संजय निरुपमांची घरवापसी, काँग्रेसमधून हकालपट्टी झाल्यानंतर शिंदेंच्या शिवसेनेत प्रवेश

काँग्रेसने निरुपम यांना लोकसभेचं तिकीट नाकारल्यामुळे ते पक्षावर नाराज होते. तसेच त्यांनी पक्षाविरोधात वक्तव्ये केली होती. त्यामुळे पक्षाने गेल्या महिन्यात त्यांची हकालपट्टी केली होती. दरम्यान, आज त्यांनी ठाण्यातील आनंद आश्रम येथे शिंदे गटाने आयोजित केलेल्या कार्यक्रमाच्या माध्यमातून शिंदे गटात जाहीर प्रवेश केला आहे.

आणखी वाचा

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

Nana Patole : निकालाआधी राजकीय घडामोडींना वेग; यातच…

अजित पवारांकडून करमाळ्यात आमदार संजय शिंदे यांचा प्रचार, महायुती धर्माला कोलदांडा

विधानसभा निवडणुकीत महायुतीला १७० हून अधिक जागा मिळाल्याशिवाय राहणार नाहीत – मुख्यमंत्री एकनाथ शिंदे

Sanjay Raut: २३ नोव्हेंबरनंतर मुख्यमंत्री एकनाथ शिंदे यांचे भवितव्य काय? संजय राऊत म्हणाले…

संजय केळकर आणि संजय भोईर यांचे मनोमिलन; ठाणे शहरात महायुतीमधील नाराजी अखेरच्याक्षणी दूर

शिंदे यांच्या बंडाच्या वेळीच राष्ट्रवादीचाही सत्तेत सहभाग निश्चित; अजित पवार यांचा गौप्यस्फोट

निरुपम यांच्या पक्षप्रवेशानंतर मुख्यमंत्री एकनाथ शिंदे यांनी एक्स या मायक्रोब्लॉगिंग प्लॅटफॉर्मवर एक पोस्ट केली आहे. यामध्ये त्यांनी म्हटलं आहे की, माजी खासदार आणि मुंबई काँग्रेसचे माजी अध्यक्ष संजय निरुपम यांनी तब्बल वीस वर्षांनी घरवापसी करत आज शिवसेना पक्षात जाहीर प्रवेश केला. ठाण्यातील आनंद आश्रम येथे पार पडलेल्या या पक्षप्रवेशावेळी त्यांच्यासह त्यांच्या असंख्य कार्यकर्त्यांनीही शिवसेनेमध्ये जाहीर प्रवेश केला. या सर्वांचे पक्षात स्वागत करून त्यांना भावी सामाजिक आणि राजकीय वाटचालीसाठी शुभेच्छा दिल्या. यावेळी आमदार प्रताप सरनाईक, माजी आमदार रवींद्र फाटक, महायुतीचे ठाणे लोकसभा मतदारसंघातील उमेदवार नरेश म्हस्के, ठाणे जिल्हा महिला संघटक मीनाक्षी शिंदे, ठाणे विधानसभा प्रमुख हेमंत पवार आणि शिवसेनेचे पदाधिकारी कार्यकर्ते यावेळी मोठ्या संख्येने उपस्थित होते.

शिंदेंच्या उमेदवारांच्या प्रचारासाठी निरुपम ताकद पणाला लावणार

मुख्यमंत्री एकनाथ शिंदे म्हणाले, २० वर्षांनी पुन्हा एकदा शिवसेनेमध्ये सक्रीय होत असल्याबद्दल संजय निरुपम यांचं आम्ही स्वागत करतो. लोकसभा निवडणुकीत स्वतःहून महायुतीच्या उमेदवारांच्या प्रचारासाठी संपूर्ण ताकद पणाला लावण्याची तयारी त्यांनी दाखवली आहे.

हे ही वाचा >> मोदींनी महायुतीचे दरवाजे उघडल्याची चर्चा, उद्धव ठाकरेंची भूमिका काय? राऊत म्हणाले, “त्यांना माहिती आहे…”

निरुपम यांच्याबरोबर मुंबई काँग्रेसचे माजी उपाध्यक्ष जयप्रकाश सिंह, मुंबई काँग्रेसचे सरचिटणीस अंजय श्रीवास्तव, मुंबई काँग्रेस सहकार सेलचे अध्यक्ष दिलीप राजपुरोहित, मुंबई काँग्रेस सचिव फिरोज शाह, रश्मी मेस्त्री, विधीज्ञ प्रद्युम्न वाघमारे, आनंद त्रिपाठी, मुंबई उत्तर पश्चिम जिल्हा काँग्रेसचे ब्लॉक अध्यक्ष सूरज गुप्ता, बाळा तिवारी, अरुण सुवर्णा, पाचुराम जयस्वाल, सर्वेश जयस्वाल, अमित कोचरे यांच्यासह असंख्य पदाधिकारी आणि कार्यकर्त्यांनी शिवसेनेत पक्षप्रवेश केला.