India Lok Sabha Election 2024 Phase 1 Voting Live Updates, 19 April : जगातील सर्वात मोठ्या लोकशाहीच्या ‘उत्सवा’ला आज, शुक्रवारी सुरुवात होत आहे. लोकसभा निवडणुकीतील पहिल्या टप्प्यात देशातील १९ राज्ये व २ केंद्रशासित प्रदेशांमधील १०२ लोकसभा मतदारसंघांमध्ये मतदान होईल. बस्तर आदी नक्षली भागासह संवेदनशील मतदारसंघांमध्ये चोख सुरक्षा व्यवस्था तैनात करण्यात आली आहे. पहिल्या टप्प्यात १६.६३ कोटी मतदार १.८७ लाख मतदान केंद्रांवर मतदानाचा हक्क बजावू शकतील. सर्व मतदान केंद्रांवर चोख व्यवस्था करण्यात आली असून १८ लाख कर्मचारी मतदानप्रक्रियेचा कारभार सांभाळतील. तसंच, लोकसभा निवडणुकीच्या पहिल्या टप्प्यात पूर्व विदर्भातील नागपूर, रामटेक, भंडारा-गोंदिया, गडचिरोली-चिमूर आणि चंद्रपूर या पाच मतदारसंघातही आज मतदान होईल.
महाराष्ट्रातही आज मतदान
पूर्व विदर्भात नागपूर, रामटेक, चंद्रपूर, गडचिरोली आणि भंडारा-गोंदिया या पाच मतदारसंघाचा समावेश होतो. पूर्व विदर्भ हा भाजपचा बालेकिल्ला म्हणून ओळखला जातो. २०१९ च्या निवडणुकीत पाच पैकी चार जागा भाजप-सेना युतीने तर एका जागा काँग्रेसने जिंकली होती. २०२४ मध्ये चित्र वेगळे आहे. केंद्रीय मंत्री नितीन गडकरी, राज्याचे वनमंत्री सुधीर मुनंगटीवार हे रिणांगणात आहेत. पाचही ठिकाणी थेट लढत असून जेव्हा -जेव्हा थेट लढत होते त्याचा फटका सत्ताधाऱ्यांना बसतो असा आजवरचा अनुभव आहे.
विदर्भातील पाच मतदारसंघात कोणाविरोधात कोण?
- नागपूर मतदारसंघ
महायुतीचे नितीन गडकरी विरुद्ध महाविकास आघाडीचे विकास ठाकरे - रामटेक मतदारसंघ
महायुतीचे राजू पारवे विरुद्ध महाविकास आघाडीचे शामकुमार बर्वे - चंद्रपूर-वणी-आर्णी मतदारसंघ
महायुतीचे सुधीर मुनगंटीवार विरुद्ध महाविकास आघाडीचे प्रतिमा धानोरकर - भंडारा-गोंदिया मतदारसंघ
महायुतीचे सुनील मेंढे विरुद्ध महाविकास आघाडीचे डॉ.प्रशांत पडोळे - गडचिरोली-चिमूर मतदारसंघ
महायुतीचे अशोक नेते विरुद्ध महाविकास आघाडचे नामदेव किरसान
नक्षलग्रस्त भागात ३ वाजेपर्यंतच मतदान
मतदानाची वेळ सकाळी ७ ते सायंकाळी ६ अशी आहे. मात्र, गडचिरोली-चिमूर मतदारसंघातील आमगाव, आरमोरी, गडचिरोली आणि अहेरी ही चार विधानसभा क्षेत्रे नक्षलग्रस्त आहेत. त्यामुळे सुरक्षेच्या दृष्टीने तेथे सकाळी ७ वाजता मतदान सुरू होईल आणि दुपारी ३ वाजता संपेल. ब्रह्मपुरी आणि चिमूर या दोन विधानसभा क्षेत्रांत मात्र सायंकाळी ६ पर्यंत मतदान होईल.
मतदारांसाठी सुविधा
- १०२ मतदार केंद्रांमध्ये १४. १४ लाखांहून अधिक नोंदणीकृत ८५ वर्षांहून अधिक वयोगटातील मतदार आहेत तसेच, १३.८९ लाख अपंग मतदार असून त्यांना त्यांच्या घरी मतदान करण्याचा पर्याय उपलब्ध करून देण्यात आला आहे.
- या मतदारांनी मतदान केंद्रांवर येण्याचा निर्णय घेतला तर त्यांच्यासाठी वाहतुकीची व्यवस्था करण्यात आली आहे. मतदानयंत्रांवर ब्रेल चिन्हेही असतील. स्वयंसेवक सर्व सुविधा पुरवल्या जातील. अपंग मतदारांनी ECI Saksham अॅपद्वारे व्हीलचेअर सुविधेसाठी नोंदणी करता येईल.
