Bhokar Assembly Election 2024 : भोकर विधानसभा मतदारसंघ राजकीय दृष्ट्याने अतिशय महत्त्वाचा असा मतदारसंघ आहे. गेल्या अनेक वर्षांपासून या मतदारसंघावर काँग्रेसचे माजी नेते अशोक चव्हाण यांच्या कुटुंबियांचे निर्विवाद वचर्स्व राहिलं आहे. मात्र, आता अशोक चव्हाण यांनी काँग्रेस सोडून भाजपात प्रवेश केल्याने येथील समीकरणं पूर्णपणे बदली आहेत. त्यामुळे आगामी विधानसभा निवडणुकीत काँग्रेस अशोक चव्हाण यांच्याशिवाय पुन्हा या मदारसंघात विजय मिळवणार की भाजपा या मतदारसंघात पहिला विजय साजरा करणार? याकडे सर्वांचे लक्ष लागले आहे. दरम्यान, या मतदारसंघाचा राजकीय इतिहास नेमका कसा राहिला आहे. २०१४ आणि २०१९ च्या निवडणुकीची आकडेवारी काय सांगते? आणि या मतदारसंघातील सध्याचं चित्र काय आहे? याविषयी जाणून घेऊया.
भोकर विधानसभा मतदारसंघाचा राजकीय इतिहास?
महाराष्ट्र राज्याच्या निर्मितीपासून भोकर विधानसभा मतदारसंघ हा काँग्रेसचा बालेकिल्ला राहिला आहे. तेव्हापासून ते आजपर्यंत या मतदारसंघाचे प्रतिनिधित्व चव्हाण, गोरठेकर आणि किन्हाळकर या तीन राजकीय घराण्यांकडेच राहिले आहे. १९५२ साली झालेल्या पहिल्या निवडणुकीत काँग्रेसचे दिगांबर बिंदू हे मतदारसंघाचे आमदार झाले. त्यानंतर १९६७, १९७२ आणि १९७८ साली शंकरराव चव्हाण यांनी या मतदारंसघाचे प्रतिनिधीत्व केलं. १९८० आणि १९८५ साली काँग्रेसचे बालाजीराव गोरठेकर हे या मतदारसंघाचे आमदार झाले. १९९० ते १९९५ या दोन्ही निवडणुकीत काँग्रेसचे माधवराव किन्हाळकर यांनी विजय मिळवला. तसेच १९९९ साली झालेल्या विधानसभा निवडणुकीत बालाजीराव गोरठेकर यांनी पुन्हा या मतदारसंघातून विजय मिळवला.
पुढे २००४ साली बापुसाहेबर गोरठेकर यांनी, तर २००९ साली काँग्रेसचे माजी नेते अशोक चव्हाण यांनी या मतदारसंघातून निवडणूक लढवत विजय मिळवला. २०१४ साली अशोक चव्हाण यांनी त्यांच्या पत्नी अमिता चव्हाण यांना मतदारसंघातून उभे केले. त्यांनीही या निवडणुकीत विजय मिळवला, तर २०१९ साली पुन्हा अशोक चव्हाण हे मतदारसंघाचे आमदार झाले.
२००९, २०१४ आणि २०१९ ची आकडेवारी काय सांगते?
२००९ मध्ये झालेल्या विधानसभा निवडणुकीत काँग्रेसच्या अशोक चव्हाण यांना १ लाख २० हजार ८४९ मते मिळाली होती. तर माधवराव किन्हाळकर यांना १३ हजार ३४६ मते मिळाली होती. याशिवाय शिवसेनेचे भीमराव क्षिरसागर ६ हजार ४०५ मतांसह तिसऱ्या स्थानावर तर बसपाचे बापुराव गजभरे ६ हजार २७९ मतांसह चौथ्या स्थानावर होते.
२०१४ मध्ये झालेल्या विधानसभा निवडणुकीत काँग्रेसने अशोक चव्हाण यांच्या पत्नी अमिता चव्हाण यांना उमेदवारी दिली होती. त्यांनी भाजपाच्या माधवराव किन्हाळकर यांचा पराभव केला होता. या निवडणुकीत अमिता चव्हाण यांना एकूण १ लाख ७८१ मते मिळाली, तर माधवराव किन्हाळकर यांना ५३ हजार २२४ मते मिळाली होती. याशिवाय शिवसेनेच्या बबन बारसे यांना १२ हजार ७६० तर राष्ट्रवादी काँग्रेसच्या धर्मराज देशमुख यांना ७ हजार ८०९ मते मिळाली होती.
