Devendra Fadnavis : “८५+८५+८५ म्हणजे २७० हे गणित समजून घेण्याचा प्रयत्न सुपर कॉम्प्युटर आणि..”; देवेंद्र फडणवीसांचा मविआला टोला

काय म्हणाले देवेंद्र फडणवीस?

आमची बैठक सकारात्मक झाली आहे. १० जागांवर तोडगा बाकी राहिला आहे. ज्या जागा बाकी आहेत त्यावर तोडगा काढू, बाकीच्या जागाही घोषित होतील. महायुती म्हणून जे काही काम होतं ते झालं आहे. तुम्ही विचारण्याआधी सांगतो की महायुतीचा फॉर्म्युला दहा जागांचं ठरलं की आम्ही तुम्हाला सांगू असं देवेंद्र फडणवीस म्हणाले आहेत. महायुतीतले तीन घटक पक्ष यांनीही त्यांच्या जागा जाहीर केल्या आहेत. मात्र महायुतीचा फॉर्म्युला काय असेल हे सांगायची वेळ १० जागांचं ठरल्यावर सांगू असं देवेंद्र फडणवीस ( Devendra Fadnavis ) यांनी स्पष्ट केलं.

आणखी वाचा

Udhaynidhi Stalin : “मुलांची नावं तमिळच ठेवा, हिंदी लादून घेऊ नका”, तमिळनाडूच्या उपमुख्यमंत्र्यांचं आवाहन; केंद्रालाही दिला थेट इशारा

24 October Horoscope : गुरुपुष्यामृत योग कोणत्या राशींसाठी…

“…हा तर आघाडीचा रडीचा डाव अन् स्टंटबाजी,” भाजप आमदार श्वेता महालेंचे प्रत्युत्तर; म्हणाल्या….

“शिंदे सरकारने किक्रेटपटूंना जाहीर केलेलं बक्षीस अद्यापही दिलं नाही”; जितेंद्र आव्हाडांचा दावा!

Justice Sanjiv Khanna: कलम ३७० ते निवडणूक रोख्यांवर बंदी; हे ऐतिहासिक निकाल देणारे न्यायमूर्ती संजीव खन्ना कोण आहेत? खुद्द न्या. चंद्रचूड यांनी दाखविला विश्वास

नागरी सहकारी बँकांना भांडवल उभारणीचे नवीन मार्ग, रिझर्व्ह बँकेकडून चर्चात्मक दस्ताचा प्रस्ताव

चौकशी लावली असती तर मेट्रो प्रकल्प सुरू झाला नसता, मुख्यमंत्री एकनाथ शिंदे यांचा गौप्यस्फोट

‘लाडकी बहीण’ योजनेवरून भाजपचे आशीष देशमुख यांचा अनिल देशमुखावर आरोप..

हे पण वाचा- भाजपच्या पहिल्या यादीत गुहागरचा समावेश नाही, शिवसेना की भाजपा जागा लढणार याचा सस्पेंस कायम

२७८ जागांवर आमचं एकमत झालं आहे

देवेंद्र फडणवीस यांनी सांगितलं की त्यांचं २७८ जागांवर एकमत झालं आहे. त्यामुळे टेन्शन फ्री वाटतं आहे. असं नागपूरमध्ये देवेंद्र फडणवीस यांनी माध्यमांना सांगितलं. आज त्यांनी महाविकास आघाडीच्या फॉर्म्युल्याचीही खिल्ली उडवली आहे. महाविकास आघाडीने बुधवारी पत्रकार परिषद घेतली. या पत्रकार परिषदेत संजय राऊत यांनी आणि नाना पटोले यांनी ८५+८५+८५ अशा २७० जागांवर आमचं एकमत झाल्याचं म्हटलं आहे. कारण या संख्येची बेरीज २५५ होते. त्यामुळे देवेंद्र फडणवीस ( Devendra Fadnavis ) यांना याबाबत विचारलं असता त्यांनी आपल्या खास शैलीत महाविकास आघाडीची खिल्ली उडवली आहे.

देवेंद्र फडणवीस यांनी उडवली महाविकास आघाडीची खिल्ली

काँग्रेसने माझ्याविरोधात उमेदवार जाहीर केला आहे त्यांनाही शुभेच्छा आहे. २७८ जागा आम्ही ठरवल्या आहेत. त्यामुळे टेन्शन फ्री झालो आहे. आमचा अजेंडा आम्ही केलेली विकासकामं आहेत. आम्ही ज्या वेगाने निर्णय घेतले आणि विकास केला त्यावरच आम्ही निवडणूक लढवणार आहोत. ८५+८५+८५ म्हणजे २७० हे जे काही महाविकास आघाडीचं गणित आहे ते समजून घेण्याचा प्रयत्न सुपर कम्प्युटर आणि गणित तज्ज्ञ समजून घेत आहेत. असा टोला देवेंद्र फडणवीस ( Devendra Fadnavis ) यांनी महाविकास आघाडीला लगावला आहे.