Iltija Mufti : मेहबुबा मुफ्तींच्या बालेकिल्ल्यात लेक पराभूत, इल्तिजा म्हणाल्या, “जनतेचा हा निर्णय…”

नौशेरा मतदारसंघात भाजपाचे प्रदेशाध्यक्ष रवींद्र रैना पिछाडीवर आहेत. चौथ्या फेरीच्या मतमोजणीनंतर रैना ९,६६१ मतांनी पिछाडीवर आहेत. त्यामुळे रैना यांची चिंता वाढली आहे. माजी मुख्यमंत्री ओमर अब्दुल्ला बडगाम मतदारसंघात १,४०० मतांनी आघाडीवर आहेत. तर माजी मुख्यमंत्री मेहबुबा मुफ्ती यांची कन्या इत्लिजा मुफ्ती-इक्बाल श्रीगफुरा-बिजबेहरा मतदारसंघात ६,२७४ मतांनी पिछाडीवर आहेत. दरम्यान, इल्तिजा यांनी निवडणुकीतील पराभव मान्य केला आहे. त्यांनी, पराभव मान्य करणारी एक पोस्ट एक्स या मायक्रोब्लॉगिंग प्लॅटफॉर्मवर शेअर केली आहे.

आणखी वाचा

लक्षवेधी लढत : ‘शिवसेना- ठाणे’ समीकरण अडचणीत?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

मतदान वाढेल; फायदा भाजपला ; चंद्रकांत पाटील यांचा दावा

सांगलीत जयंत पाटील यांची कसोटी

राज्यात हरियाणा प्रारुपाचा प्रयोग शक्य झाला का ? उमेदवारांच्या संख्येत २८ टक्के वाढ

आश्वासनं देण्याची चढाओढ, झारखंडमझ्ये भाजपा-इंडिया आघाडीत वेगळीच स्पर्धा!

महाविकास आघाडीला स्पष्ट बहुमत मिळेल, महायुतीच्या सोबतच्या पक्षांची मदत लागणार नाही – रोहित पवार

Tasgaon Kavathe Mahankal Assembly Elections : ‘एक मत, दोन आमदार’ तासगाव – कवठेमहांकाळमध्ये वेगळाच प्रचार

हे ही वाचा >> Haryana Election Result: चेहरे पडले, जल्लोष थांबला, हरियाणात काँग्रेसची पिछेहाट; भाजपाने बहुमताचा आकडा केला पार

इल्तिजा यांनी पराभव स्वीकारला

इल्तिजा मुफ्ती-इक्बाल यांनी एक्सवर केलेल्या पोस्टमध्ये म्हटलं आहे की “जनतेचा हा निर्णय मला मान्य आहे. बिजबेहरामधील जनतेकडून मला मिळालेलं प्रेम व आपुलकी सदैव माझ्याबरोबर राहील. या निवडणूक मोहिमेत माझ्यासाठी मेहनत घेणाऱ्या जम्मू अँड काश्मीर पीपल्स डेमोक्रेटिक पार्टीच्या कार्यकर्त्यांचे मी मनापासून आभार मानते”.

श्रीगफुरा-बिजबेहरा मतदारसंघात मतमोजणीच्या १२ फेऱ्या होणार आहेत. यापैकी नऊ फेऱ्या पूर्ण झाल्या आहेत. यात त्या ६,२७४ मतांनी पिछाडीवर आहेत. उर्वरित तीन फेऱ्यांमध्ये फार मोठा बदल होणार नसल्याची इल्तिजा यांना कल्पना असल्याने त्यांनी निवडणुकीतील पराभव स्वीकारला आहे.

हे ही वाचा >> Jammu and Kashmir Assembly Election Result 2024 Live : जम्मू-काश्मीरमध्ये काँग्रेसप्रणित ‘इंडिया’ची ५२ आणि भाजपाची २२ जागांवर आघाडी

पीडीपीच्या बालेकिल्ल्यात पराभव

श्रीगफुरा-बिजबेहरा हा विधानसभा मतदारसंघ आजवर पीडीपीचा बालेकिल्ला म्हणून ओळखला जात होता. १९६७ साली इल्तिजा यांचे आजोबा मुफ्ती मोहम्मद सय्यद हे काँग्रेसच्या तिकीटावर येथून आमदार म्हणून निडून आले होते. त्यानंतर १९९६ साली इल्तिजा यांच्या आई मेहबुबा मुफ्ती या काँग्रेसच्या तिकीटावर येथून निवडून आल्या होत्या. १९९९ पासून २०१९ पर्यंत पीडीपीचे अब्दुल रहमान भट येथून आमदार म्हणून निवडून आले आहेत. याच मतदारसंघात इल्तिजा यांचा पराभव झाला आहे.