Karnataka Election Results 2023 Updates : भाजपाचा दारूण पराभव, कर्नाटकात काँग्रेसची एकहाती सत्ता, कोणत्या पक्षाला किती जागा? वाचा…

सत्ता मिळाली तरी काँग्रेसच्या अडचणी कमी होणार नाहीत. मुख्यमंत्री कोण होणार? ही डोकेदुखी राहणार आहेच. वाचा पाच शक्यता काय असू शकतात. वाचा सविस्तर

कर्नाटकच्या जनतेने मोदी-शाहांना झिडकारलं आहे, हे मान्य करा. अनेक ठिकाणी महाराष्ट्रातील भाजपा नेते गेले. ते जिथे जिथे गेले तिथे तिथे भाजपाचा मोठा पराभव झाला. महाराष्ट्रातून भाजपा नेत्यांची मोठी टोळी काँग्रेस, महाराष्ट्र एकीकरण समितीच्या पराभवासाठी कर्नाटकात गेली. त्या प्रत्येक ठिकाणी भाजपाचा दारूण पराभव झाला. कर्नाटकातील निकाल २०२४ साठी विरोधी पक्षांसाठी सत्तेचा दरवाजा उघडणारा असेल. २०२४ मध्ये असाच निकाल लागेल. ही एक लोकभावना आहे. देशाची मन की बात कर्नाटकातून बाहेर पडली.

– संजय राऊत

कर्नाटकमध्ये मतांची टक्केवारी आणि मिळणाऱ्या जागांचं अजब गणित!

वाचा सविस्तर

कर्नाटकात काँग्रेस केवळ आघाडीवर नाही, तर सत्ता स्थापन करेल. काँग्रेसला पूर्ण बहुमत मिळत आहे. कर्नाटकमधील काँग्रेसचा विजय कर्नाटकमधील भाजपाचा पराभव नसून पंतप्रधान नरेंद्र मोदींचा आहे. मोदी-शाहांनी हा पराभव स्विकारला पाहिजे. या दोन प्रमुख नेत्यांनी कर्नाटकात अक्षरशः तंबू ठोकला होता.

– संजय राऊत

निवडणूक आयोगाच्या संकेतस्थळानुसार पक्षनिहाय आघाडी

काँग्रेस – ११०

भाजपा – ७१

जेडीएस – २३

कर्नाटक विधानसभा निकालाचे सुरुवातीचे कल जाहीर होताच, बंगळुरूत काँग्रेस कार्यकर्त्यांचा जल्लोष, पक्षाचा झेंडा फडकावत घोषणाबाजी

भाजपा नेते आणि कर्नाटकचे मुख्यमंत्री बसवराज बोम्मई शिग्गाव मतदारसंघातून आघाडीवर, काँग्रेस उमेदवार यासिर अहमद खान पठाण मागे

निवडणूक आयोगाच्या संकेतस्थळानुसार पक्षनिहाय आघाडी

काँग्रेस – १००

भाजपा – ६८

जेडीएस – २४

निवडणूक आयोगाच्या संकेतस्थळानुसार पक्षनिहाय आघाडी

काँग्रेस – ९५

भाजपा – ६४

जेडीएस – २२

कोण किती जागांवर आघाडीवर?

काँग्रेस – ११९

भाजपा – ७४

जेडीएस – २६

इतर – ०५

काँग्रेसचा फॉर्म्युला ठरला? सिद्धरामय्या नवे मुख्यमंत्री होण्याचे मुलाने दिले संकेत!

वाचा सविस्तर

कोण किती जागांवर आघाडीवर?

काँग्रेस – ११४

भाजपा – ८१

जेडीएस – २४

इतर – ०५

भाजपाला सत्तेबाहेर ठेवण्यासाठी आम्ही काहीही करू. कर्नाटकाच्या हितासाठी माझ्या वडिलांना मुख्यमंत्री करायला हवं.

– यथिंद्र सिद्धारमय्या (काँग्रेस नेते आणि माजी मुख्यमंत्री सिद्धरमय्यांचा मुलगा)

सध्या बॅलेटमध्ये सुशिक्षितांचं मतदान आहे. परिवर्तन सुरू होत आहे. यावेळी जवळपास ४५ टक्के मतदान काँग्रेसला होणार आहे. त्यामुळे काँग्रेस बहुमताचं सरकार स्थापन करेल. मागच्यावेळी काँग्रेसला जनतेने कौल दिला आणि त्याचाच फायदा घेऊन मोदी सरकारने जनतेच्या कौलाविरोधात जाऊन सरकार स्थापन केलं. भाजपा लोकशाही न मानणारा पक्ष आहे. त्यामुळे यंदा जनतेने काँग्रेसला स्पष्ट बहुमत दिलं आहे.

– नाना पटोले (प्रदेशाध्यक्ष, काँग्रेस)

बेळगाव-निपाणीसह सीमाभागातील एकण ६ मतदारसंघांवर महाराष्ट्रातील राजकीय वर्तुळाचं लक्ष आहे.

वाचा सविस्तर

कोण किती जागांवर आघाडीवर?

काँग्रेस – ११९

भाजपा – ८१

जेडीएस – २०

इतर – ०१

कोण किती जागांवर आघाडीवर?

काँग्रेस – ९८

भाजपा – ८०

जेडीएस – २४

इतर – ०२

कर्नाटकसाठी आजचा दिवस मोठा आहे, आज जनता राज्यासाठीचा कौल देणार आहे, भाजपाला स्पष्ट बहुमत मिळेल आणि आम्ही स्थिर सरकार देऊ, असा मला विश्वास आहे.