२०१९ च्या निवडणुकीत अशोक चव्हाण यांनी एक लाख ४० हजार ५५९ मतांसह पुन्हा दणदणीत विजय मिळवला होता. तर भाजपाच्या श्रीनिवास गोरठेकर यांना ४३ हजार ११४ मते मिळाली होती. ते दुसऱ्या स्थानावर होते. याशिवाय तिसऱ्या स्थानावर राहिलेल्या वंचित बहुजन आघाडीच्या नामदेव अयालवड यांना १७ हजार ८१३ मते मिळाली होती.
हेही वाचा – Sakoli Constituency : साकोली मतदारसंघ : काँग्रेस प्रदेशाध्यक्ष नाना पटोले गड राखणार? की भाजपा बाजी मारणार?
या मतदारसंघाची सद्यस्थिती काय?
हा मतदारसंघ नेहमीच काँग्रेसचा बालेकिल्ला राहिला आहे. मात्र, अशोक चव्हाण यांनी आता काँग्रेससोडून भाजपात प्रवेश केल्याने येथील राजकीय समीकरणं पूर्णपणे बदलली आहेत. भाजपाने या मतदारसंघातून अशोक चव्हाण यांची मुलगी अॅड. श्रीजया चव्हाण यांना उमेदवारी जाहीर केली आहे. त्यामुळे चव्हाणांची तिसरी पिढी विधानसभेत दिसणार आहे.
दुसरीकडे महाविकास आघाडीच्या जागावाटात ही जागा पुन्हा एकदा काँग्रेस लढवणार आहे. काँग्रेसने श्रीजया चव्हाण यांच्या विरोधात युवा नेतृत्व तिरुपती ऊर्फ पप्पू बाबुराव कदम कोंढेकर यांना उमेदवारी दिली आहे. खरं तर आजपर्यंत अशोक चव्हाण यांचे या मतदारसंघात निर्विवाद वचर्स्व राहिलं आहे. मात्र, आता त्यांनी भाजपात प्रवेश केल्याने काँग्रेससमोर मोठं आव्हान निर्माण झालं आहे. या आव्हानाचा सामना करत काँग्रेस पुन्हा या मतदारसंघात विजय मिळवणार की भाजपा त्यांचा पहिला विजय साजरा करणार? याकडे सर्वांचे लक्ष लागले आहे.
भोकर विधानसभा मतदारसंघाचा राजकीय इतिहास?
महाराष्ट्र राज्याच्या निर्मितीपासून भोकर विधानसभा मतदारसंघ हा काँग्रेसचा बालेकिल्ला राहिला आहे. तेव्हापासून ते आजपर्यंत या मतदारसंघाचे प्रतिनिधित्व चव्हाण, गोरठेकर आणि किन्हाळकर या तीन राजकीय घराण्यांकडेच राहिले आहे. १९५२ साली झालेल्या पहिल्या निवडणुकीत काँग्रेसचे दिगांबर बिंदू हे मतदारसंघाचे आमदार झाले. त्यानंतर १९६७, १९७२ आणि १९७८ साली शंकरराव चव्हाण यांनी या मतदारंसघाचे प्रतिनिधीत्व केलं. १९८० आणि १९८५ साली काँग्रेसचे बालाजीराव गोरठेकर हे या मतदारसंघाचे आमदार झाले. १९९० ते १९९५ या दोन्ही निवडणुकीत काँग्रेसचे माधवराव किन्हाळकर यांनी विजय मिळवला. तसेच १९९९ साली झालेल्या विधानसभा निवडणुकीत बालाजीराव गोरठेकर यांनी पुन्हा या मतदारसंघातून विजय मिळवला.