- वृद्ध आणि अपंग व्यक्तींसह प्रत्येक मतदार सुलभतेने मतदान करू शकतील. त्यासाठी पाणी, आडोसा, शौचालय, रॅम्प, स्वयंसेवक, व्हीलचेअर आणि वीज यांसारख्या किमान सुविधा उपलब्ध आहेत.
- ५ हजारांहून अधिक मतदान केंद्रांचे व्यवस्थापन अगदी सुरक्षा कर्मचाऱ्यांसह महिलांद्वारे केले जाईल. १ हजारहून अधिक मतदान केंद्रांचे अपंग व्यक्ती व्यवस्थापन करतील.
- सर्व नोंदणीकृत मतदारांना मतदार माहितीपत्रिका (स्लिप) देण्यात आल्या आहेत. त्याचा मतदान केंद्रावर मतदानासाठी उपयुक्त ठरतील. https://electoralsearch.eci.gov.in/ या लिंकद्वारे मतदार त्यांचे मतदान केंद्र तपशील आणि मतदानाच्या तारखेची शहानिशा करता येऊ शकेल.
Lok Sabha Polls 2024 Phase One Live Updates : लोकसभा निवडणुकीच्या पहिल्या टप्प्यातील मतदान प्रक्रिया आज पार पडणार. देशभरातील घडामोडी जाणून घ्या.
भंडारा : भंडारा शहरात आज सकाळी ७ वाजता मतदानाला सुरुवात झाली. यावेळी १०६ वर्षांच्या यमुनाबाई सीताराम कुंभारे या आजीबाईंनी देखील उत्साहाने मतदानाचा हक्क बजावला. विशेष म्हणजे, मतदान केंद्रांवर जाऊन त्यांनी मतदान केले. तरुणांनाही लाजवेल अशा त्यांच्या इच्छाशक्तीचे सगळेजण कौतुक करत होते.
West Bengal records 77.57% voter turnout till 5pm, the highest amongst the State/UTs voting in the first phase of Lok Sabha polls today. pic.twitter.com/uOFl9vuUJ0
— ANI (@ANI) April 19, 2024
#लोकसभानिवडणूक2024
— MAHARASHTRA DGIPR (@MahaDGIPR) April 19, 2024
राज्यात पहिल्या टप्प्यातील पाच मतदारसंघात सायंकाळी ५ वाजेपर्यंत ५४.८५ टक्के मतदान#GeneralElection2024#VotingDay#GoVote pic.twitter.com/Tr2MGII2J2
लोकसभेच्या भंडारा गोंदिया मतदार संघात दुपारी ३ वाजतापर्यंत ४५.८८ टक्के मतदान झाले. अर्जुनी मोरगाव तालुक्यातील केशोरी या गावातील गणेश धनिराम कुंभरे (२९) या नवरदेवाने आपली लग्नाची वरात काढण्याआधी मतदानाचा हक्क बजावला. आधी लगीन लोकशाहीच्या महोत्सवाचे म्हणत आपला मतदानाचा हक्क बजावला.
#लोकसभानिवडणूक2024
— MAHARASHTRA DGIPR (@MahaDGIPR) April 19, 2024
राज्यात पहिल्या टप्प्यातील पाच मतदारसंघात दुपारी ३ वाजेपर्यंत ४४.१२ टक्के मतदान
▶️रामटेक ४०. १० टक्के
▶️नागपूर ३८. ४३ टक्के
▶️भंडारा- गोंदिया ४५ .८८ टक्के
▶️गडचिरोली- चिमूर ५५ .७९ टक्के
▶️चंद्रपूर ४३.४८ टक्के#GeneralElection2024#VotingDay#GoVote pic.twitter.com/W5ZC49w1sS
Maharashtra | Fire breaks out in a shopping mall located on Ahmednagar road in Pune. 6 fire tenders rushed to the spot, says Pune Fire Department PRO.
