Gujarat Exit polls Updates, 8 December 2022 : संपूर्ण देशाचं लक्ष लागलेल्या गुजरात विधानसभा निवडणुकीचा निकाल आज जाहीर झाला आहे. गुजरातमध्ये सलग सातव्यांदा भाजपाचं सरकार येणार असल्याचं जवळपास निश्चित झालं आहे. भाजपाने ऐतिहासिक कामगिरी केली असून १८४ पैकी १५८ जागा जिंकण्याच्या मार्गावर आहे. काँग्रेसचा मात्र दारुण पराभव झाला आहे. काँग्रेसला फक्त १६ ते २० जागांवर विजय मिळण्याती शक्यता आहे. दुसरीकडे आक्रमक प्रचाराद्वारे मोठी हवा निर्माण केलेल्या ‘आप’ला मात्र तीन ते दोन अंकी आकडा गाठणंही कठीण आहे. बहुमतासाठी ९२ जागा जिंकणं आवश्यक आहे.
या निवडणुकीत भाजपा आपला २००२ मधील १२७ जागांचा तसंच काँग्रेसचा १९८५ मधील १४९ जागांचा रेकॉर्ड मोडण्याच्या मार्गावर आहे. इंदिरा गांधींच्या हत्येनंतर झालेल्या या निवडणुकीत मतदारांकडून मिळालेल्या सहानुभूतीमुळे काँग्रेसचा ऐतिहासिक विजय झाला होता.
एक्झिट पोलनुसार गुजरातमध्ये भाजपाला १८२ जागांपैकी ११७ ते १५१ जागा आणि काँग्रेससह त्याच्या मित्रपक्षांना १६ ते ५१ जागा मिळतील, असा अंदाज होता.
Gujarat Assembly Election Result 2022 Live Counting Updates : गुजरातमध्ये भाजपाचा ऐतिहासिक विजय, काँग्रेसचा रेकॉर्ड काढला मोडीत
भाजपाकडून राजकारण करत जे धोरण अवलंबलं जात आहे, त्याचं उदाहरण गुजरातमध्ये पाहायला मिळत आहे. हे लोकशाहीसाठी घातक आहे. मतदानाचा कौल त्यांच्या बाजून आहे, मात्र दबावतंत्र आणि भीतीच्या माध्यमातून हे सर्व झालं आहे असा आरोप काँग्रेसचे प्रदेशाध्यक्ष नाना पटोले यांनी केला आहे.
आम्ही जिथे कमी पडलो आहोत त्याचं आत्मपरीक्षण करु. पुढील निवडणुकीत आम्ही चांगली कामगिरी करण्याकडे लक्ष देऊ असंही यांनी सांगितलं आहे.
गुजरातचे मुख्यमंत्री भूपेंद्र पटेल विजयी झाले आहेत. घटलोडियामधून भूपेंद्र पटेल यांनी विजय मिळवला आहे.
मतमोजणीला सुरुवात झाली असून तीन तासांनी भाजपा १४९ जागांवर आघाडीवर असून ५३.६ टक्के मतं मिळाली आहेत. तर दुसरीकडे काँग्रेस १९ जागांवर आघाडीवर असून फक्त २६.६ टक्के मतं मिळाली आहेत. आपला एकूण १२.८ टक्के मतं मिळाली असून फक्त नऊ जागांवर आघाडी आहे.
अमित शाह यांच्या संघटनात्मक कौशल्य आणि जनतेने दिलेल्या प्रचंड प्रतिसादामुळे गुजरातमध्ये भाजपा मोठ्या विजयाकडे वाटचाल करत आहे. पंतप्रधान नरेंद मोदींनी भारताला स्वयंपूर्ण करण्याचा, जगातील सर्वोत्तम देश कऱण्याचा प्रयत्न केला असून जनकल्याण योजना सर्वसामान्यांपर्यंत पोहोचवल्या. सरकार आणि संघटनेने केलेल्या कामामुळे हा मोठा विजय मिळाला आहे. मी गुजरातच्या जनतेचे आभार मानतो असं भाजपाचे प्रदेशाध्यक्ष चंद्रशेखर बावनकुळे म्हणाले आहेत.
