Haryana Assembly Election 2024 Vote Counting Live Updates : हरियाणा आणि जम्मू-काश्मीरमध्ये विधानसभेसाठी नुकतेच मतदान पार पडले. हरियाणा राज्यात ५ ऑक्टोबर रोजी विधानसभेच्या ९० जागांसाठी एकाच टप्प्यात मतदान झाले. त्यानंतर आता जम्मू-काश्मीर आणि हरियाणा या दोन्ही निवडणुकीचे निकाल ८ ऑक्टोबर रोजी जाहीर होणार आहेत. या निवडणुकीच्या निकालाला आता अवघे काही तास उरले आहेत. पुढच्या काही तासांमध्ये निकाल लागणार आहे. खरं तर हरियाणामध्ये निवडणुकीचे एक्झिट पोल समोर आले, त्यामध्ये जवळपास सर्वच एक्झिट पोलमध्ये काँग्रेसच्या बाजुने कौल देण्यात आला आहे. तसेच गेल्या १० वर्षांपासून सत्तेत असलेल्या भारतीय जनता पक्षाला धक्का बसण्याची शक्यता एक्झिट पोलमध्ये वर्तवण्यात आलेली आहे. त्यामुळे आता निकाल काय लागतो? कोणत्या पक्षाला जास्तीत जास्त जागा मिळतात? कोणत्या पक्षाचं सरकार हरियाणामध्ये येणार? हे आता पुढच्या काही तासांमध्ये स्पष्ट होणार आहे. दरम्यान, जम्मू काश्मीर आणि हरियाणा राज्यातील विधानसभा निकालाच्या सर्व घडामोडी पाहा एकाच क्लिकवर…
Haryana Vidhan Sabha Election 2024 Vote Counting Live Updates, 08 October 2024
Haryana Election Result : हरियाणा विधानसभेच्या निवडणुकीत काँग्रेस आणि भारतीय जनता पक्षात चुरसीची लढत पाहायला मिळाली होती. या निवडणकीच्या प्रचारात दोन्ही पक्षांच्या नेत्यांनी एकमेकांवर जोरदार आरोप-प्रत्यारोप केले होते. त्यामुळे आता हरियाणामध्ये कोणत्या पक्षाचे सरकार येते, हे पाहणे महत्वाचे असणार आहे.
Haryana Assembly Election Result 2024 : हरियाणा विधानसभा निवडणुकीचा निकाल मंगळवारी (८ ऑक्टोबर) रोजी लागणार आहे. मात्र, निकाल स्पष्ट झाल्यानंतर दिल्लीत राजकीय हालचाली वाढण्याची शक्यता आहे. हरियाणामध्ये काँग्रेस सत्तेत येण्याची शक्यता वर्तवण्या आल्यामुळे काँग्रेस हायकमांडकडे चर्चा करण्याच्या पार्श्वभूमीवर काही नेत्यांनी दिल्लीत तळ ठोकला असल्याचंही सांगितलं जात आहे.
Haryana Result 2024 : हरियाणा विधानसभेच्या २०१९ साली झालेल्या विधानसभा निवडणुकीत भाजपाने ४० जागा जिंकल्या होत्या. तर काँग्रेसला ३१ जागांवर विजय मिळाला होता. जननायक जनता पार्टी (जेजेपी) ने १० जागांवर विजय मिळविला होता. भाजपाने जेजेपीशी आघाडी करून सत्ता स्थापन केली होती.
Haryana Assembly Election Result 2024 Live : हरियाणा विधानसभेच्या निवडणुकीत भारतीय जनता पक्ष आणि काँग्रेसमध्ये जोरदार चुरसीची लढत पाहायला मिळाली होती. गेल्या १० वर्षांपासून सत्तेत असलेल्या भारतीय जनता पक्षाला सत्तेतून हटवण्यासाठी काँग्रेसने कंबर कसली होती. भारतीय जनता पक्षाने सत्तेची हॅटट्रीक करण्यासाठी जोरदार प्रयत्न केले. आता निवडणुकीच्या निकालात कोणत्या पक्षाला धक्का बसणार? आणि कोणत्या पक्षाचे सरकार येणार? हे स्पष्ट होणार आहे.
हरियाणा विधानसभेच्या निवडणुकीत भारतीय जनता पक्ष आणि काँग्रेसमध्ये जोरदार चुरसीची लढत पाहायला मिळाली होती. गेल्या १० वर्षांपासून सत्तेत असलेल्या भारतीय जनता पक्षाला सत्तेतून हटवण्यासाठी काँग्रेसने कंबर कसली होती. तर भारतीय जनता पक्षाने सत्तेची हॅटट्रीक करण्यासाठी जोरदार प्रयत्न केले. मात्र, आता निवडणुकीच्या निकालात कोणत्या पक्षाला धक्का बसणार? आणि कोणत्या पक्षाचे सरकार येणार? हे स्पष्ट होणार आहे.