— ANI (@ANI) April 19, 2024
(Video source: Pune Fire Department) pic.twitter.com/UqdUfucmgv
नागपूरच्या पूर्व आणि मध्य भागात भाजपने जवळपास 2 हजार मशीनच्या माध्यमातून नितीन गडकरी आणि भाजपचा लोगो असणारी चिठ्ठी दिली जात आहे. ‘कहो दिल से नितीनजी फिरसे’ असही या चिठ्ठीत लिहीलं आहे. हे नियमात बसत नसल्याने निवडणूक आयोगाने यावर कारवाई करावी.@ECISVEEP pic.twitter.com/Y0MaOo9Yaz
— Maharashtra Congress (@INCMaharashtra) April 19, 2024
मातोश्रीचा घरगडी पुन्हा बरळला…
— भाजपा महाराष्ट्र (@BJP4Maharashtra) April 19, 2024
अनादीअनंत काळापासून हिंदू धर्मात स्त्री शक्तीला कायमच पुजलं गेलं आहे. पण काँग्रेसचे अनधिकृत विश्वप्रवक्ते संजय राऊत यांनी पुन्हा स्त्रीशक्तीबद्दल गरळ ओकली आहे. याआधीदेखील महाशयांनी एका महिलेसंदर्भात आपल्या शिवराळ संस्कारांचे प्रदर्शन घडवले होते.… pic.twitter.com/ouLf06NLGO
नागपूर : लोकसभा निवडणुकीच्या मतदानाला सकाळी सात वाजता सुरुवात झाली. उन्हाचा तडाखा असल्याने लोकांची मतदानासाठी लगबग देखील सुरू झाली.मात्र थोडा वेळ होत नाही तोच अचानक एका मतदान केंद्रावर सापाने प्रवेश केला आणि एकच गोंधळ उडाला.
Polling underway for first phase of #LokSabhaElection2024 on 102 parliamentary seats.
— All India Radio News (@airnewsalerts) April 19, 2024
102 year old Chinamma casts her vote in Dindigul, #TamilNadu.#PollsWithAkashvani #Election2024 #DeshKaParv #GeneralElections2024@ECISVEEP @SpokespersonECI @TNelectionsCEO pic.twitter.com/rBoJ3L7Z81
लोकशाहीच्या उत्सवात आज सहकुटुंब सहभागी होऊन मतदानाचा हक्क बजावला. मी सर्वांना आवाहन करतो की, चंद्रपूर-वणी-आर्णी लोकसभा क्षेत्राच्या सर्वांगीण विकासाचे लक्ष्य पुढे ठेवून, प्रत्येकाने एक जागरूक नागरिक म्हणून अवश्य मतदान करावे आणि लोकशाहीच्या उत्सवात सहभागी व्हावे.… pic.twitter.com/cSxk6eQ8hi
— Sudhir Mungantiwar (Modi Ka Parivar) (@SMungantiwar) April 19, 2024
गडचिरोली : मतदान सुरू असताना तीन ईव्हीएममध्ये तांत्रिक बिघाड निर्माण झाल्याने तेलंगणा सीमेवर शेवटच्या टोकावरील सिरोंचातील मतदान केंद्रात गोंधळ उडाला होता. अखेर अहेरीवरुन तातडीने हेलिकॉप्टरने नवीन तीन ईव्हीएम पोहोचविण्यात आल्याने प्रक्रिया सुरळीत सुरु झाली.
लोकसभा निवडणुकीच्या पहिल्या टप्प्यात शुक्रवारी मणिपूरमधील अंतर्गत मणिपूर आणि बाह्य मणिपूर या दोन मतदारसंघात मतदान होत आहे. मतदानादरम्यान, शुक्रवारी मणिपूरमधील मोइरांग विभागातील थामनपोकपी येथील एका मतदान केंद्राजवळ एका गटाने अनेक गोळीबार केला. मात्र, कोणतीही जीवितहानी झाली नाही. गोळीबारामुळे मतदानासाठी रांगा लावलेल्या मतदारांमध्ये घबराट पसरली. व्हायरल झालेल्या एका व्हिडिओमध्ये गोळीबाराच्या आवाजात लोक मतदान केंद्राबाहेर पळताना दिसत आहेत. टाईम्स नाऊच्या वृत्तानुसार, इम्फाळ पूर्व जिल्ह्यातील कंपू येथे इलेक्ट्रॉनिक मतदान यंत्रे नष्ट करण्यात आली आहे. सूत्रांनी पुढे सांगितलं की हल्लेखोरांनी मतदान केंद्रात फक्त भारतीय जनता पक्षाच्या एजंटची मागणी केली.
गोंदिया : राष्ट्रवादी काँग्रेस अजित पवार गटाचे कार्याध्यक्ष व राज्यसभा खासदार प्रफुल्ल पटेल यांनी कुटुंबीयांसह गोंदिया येथील मतदान केंद्रावर मतदानाचा हक्क बजावला. प्रफुल्ल पटेल हे काल बारामती मतदारसंघाच्या महायुतीच्या उमेदवार सुनेत्रा पवार यांचा उमेदवारी अर्ज दाखल करतेवेळी उपस्थित होते.
