“मी हे २००४ ला केलं असतं, तर बरं झालं असतं”, बंडाबाबत अजित पवार असं का म्हणाले?

अजित पवार म्हणाले, आम्ही २००४ मध्ये काँग्रेसबरोबर आघाडी करून विधानसभा निवडणूक लढवली. त्या निवडणुकीत जनतेने आमच्या बाजूने कौल दिला. तसेच विधानसभेला आमचे आमदार काँग्रेसपेक्षा जास्त होते. त्यामुळे काँग्रेसचे राज्यातील वरिष्ठ नेते विलासराव देशमुख यांनी मला विचारलं, “तुमचे मुख्यमंत्री कोण होणार आहेत? छगन भुजबळ, आर. आर. पाटील की तुम्ही स्वतः मुख्यमंत्री होणार? कारण आम्हाला सोनिया गांधी यांनी सांगितलं आहे की मुख्यमंत्री पदावर दावा करण्याचा आपल्याला (काँग्रेसला) कोणताही अधिकार नाही. उपमुख्यमंत्री कोणाला करायचं ते आपण ठरवू.” त्यानंतर आमच्या पक्षात मुख्यमंत्रिपदाबाबत चर्चा होईल वाटत असतानाच शरद पवारांनी आम्हाला सांगितलं की आपण मुख्यमंत्रिपद सोडून देऊया. त्या बदल्यात चार मंत्रिपदं जास्त घेऊ. आपल्याला मुख्यमंत्रिपद नको आहे. ते ऐकून मी मनाशीच म्हटलं हे सगळं कठीणच झालंय. परंतु, शरद पवारांचा आदेश आम्ही ऐकला. त्यांच्या आदेशांवर कधीही आक्षेप घेतला नाही. आम्ही कधी हूं की चू केलं नाही. आता मला वाटतंय की, आता केलंय ते २००४ लाच केलं असतं तर लय बरं झालं असतं.

आणखी वाचा

अन्यथा मते मागायला येणार नाही, असे उपमुख्यमंत्री अजित पवार का म्हणाले !

Nana Patole : निकालाआधी राजकीय घडामोडींना वेग; यातच…

Sharad Pawar : शरद पवारांकडून देवेंद्र फडणवीस यांचं कौतुक, “फडणवीस मुख्यमंत्री असताना त्यांनी स्वच्छ…”

Devendra Fadnavis : “बटेंगे तो कटेंगे, एक है तो सेफ है या घोषणांमध्ये चुकीचं काहीच नाही, या घोषणा..”; देवेंद्र फडणवीस यांचं वक्तव्य

फोडाफोडीच्या राजकारणामुळे फडणवीसांची विश्वसनीयता कमी; सुप्रिया सुळे

Ajit Pawar : RSS कडून लोकसभेतील पराभवाचं खापर, विचारधाराही वेगळी, तरी महायुतीत का? अजित पवार म्हणाले…

Ajit Pawar : योगी आदित्यनाथांच्या ‘बटेंगे तो कटेंगे’शी अजित पवार सहमत? म्हणाले, “तडजोडी…”

हे ही वाचा >> “मी करतो ते वाट्टोळं आणि तुम्ही…”, अजित पवारांचा शरद पवारांना टोला; ‘त्या’ घडामोडींचा दाखला देत म्हणाले…

२०१९ च्या विधानसभा निवडणुकीनंतर शिवसेना पक्षप्रमुख उद्धव ठाकरे यांनी भाजपाबरोबरची युती तोडून काँग्रेस आणि राष्ट्रवादी काँग्रेसबरोबर युती करून सरकार स्थापन करण्याची तयारी सुरू केली होती. तिन्ही पक्षांच्या नेत्यांमध्ये बैठका चालू होत्या. त्याचवेळी अजित पवार यांनी भाजपाबरोबर हातमिळवणी करून आपल्याला राष्ट्रवादीच्या आमदारांचा पाठिंबा आहे असं सांगत देवेंद्र फडणवीस यांच्याबरोबर पहाटे शपथविधी उरकला होता. यावरून अजित पवारांवर नेहमी टीका होते. या टीकेलाही अजित पवार यांनी उत्तर दिलं. अजित पवार म्हणाले, “२०१९ ला आमच्या भाजपाबरोबर पाच ते सहा बैठका झाल्या होत्या. या बैठकांमध्ये भाजपाबरोबर जायचं ठरलं होतं. देवेंद्र फडणवीस मुख्यमंत्री आणि मी उपमुख्यमंत्री होणार हेदेखील ठरलं होतं. कुणाला कुठली खाती? पालकमंत्री कोण? याबाबतही निर्णय झाला होता. केंद्रीय गृहमंत्री अमित शाह यांनी मला तेव्हा बाजूला घेतलं आणि म्हणाले हे बघ अजित आम्हाला यापूर्वी तुमचा काही चांगला अनुभव नाही. तुझ्यादेखत जसं ठरलंय तसं तुला वागावं लागेल. मी त्यांना शब्द दिला होता. मी तसंच वागेन असं सांगितलं होतं. मी त्यांना शब्द दिला. इतकं सगळं ठरल्यानंतर मी मागे कशाला फिरु?