेल असं मी देवेंद्र फडणवीस आणि एकनाथ शिंदे यांना फोन करुन सांगितलं. आम्हाला त्यात कुठलीही अडचण नाही. आमच्या पाठिशी केंद्र सरकार आहे. त्यांचा आम्हाला खूप मोठा आधार आहे असंही अजित पवार ( Ajit Pawar ) यांनी म्हटलं आहे.

हे पण वाचा- Devendra Fadnavis : विधानसभेत महायुतीला मोठं यश, मुख्यमंत्री कोण होणार? देवेंद्र फडणवीस म्हणाले, “अमित शाहांनी स्पष्ट सांगितलं…”

आता पुढची पाच वर्षे आम्ही एकोप्याने काम करु-अजित पवार

विरोधक टीका करतात की बॅलेट पेपरने निवडणूक घ्यायला हवी होती. मग ती लोकसभेलाही घ्यायला हवी होती. तेव्हा ईव्हीएम बरोबर होतं का? झारखंड आमच्या हातून गेलं आहे आम्ही काही म्हटलं आहे का? महायुती महाराष्ट्रात जोर सगळ्याच ठिकाणी पाहण्यास मिळाल्या. असंही अजित पवार म्हणाले. सगळीकडे महाराष्ट्रात महायुतीला चांगलं यश मिळालं. जनतेच्या ऋणातच आम्ही राहू शकतो. पाच वर्षे अत्यंत एकोप्याने शेवटपर्यंत काम करेल आणि राज्याच्या सर्वांगिण विकासासाठीच काम करु. विकास हा केंद्रबिंदू मानून आम्ही करत आहोत, करत राहू मतदार बंधू भगिनींचे मी आभार मानतो असं अजित पवार ( Ajit Pawar ) यांनी म्हटलं आहे. तसंच आमच्यावरची जबाबदारी आता वाढली आहे असंही अजित पवार म्हणाले.