दिल्ली महानगरपालिकेत मिळालेल्या यशासाठी मी आपचं अभिनंदन करतो. हिमाचल प्रदेश लहान राज्य असलं तरी तेथे काँग्रेस ज्या पद्धतीने लढते आहे त्यासाठी त्यांचे अभिनंदन करावे लागेल. हिमाचलमध्ये काँग्रेसची सत्ता येईल, असंच लोकांना वाटतंय. देशाच्या पुढील निवडणुकींसाठी हे आशादायक चित्र आहे. फक्त विरोधकांनी एकत्र येणं आणि मतविभागणी टाळणं गरजेचं आहे. आपआपसातील मतभेद, हेवेदावे, अंहकार दूर ठेऊन एकत्र लढाई केली तर २०२४ मध्ये देशात परिवर्तन झाल्याशिवाय राहणार नाही असे हे निकाल आहेत. सगळे एकत्र येऊन लढले तर गुजरातमध्येदेखील लोकसभा निवडणुकीतही परिवर्तन होईल, असं संजय राऊत म्हणाले आहेत.
राहुल गांधींच्या भारत जोडो यात्रेचा या निवडणुकांशी संबंध जोडू नये असं मला वाटतं. राहुल गांधी वेगळ्या मिशनवर आहेत. या निवडणुकांचा संदर्भ त्यांच्या यात्रेशी जोडणं चुकीचं आहे. गेल्या दोन महिन्यांपासून काँग्रेस अंतर्गत आणि इतर राजकारणापासून राहुल गांधी दूर आहेत. ते एक वेगळी मोहिम पुढे नेत आहेत. देश जोडणं, देशातील द्वेष नष्ट करणं, लोकांची मनं जोडणं, संघर्ष थांबवणं यासाठी ती यात्रा आहे आणि त्याला चांगलं यश मिळत आहे, असंही ते म्हणाले.
आम आदमी पक्षाचे मुख्यमंत्रीपदाचे उमेदवार गढवी खंबालिया मतदारसंघातून ३२१५ मतांनी आघाडीवर आहेत. दरम्यान भाजपाने मात्र आधीपासूनच जल्लोष साजरा करण्यास सुरुवात केली आहे.
भाजपा १४२ जागांवर आघाडीवर असून ऐतिहासिक विजयाच्या दिशेने वाटचाल करत आहे. यानंतर भाजपा कार्यकर्त्यांकडून जल्लोष केला जात आहे. काँग्रेस २० तर आप सात जागांवर आघाडीवर आहे.
सुरुवातीच्या कलांनुसार, भाजपा १५० चा आकडा ओलांडण्याची शक्यता आहे. भाजपा काँग्रेसचा १९८५ मधील १४९ जागांचा रेकॉर्ड मोडण्याची शक्यता आहे.
गुजरातचा निकाल अपेक्षित असून आम आदमी पक्ष आणि भाजपाचं साटंलोटं असल्याचा गंभीर आरोप शिवसेना खासदार संजय राऊत यांनी केला आहे. आपने दिल्ली घेतली आणि गुजरात भाजपासाठी सोडलं असा दावा संजय राऊत यांनी केला आहे.
https://twitter.com/ANI/status/1600707559434113024
उत्तर जामनगर येथून आप उमेदवार करसनभाई करमूर ४,५८२ मतांनी आघाडीवर, काँग्रेस उमेदवार बिपेंद्रसिंह जडेजा दुसऱ्या क्रमांकावर, तर भाजपाचे रिवादा जडेजा तिसऱ्या क्रमांकावर, मतमोजणी सुरू, आतापर्यंतच्या कलानुसार, भाजपा १२३, काँग्रेस २२ आणि आप १० जागांवर आघाडीवर
गुजरातमध्ये भाजपा ६१ जागांवर, तर काँग्रेस ११ जागांवर आघाडीवर, निवडणूक आयोगाची माहिती
काँग्रेसमधून भाजपात प्रवेश कऱणारे हार्दिक पटेल सध्या आघाडीवर आहेत. काँग्रेस नेते लखाभाई भारवाड पिछाडीवर आहेत.