पुढे २००४ साली बापुसाहेबर गोरठेकर यांनी, तर २००९ साली काँग्रेसचे माजी नेते अशोक चव्हाण यांनी या मतदारसंघातून निवडणूक लढवत विजय मिळवला. २०१४ साली अशोक चव्हाण यांनी त्यांच्या पत्नी अमिता चव्हाण यांना मतदारसंघातून उभे केले. त्यांनीही या निवडणुकीत विजय मिळवला, तर २०१९ साली पुन्हा अशोक चव्हाण हे मतदारसंघाचे आमदार झाले.
२००९, २०१४ आणि २०१९ ची आकडेवारी काय सांगते?
२००९ मध्ये झालेल्या विधानसभा निवडणुकीत काँग्रेसच्या अशोक चव्हाण यांना १ लाख २० हजार ८४९ मते मिळाली होती. तर माधवराव किन्हाळकर यांना १३ हजार ३४६ मते मिळाली होती. याशिवाय शिवसेनेचे भीमराव क्षिरसागर ६ हजार ४०५ मतांसह तिसऱ्या स्थानावर तर बसपाचे बापुराव गजभरे ६ हजार २७९ मतांसह चौथ्या स्थानावर होते.
२०१४ मध्ये झालेल्या विधानसभा निवडणुकीत काँग्रेसने अशोक चव्हाण यांच्या पत्नी अमिता चव्हाण यांना उमेदवारी दिली होती. त्यांनी भाजपाच्या माधवराव किन्हाळकर यांचा पराभव केला होता. या निवडणुकीत अमिता चव्हाण यांना एकूण १ लाख ७८१ मते मिळाली, तर माधवराव किन्हाळकर यांना ५३ हजार २२४ मते मिळाली होती. याशिवाय शिवसेनेच्या बबन बारसे यांना १२ हजार ७६० तर राष्ट्रवादी काँग्रेसच्या धर्मराज देशमुख यांना ७ हजार ८०९ मते मिळाली होती.
२०१९ च्या निवडणुकीत अशोक चव्हाण यांनी एक लाख ४० हजार ५५९ मतांसह पुन्हा दणदणीत विजय मिळवला होता. तर भाजपाच्या श्रीनिवास गोरठेकर यांना ४३ हजार ११४ मते मिळाली होती. ते दुसऱ्या स्थानावर होते. याशिवाय तिसऱ्या स्थानावर राहिलेल्या वंचित बहुजन आघाडीच्या नामदेव अयालवड यांना १७ हजार ८१३ मते मिळाली होती.
हेही वाचा – Sakoli Constituency : साकोली मतदारसंघ : काँग्रेस प्रदेशाध्यक्ष नाना पटोले गड राखणार? की भाजपा बाजी मारणार?
या मतदारसंघाची सद्यस्थिती काय?
हा मतदारसंघ नेहमीच काँग्रेसचा बालेकिल्ला राहिला आहे. मात्र, अशोक चव्हाण यांनी आता काँग्रेससोडून भाजपात प्रवेश केल्याने येथील राजकीय समीकरणं पूर्णपणे बदलली आहेत. भाजपाने या मतदारसंघातून अशोक चव्हाण यांची मुलगी अॅड. श्रीजया चव्हाण यांना उमेदवारी जाहीर केली आहे. त्यामुळे चव्हाणांची तिसरी पिढी विधानसभेत दिसणार आहे.
दुसरीकडे महाविकास आघाडीच्या जागावाटात ही जागा पुन्हा एकदा काँग्रेस लढवणार आहे. काँग्रेसने श्रीजया चव्हाण यांच्या विरोधात युवा नेतृत्व तिरुपती ऊर्फ पप्पू बाबुराव कदम कोंढेकर यांना उमेदवारी दिली आहे. खरं तर आजपर्यंत अशोक चव्हाण यांचे या मतदारसंघात निर्विवाद वचर्स्व राहिलं आहे. मात्र, आता त्यांनी भाजपात प्रवेश केल्याने काँग्रेससमोर मोठं आव्हान निर्माण झालं आहे. या आव्हानाचा सामना करत काँग्रेस पुन्हा या मतदारसंघात विजय मिळवणार की भाजपा त्यांचा पहिला विजय साजरा करणार? याकडे सर्वांचे लक्ष लागले आहे.
