गुजरातीबहुल सोसायटीत मराठी माणसाला नो एंट्री! गिरगावपाठोपाठ घाटकोपरमधील घटनेचा ठाकरे गटाकडून तीव्र निषेध

स्थानिक शिवसैनिकांनी सांगितलं की, घाटकोपरमधील एका गुजरातीबहुल सोसायटीत आम्हाला संजय दिना पाटील यांची प्रचारपत्रकं वाटण्यास विरोध करण्यात आला. त्यानंतर पोलिसांनी मध्यस्थी करून कार्यकर्ते आणि सोसायटीत राहणाऱ्या गुजराती रहिवाशांमधील वाद मिटवला. दरम्यान, शिवसैनिक म्हणाले, मराठी माणसाला या इमारतीत प्रचार करून देणार नाही, असं आम्हाला सांगण्यात आलं होतं. त्यावर आम्ही त्यांना सांगितलं की आम्ही येथे प्रचार करण्यासाठी कायदेशीर परवानगी घेतली आहे आणि संविधानाप्रमाणे आम्ही प्रचार करतोय. त्यानंतरही तिथल्या काही लोकांनी गुजराती आणि मराठी असा जातीयवाद निर्माण करण्याचा प्रयत्न केला. आम्ही या गोष्टीचा जाहीर निषेध करतो. तसेच प्रशासनाने या प्रकरणाची दखल घ्यावी अशी विनंती करतो

आणखी वाचा

Amit Shah : “उद्धव ठाकरे तुमच्यात दम असेल तर…”, अमित शाहांचं भर सभेत खुलं आव्हान, म्हणाले…

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

भाजपाच्या ‘बटेंगे तो कटेंगे’ घोषणेवरून शरद पवारांचा हल्लाबोल; म्हणाले, “सत्ताधाऱ्यांची मानसिकता…”

लोकमानस: धोरणांचा प्रचार झालाच नाही

Amit Shah: “आपल्याला देवेंद्र फडणवीसांना पुन्हा…”, अमित शाहांचे शिराळ्याच्या सभेत मोठे विधान; राजकीय चर्चांना उधाण

‘भाजपने महाराष्ट्र लुटण्यासाठीच मविआ सरकार पाडले’, उद्धव ठाकरेंचा आरोप

“लाल संविधान दाखवून शहरी नक्षलवादाला प्रोत्साहन देतात” म्हणणाऱ्या देवेंद्र फडणवीसांना राहुल गांधींचं प्रत्युत्तर; म्हणाले…

बंडखोरीवरून वरपूडकर- बाबाजानी यांच्यात कलगीतुरा

यावर प्रतिक्रिया देताना खासदार संजय राऊत म्हणाले, घाटकोपरमध्ये एक सोसायटी आहे, जिथे बहुसंख्य गुजराती लोक राहतात. त्यांनी शिवसैनिकांना तिथे येण्यापासून रोखलं… केवळ मराठी आहेत म्हणून त्यांनी शिवसैनिकांना तिथे प्रचार करण्यापासून रोखलं… यावर बु* शिवसेना (मुख्यमंत्री एकनाथ शिंदेंचा गट) काय करतेय? हे गां* लोक आहेत. फडणवीस आणि शिवसेनेचा शिंदे गट ही एक गां* सेना आहे. उद्धव ठाकरे यांच्या नेतृत्वातील शिवसेनेने शिंदे आणि फडणवीस यांचं आव्हान स्वीकारलं आहे. आम्ही त्यांच्या विरोधात लढूच. मात्र आमची शिवसेना खरी असं म्हणणारे बु**, गां** लोक या प्रकरणावर काय बोलणार आहेत ते स्पष्ट झालं पाहिजे.

गिरगावात नोकरी, पण मराठी माणसालाच नो एन्ट्री?

LinkedIn या नोकरीशी संबंधित वेबसाईटवर व्हायरल झालेल्या एका नोकरीच्या जाहिरातीमुळे मराठी माणसांमध्ये संतापाची लाट पसरली आहे. ITCODE Infotech या कंपनीने ग्राफिक डिझायनर्सची जागा भरण्यासाठी केलेली जाहिरात वादग्रस्त ठरली आहे. या जाहिरातीत म्हटलं आहे की, मराठी उमेदवारांनी अर्ज करू नये. त्यावरून मोठा वाद निर्माण झाला. जान्हवी सराना या नावाने लिंक्डइनवर ही जाहिरात करण्यात आली. या जाहिरातीत मुंबईत ग्राफिक्स डिझायनरसाठी जागा असल्याची माहिती देण्यात आली होती. महत्त्वाचं म्हणजे मराठीबहुल वस्ती असलेल्या गिरगावातील एका कार्यालयात ही नोकरी होती. तरीदेखील नोकरीच्या या जाहिरातीत मराठी लोकांनी अर्ज करू नये असं म्हटलं होतं.