Haryana Election Winner List 2024 : हरियाणातील चित्र स्पष्ट; सावित्री जिंदाल, विनेश फोगट यांच्यासह विजयी उमेदवारांची यादी!

हेही वाचा >> Haryana Results : हरियाणा निकालानंतर पंतप्रधान मोदींची बोचरी टीका, “काँग्रेसचा डबा गुल झाला आहे, पितळ उघडं पडलं आहे, आता..”

विधानसभेच्या ९० जागांसाठी हरियाणात एकूण १०३१ उमेदवार रिंगणात होते. यामध्ये ४६४ अपक्ष होते, तर १०१ महिला उमेदवार होत्या. आगामी काळात महाराष्ट्रात निवडणुका लागणार आहेत. हरियाणाच्या निकालाचा प्रभाव महाराष्ट्रावरही पडण्याची शक्यता आहे. तसंच, पंतप्रधान नरेंद्र मोदी यांनीही विकासाचे नवे पर्व सुरू होणार असल्याचं म्हटलंय.

काय म्हणाले नरेंद्र मोदी?

हरियाणातल्या जनतेने तिसऱ्यांदा भाजपावर विश्वास ( Haryana Results ) टाकला आहे. तसंच आम्हाला भरभरुन मतदान केलं आहे. हरियाणातल्या जनतेने इतिहास ( Haryana Results ) रचला आहे. आपल्या देशात अनेक राज्यं अशी आहेत ज्यांनी कधीही काँग्रेसला सलग दोनदा सत्ता दिली नाही. पण भाजपावर तो विश्वास टाकला. हरियाणामध्ये भाजपाला तिसऱ्यांदा सत्ता दिली. हरियाणात जेव्हापासून निवडणूक होऊ लागली तेव्हापासून हे पहिल्यांदाच घडतं आहे. काँग्रेससाठी अनेक राज्यांनी नो एंट्रीचा बोर्ड लावला आहे. त्यांच्या खोट्या आश्वासनांना जनता भुलत नाही. आधी त्यांना वाटायचं की काहीही केलं नाही तरीही आपली सत्ता येईल. पण आता तशी स्थिती नाही. लोकांनी काँग्रेसला नाकारलं आहे.