– बसवराज बोम्मई (मुख्यमंत्री, कर्नाटक)

कोण किती जागांवर आघाडीवर?

काँग्रेस – ८६

भाजपा – ७१

जेडीएस – १८

इतर – ००

आतापर्यंत माझ्याशी कुणीही संपर्क केलेला नाही. एक्झिट पोलनुसार आपला वेगळ्या पर्यायांची गरज राहणार नाही. त्यामुळे निकाल काय लागतो ते पाहुयात. आणखी २-३ तासात चित्र स्पष्ट होईल. मी माझ्यासाठी कोणताही प्लॅन केलेला नाही. एक्झिट पोलनुसार माझ्यावर कोणतीही जबाबदारी नाही. आम्हाला चांगल्या निकालाची आशा आहे. आमचा एक छोटा पक्ष आहे. त्यामुळे आमची कोणतीही मागणी नाही.

– एच. डी. कुमारस्वामी

कोण किती जागांवर आघाडीवर?

भाजपा – ६३

काँग्रेस – ७५

जेडीएस – १७

इतर – ००

कोण किती जागांवर आघाडीवर?

भाजपा – ५६

काँग्रेस – ६०

जेडीएस – १७

इतर – ००

कोण किती जागांवर आघाडीवर?

भाजपा – ४६

काँग्रेस – ४४

जेडीएस – १७

इतर – ००

कोण किती जागांवर आघाडीवर?

भाजपा – ४०

काँग्रेस – ३७

जेडीएस – १४

इतर – ००

कोण किती जागांवर आघाडीवर?

भाजपा – २८

काँग्रेस – २५

जेडीएस – ०७

इतर – ००

आज खूप मोठा दिवस आहे. काँग्रेस विजयी होईल अशी आम्हाला आशा आहे. आम्हाला अगदी सहजपणे १२० पेक्षा अधिक जागांसह बहुमत मिळेल. केवळ एक्झिट पोलने काँग्रेसच्या विजयाचा अंदाज वर्तवलेला नाही, तर जमिनीवरही तेच दिसत आहे. जनतेला बदल हवा आहे.

– के. रहमान खान (काँग्रेस नेते, माजी केंद्रीय मंत्री)

कर्नाटकमधील दिग्गज नेते उभे असलेले ७ मतदारसंघ

१. शिग्गाव – बसवराज बोम्मई बीजेपी – यासिर अहमद खान पठाण काँग्रेस

२. हुबळी धारवाड मध्य – जगदीश शेट्टर काँग्रेस – महेश तेंगीनाकाई भाजपा

३. कनकपुरा – डी. के. शिवकुमार (काँग्रेस) – आर. अशोक (भाजपा)

४. चन्नापट्टन – एच. डी. कुमारस्वामी जेडीएस – सी. पी. योगेश्वर भाजपा

५. चित्तपूर – प्रियांक खरगे काँग्रेस – मणिकंता राठोड भाजपा

६. अथणी – लक्ष्मण सवदी काँग्रेस – महेश कुमथल्ली भाजपा – शशिकांत पडसलगी जेडीएस

७. वरुणा – सिद्धरामय्या काँग्रेस – व्ही सोमन्ना भाजप

बेळगावमधील ७ महत्त्वाचं मतदारसंघ

१. बेळगाव उत्तर, बेळगाव दक्षिण, बेळगाव ग्रामीण, निपाणी, यमकनर्डी, खानापूर

२. बेळगाव दक्षिण – रमाकांत कोंडुरकर समिती – अभय पाटील भाजप

३. बेळगाव उत्तर – आसिफ उर्फ राजू शेठ काँग्रेस – रवी पाटील भाजप – अमर येळ्ळूरकर समिती

४. बेळगाव ग्रामीण – लक्ष्मी हेब्बाळकर काँग्रेस – नागेश मन्नोळकर भाजप – आर. एम. चौगुले समिती

५. निपाणी – शशिकला जोल्ले भाजप – काकासाहेब पाटील काँग्रेस – उत्तम पाटील राष्ट्रवादी – जयराम मिरजकर समिती

६. यमकनर्डी – सतीश जारकोहोळ काँग्रेस – बसवराज हुंदरी भाजप – मारुती नाईक समिती

७. खानापूर – अंजली निंबाळकर काँग्रेस – विठ्ठल हलगेकर भाजप – मुरलीधर पाटील समिती

महिनाभराच्या धामघधुमीनंतर अखेर कर्नाटकात काल (१० मे) मतदान प्रक्रिया पार पडली. तिथे ७२ टक्के मतदान झाले असून हे आतापर्यंतचं सर्वाधिक मतदान असल्याचं बोललं जातंय. मतदानानंतर एक्झिट पोलचेही अंदाज समोर आले आहेत. एक्झिट पोलनुसार काँग्रेसच्या बाजूने निकाल जाण्याची शक्यता वर्तवण्यात आली आहे. मात्र, कर्नाटकचे मुख्यमंत्री बसवराज बोम्मई यांनी आमचीच (भाजपाची) सत्ता सत्तेवर राहिल असा विश्वास व्यक्त केला आहे. एक्झिट पोलचे अंदाज बसवराज बोम्मई यांनी फेटाळून लावला आहे.

सविस्तर वाचा…

काँग्रेस पुन्हा एकदा बहुमताचं सरकार स्थापन करेल. आम्हाला याचा आत्मविश्वास आहे. कर्नाटकमधील जनतेला बदल पाहायचा आहे. त्यांना भाजपा सरकारचा कंटाळा आला आहे.

– सलीम अहमद (काँग्रेस नेते)