2024 Lok Sabha Election Result Goa Belgaum Telangana Vote Counting Highlights: लोकसभा निवडणुकांचा निकाल आता काही तासांवर येऊन ठेपला असताना, कोण जिंकणार व कोण हरणार याबाबत सर्वांनाच उत्कंठा आहे. लोकसभा निवडणूक निकालाकडे देशाचे लक्ष लागले आहे. सकाळी ८ वाजता मतमोजणीस सुरुवात झाली आहे. सात टप्पे, ४३ दिवस चाललेल्या १८ व्या लोकसभा निवडणुकांची मतमोजणी सुरु आहे. या निवडणुकीत कोण बाजी मारणार, कोणाला किती जागा मिळणार, याबाबत सध्या उत्सुकता शिगेला पोहोचली आहे.
Lok Sabha Election Results 2024: लोकसभा निवडणुकीचा निकाल; पाहा कोण बाजी मारणार
सिकंदराबादमध्ये भाजपचे जी. किशन रेड्डी आघाडीवर आहेत. भारतीय निवडणूक आयोगाच्या आकडेवारीनुसार त्यांना ३७७१८९ मते मिळाली आहेत.
बेळगाव मतदारसंघातून भाजपाचे जगदीश शेट्टर सध्या २४२८९५ मतांनी आघाडीवर आहेत. काँग्रेसच्या मृणाल हेब्बाळकर १९७२७९ मते मिळवून दुसऱ्या क्रमांकावर आहेत.
हैद्राबाद मतदारसंघात एआयएमआयएमचे असदुद्दीन ओवेसी सध्या २३६०८० मतांनी आघाडीवर आहेत. भाजपाच्या माधवी कोम्पेला १८१६६७ मते मिळवून दुसऱ्या क्रमांकावर आहेत.
दक्षिण गोवा मतदार संघातून काँग्रेसचे विरियाटो फर्नांडिस आघाडीवर आहेत.
भारतीय राष्ट्रीय काँग्रेसच्या कादियम काव्या सध्या ३०८२२६ मतांनी आघाडीवर आहेत तर भाजपाचे अरोरी रमेश २०२००७ मतांनी पिछाडीवर आहेत.
निवडणूक आयोगाच्या आकडेवारीनुसार, एआयएमआयएमचे असदुद्दीन ओवेसी यांनी १९३०३८ मतांनी आघाडी कायम ठेवली आहे तर भाजपच्या माधबी लता १४८२६० मतांनी पिछाडीवर आहेत.
बेळगाव लोकसभा जागेसाठी २६ एप्रिल २०२४ रोजी मतदान पार पाडले असून भारतीय जनता पक्षाच्या अंगडी सुरेश चन्नाबसप्पा यांनी २०१९ च्या सार्वत्रिक निवडणुकीत ६३.२ टक्के मते मिळवून आपली जागा कायम ठेवली. चन्नाबसप्पा यांनी काँग्रेसच्या साधुनावर यांच्यावर विजय मिळवला होता.
दक्षिण भारतातील तेलंगणात राज्यात भाजपाने मुसंडी मारली होती परंतु आता काँग्रेसने मोठी आघाडी घेतली आहे. एकुण १७ जागा असलेल्या या राज्यात भाजपा ७ पेक्षा जास्त जागांवर आघाडीवर आहे. तर काँग्रेस आठ जागांवर आघाडीवर आहे. तसेच एका जागेवर अपक्ष उमेदवार आघाडीवर आहे. तेलंगणा राज्यात काँग्रेसची सरकार आहे. हैदराबादमध्ये असदुद्दीन ओवैसी पिछाडीवर असून भाजपाच्या माधवी लता आघाडीवर आहे.
२०१९ लोकसभा मध्ये तेलंगणात भारत राष्ट्र समितीला ९, भाजपा ४, काँग्रेस ३ आणि एआयएमआयएम १ इतक्या जागा मिळाल्या होत्या.
२०१९ च्या उत्तर गोवा लोकसभा निवडणुकीत भारतीय जनता पक्षाचे श्रीपाद येसो नाईक उत्तर गोवा मतदारसंघातून विजयी झाले होते. आता यंदा कोण बाजी मारणार याकडे सर्वांचे लक्ष लागले आहे.
गोव्यात लोकसभेच्या दोन जागांसाठी एकाच टप्प्यात मतदान झाले. या दोन्ही जागांवर भारतीय जनता पक्षाची (भाजपा) काँग्रेसशी थेट स्पर्धा आहे. मात्र, सध्या दोन्ही पक्षांकडे प्रत्येकी एक जागा आहे. देशभरात सात टप्प्यांत झालेल्या लोकसभा निवडणुकीचे निकाल काही तासांतच आपल्या हाती येणार आहेत.
राजकीयदृष्ट्या आजचा दिवस खूप महत्वाचा आहे. कारण देशात कोणाची सत्ता येणार हे ठरवणारा आजचा दिवस आहे. लोकसभा निवडणुकीच्या मतमोजणीला सुरुवात झाली आहे. गोव्यात कोण बाजी मारणार याकडे सर्वांचे लक्ष लागले आहे.
Goa Lok Sabha Election Results 2024