भाजपाचे सूरत पश्चिममधील उमेदवार पूर्णेश मोदी यांनी भाजपा यावेळी सर्व रेकॉर्ड मोडेल असा विश्वास व्यक्त केला आहे. “भाजपा यावेळी सर्व रेकॉर्ड मोडेल. आम्हाला यावेळी सर्वात जास्त जागा आणि सर्वाधिक मतदानाची टक्केवारी असेल. मोठ्या फरकाने आमचे उमेदवार विजयी होतील,” असं ते म्हणाले आहेत.
भाजपा काँग्रेस आप
न्यूज एक्स ११७-१४० ३४-५१ ६-१३
जन की बात
रिपब्लिक टीव्ही १२८-१४८ ३०-४२ २-१०
आज तक १२९-१५१ १६-३० ९-२१
एबीपी सी व्होटर १२८-१४० ३१-४३ ३-११
टुडेज चाणक्य १५० १९ ११
एकूण जागा : १८२, बहुमताचा आकडा : ९२
सुरुवातीच्या कलांमध्ये भाजपाने मोठी आघाडी घेतली आहे. भाजपा १०० हून अधिक जागांवर आघाडीवर आहे. दुसरीकडे काँग्रेस २६ तर आप तीन जागांवर आघाडीवर आहे.
गुजरातमधील जनता पुन्हा भाजपाला संधी देणार की नव्या पक्षाचं सरकार आणायचं यासंबंधी आज निर्णय देणार आहे. दरम्यान २०२४ मधील लोकसभा निवडणुकीपूर्वी भाजपाने पाच मुख्य मुद्द्यांवर लक्ष केंद्रीत केलं आहे.
१) पाटीदार मत
२) पक्षांतर करणारे उमेदवार
३) डिच्चू देण्यात आलेल्या मंत्र्यांच्या जागा
४) पंतप्रधान मोदींनी प्रचार केलेले मतदारसंघ
५) विकास
गुजरातमध्ये कोणाची सत्ता येणार याकडे सध्या संपूर्ण देशाचं लक्ष लागलं आहे. सकाळी ८ वाजता मतमोजणीला सुरुवात झाली आहे. भाजपा सलग सातव्यांदा राज्यात सत्तेत येण्यासाठी प्रयत्न करत असताना, आम आदमी पक्षही गुजरातच्या राजकारणात प्रवेश करण्यास उत्सुक आहे.
भाजपा – ९९ (२०१२ च्या तुलनेत १६ जागा कमी)
काँग्रेस – ७७ (२०१२ च्या तुलनेत १६ जागा वाढल्या)
अपक्ष – ३ (२०१२ च्या तुलनेत २ जागा वाढल्या)
भारतीय ट्रायबल पार्टी – २
राष्ट्रवादी काँग्रेस पक्ष – १
गुजरातमध्ये एकूण १८२ विधानसभेच्या जागा आहेत. यापैकी पहिल्या टप्प्यात १ डिसेंबरला ८९ जागांसाठी मतदान झालं होतं. तसेच सोमवारी (५ डिसेंबर) दुसऱ्या टप्प्यात ९३ जागांसाठी मतदान पार पडलं.
https://twitter.com/ANI/status/1600663457678131200
गुजरात विधानसभा निकालाच्या पार्श्वभूमीवर सकाळी ८ वाजल्यापासून मतमोजणी सुरू होणार, मतमोजणी केंद्राजवळ कडेकोट बंदोबस्त, अहमदाबादमधील एलडी इंजिनिअरींग कॉलेजवळील दृश्य
https://twitter.com/ANI/status/1600673737170636800
भाजपाला १३५ ते १४५ जागा निश्चितपणे मिळणार आणि आम्हीच सरकार स्थापन करणार आहोत. कोणाला काही शंका आहे का? हार्दिक पटेल यांना विश्वास
गुजरात विधानसभा निवडणुकीचे निकाल घोषित होत आहेत. आता गुजरातमध्ये भाजपा, काँग्रेस की आप जिंकणार हे हळूहळू स्पष्ट होत आहे.