मुरली देवरा, बाबा सिद्दीकी, अशोक चव्हाण यांच्यासारख्या दिग्गजांनी काँग्रेसचा हात सोडून वेगळी वाट धरली. मुरली देवरा शिवसेनेत, बाबा सिद्दीकी राष्ट्रवादीत तर अशोक चव्हाण भाजपात गेले. महायुतीतलं हे इनकमिंग थांबलेलं नसतानाच आता काँग्रेसच्या माजी खासदार प्रिया दत्त शिवसेनेच्या वाटेवर आहेत अशी चर्चा राजकीय वर्तुळात रंगली आहे. त्यांनी जर एकनाथ शिंदेंच्या उपस्थितीत हाती भगवा झेंडा घेतला तर काँग्रेससाठी तो आणखी एक धक्का असणार आहे.

प्रिया दत्त शिवसेनेच्या वाटेवर?

काँग्रेसचे दिवंगत खासदार आणि अभिनेते सुनील दत्त यांच्या निधनानंतर काँग्रेसने त्यांची मुलगी प्रिया दत्तला लोकसभा निवडणुकीचे तिकिट देऊन खासदार केलं होतं. मात्र आता याच प्रिया दत्त काँग्रेस सोडून शिवसेनेच्या वाटेवर असल्याच्या चर्चा सुरु झाल्या आहेत. असं घडल्यास महायुतीचं बळ वाढणार आहे.

FIITJEE Chairman DK Goel abused employee during an online meeting video viral on social media
“कोर्टात जा आणि तक्रार कर…”, नामांकित कोचिंग इन्स्टिट्यूटच्या चेअरमनने केली शिवीगाळ, मीटिंगमध्ये कर्मचाऱ्याला ओरडला अन्…, पाहा VIDEO
nana patekar reacts on allu arjun arrest
अल्लू अर्जुनच्या अटक प्रकरणावर नाना पाटेकर म्हणाले, “कोणाला…
Maharashtra Legislative Council Chairman post,
विधान परिषदेचे सभापतीपद कोणाकडे ?
suraj chavan meet dcm ajit pawar
“देवमाणूस आहेत दादा…”, अजित पवार उपमुख्यमंत्री होताच सूरज चव्हाण पोहोचला मंत्रालयात! नव्या घराबद्दल म्हणाला…
when Amol Palekar slapped Smita Patil without her consent
“मी तिला झापड मारली”, अमोल पालेकरांनी सांगितला स्मिता पाटील यांना न सांगता केलेल्या सीनचा प्रसंग; म्हणाले “ती संतापली होती”
sharvari jog and Abhijit amkar new serial Tu Hi Re Maza Mitwa New promo out
Video: ‘स्टार प्रवाह’च्या ‘तू ही रे माझा मितवा’ नव्या मालिकेचा नवा दमदार प्रोमो प्रदर्शित, नेटकरी म्हणाले, “कडक…”
There should be no political interference in municipal programs says MLA Sneha Dubey Pandit in vasai
आमदार स्नेहा दुबे पंडित यांचा बविआला पहिला धक्का; “कार्यक्रमात राजकीय हस्तक्षेप नको”, पालिका अधिकार्‍यांना ताकीद
devendra fadnavis nitin gadkari
फडणवीसांच्या निवडीवर गडकरींची पहिली प्रतिक्रिया; म्हणाले, “राज्याच्या विकासाला …”

प्रिया दत्त २००९ मध्ये झाल्या होत्या खासदार

प्रिया दत्त या २००९ च्या निवडणुकीत उत्तर मध्य लोकसभा मतदारसंघातून काँग्रेसच्या तिकीटावर निवडून आल्या होत्या. मात्र, त्यानंतर २०१४ आणि २०१९ च्या लोकसभा निवडणुकीत त्यांना भाजपाच्या पूनम महाजन यांनी हरवलं होतं. एकेकाळी उत्तर मध्य मुंबई लोकसभा मतदारसंघावर प्रिया दत्त यांची घट्ट पकड होती. परंतु, २०१४ मधल्या मोदी लाटेनंतर काँग्रेस पक्षाला उतरती कळा लागल्याने सक्षम उमेदवार असूनही प्रिया दत्त यांचा पूनम महाजन यांच्यासमोर टिकाव लागला नव्हता.

सध्याच्या घडीला प्रिया दत्त या काँग्रेस पक्षात फारशा सक्रिय नाहीत. एका एनजीओच्या माध्यमातून त्या समाजसेवा करतात. समाजकारण करणं हा देखील राजकारणाचाच भाग आहे असं प्रिया दत्त मानतात. त्यांनी काँग्रेस सोडण्यावर आणि शिवसेनेत जाण्याच्या चर्चांवर अद्याप काहीही भाष्य केलेलं नाही. सूत्रांनी दिलेल्या माहितीनुसार, प्रिया दत्त लवकरच शिंदे गटात प्रवेश करु शकतात. एवढेच नव्हे तर त्यांना शिंदे गटाकडून उत्तर मध्य मुंबई मतदारसंघातून उमेदवारी दिली जाऊ शकते. गेल्या पाच वर्षांपासून प्रिया दत्त या मतदारसंघात फारशा सक्रिय नाहीत. आता नेमकं काय होणार ते सध्या तरी स्पष्ट नाही. मात्र या चर्चा राजकीय वर्तुळात सुरु झाल्या आहेत.

Story img Loader