Harshada Wanjale speaks for MNS Khadakwasala Candidate Mayuresh : महाराष्ट्र नवनिर्माण सेनेचे अध्यक्ष राज ठाकरे यांनी हडपसर येथून मनसे शहर अध्यक्ष साईनाथ बाबर,कोथरूड येथून किशोर शिंदे आणि मनसेचे दिवंगत आमदार रमेश वांजळे यांचे चिरंजीव मयुरेश वांजळे यांना खडकवासला मतदारसंघातून उमेदवारी दिली आहे. दरम्यान, गुरुवारी (१४ नोव्हेंबर) राज ठाकरे यांनी खडकवासल्यात मयुरेशसाठी प्रचारसभा घेतली. यावेळी, मयुरेशची आई हर्षदा वांजळे यांनी देखील उपस्थितांना संबोधित केलं. हर्षदा वांजळे म्हणाल्या, आज या सभेला संबोधित करताना मला रमेश वांजळे यांची खूप आठवण येत आहे. मात्र, ते आजही आपल्यातच उपस्थित आहेत असं मला वाटतं. कधी कधी मला त्यांची उणीव भासते. २००९ च्या विधानसभा निवडणुकीवेळी तुम्ही सर्वांनी रमेश वांजळे यांच्यावर विश्वास दाखवला होता. तोच विश्वास तुम्ही यावेळी मयुरेशवर दाखवाल, अशी मला अपेक्षा आहे. राज ठाकरे यांनी मयुरेशवर विश्वास दर्शवला आहे. मयुरेश राज ठाकरेंचा विश्वास सार्थ ठरवेल, याबाबत माझ्या मनात जरा देखील शंका नाही. त्यामुळे मी तुम्हा सर्वांना आवाहन करते की येत्या २० नोव्हेंबरला रेल्वे इंजिन या आपल्या निवडणूक चिन्हासमोरचं बटन दाबून मयुरेशला भरपूर मतांनी विजयी करा.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