चंद्रपूर : लोकसभेच्या चंद्रपूर – वणी – आर्णी मतदार संघात सकाळी ११ वाजतापर्यंत १८.९४ टक्के मतदान झाले. गणेश बाळकृष्ण पाटील या नवरदेवाने बोहल्यावर चढण्याआधी मतदानाचा हक्क बजावला. जिल्ह्यात २११८ मतदान केंद्रावर सकाळी सात वाजतापासून मतदान प्रक्रिया सुरू झाली.
नागपूर : जगातील सर्वात कमी उंचीची महिला म्हणून गिनीज बुक ऑफ इंडियात नोंद असलेल्या नागपूरच्या ज्योती आमगे हिने आज मतदान केले. यावेळी ती लाल कलरच्या फ्रॉकमध्ये होती आणि शाई लावलेले बोट उंचावून तिने मतदान केल्याचे सांगितले.
नागपूर : दक्षिण नागपुरात जयमाता प्रा. शाळा, दिघोरी येथे बूथ क्रमांक ४६ मतदान केंद्रावर ईव्हीएम मशीन मध्ये तांत्रिक बिघाड झाल्यामुळे या मतदान केंद्रावर १ तास १० मिनिट उशिरा मतदान सुरू झाले. त्यामुळे मतदान केंद्रावर सकाळी गर्दी झाली होती.
नागपूर: नागपूर लोकसभा मतदार संघातील हैदराबाद हाऊस या मतदार केंद्रात शुक्रवारी सकाळी मतदारांचा पत्त्याबद्दल गोंधळ उडाला. त्यामुळे मतदारांनी निवडणूक अधिकाऱ्यांना आम्ही कोणत्या हैदराबाद मध्ये मतदान करावे, हे कसं समजणार असा प्रश्न उपस्थित केला
सुप्रिया सुळे यांनी शरद पवार यांच्या उपस्थित फोडला प्रचाराचा नारळ आहे. बारामतीमधील कन्हेरी मारुती मंदिरात फोडला नारळ. १९६७ पासून पवार कुटुंबीयांची ही परंपरा आहे.
राज्याचे उपमुख्यमंत्री देवेंद्र फडणवीस यांनी सपत्नीक बजावला मतदाना हक्क
#WATCH | Nagpur: After casting his vote, Maharashtra Deputy CM Devendra Fadnavis says, "Festival of democracy has started. I appeal to all the people to vote and strengthen democracy and register their participation in this festival of democracy."#LokSabhaElections2024 https://t.co/vUK4COr97V pic.twitter.com/wvQxhGsy1l
— ANI (@ANI) April 19, 2024
VIDEO | Lok Sabha elections 2024: Yoga Guru Ramdev and Acharya Balkrishna (@Ach_Balkrishna) arrive at a polling booth in Haridwar, Uttarakhand, to cast their vote.#LSPolls2024WithPTI #LokSabhaElections2024
— Press Trust of India (@PTI_News) April 19, 2024
(Full video available on PTI Videos – https://t.co/n147TvqRQz) pic.twitter.com/ZjJ7UnEnnb
पंतप्रधान नरेंद्र मोदी आज महाराष्ट्र दौऱ्यावर येणार आहेत. आज पहिल्या टप्प्यात नागपूरमध्ये मतदान होत असताना तिथून पुढे ८० किमी अंतरावर असलेल्या वर्धा येथे मोदी येत आहेत. पूर्व विदर्भातील नागपूरसह पाच मतदारसंघात पहिल्याच टप्प्यांत आज मतदान होत आहे. वर्धा जिल्ह्यातील तळेगाव येथे दुपारी ही सभा आहे. तेथून मोदी नागपूरला येणार असून येथे त्यांचा मुक्काम आहे. तर वर्धेसह उर्वरित पाच मतदारसंघात २६ एप्रिलला मतदान आहे.
चंद्रपूर वणी आर्णी लोकसभा मतदारसंघात महायुतीचे सुधीर मुनगंटीवार यांच्यासमोर महाविकास आघाडीच्या प्रतिभा धानोरकर यांचं आव्हान असणार आहे. आज पहिल्या टप्प्यातील लोकसभा मतदानला सुरुवात झाल्यानंतर प्रतिभा धानोरकरांनी आपलं मतदान केलं. त्यानंतर त्यांनी माध्यमांशी संवाद साधताना त्यांच्या डोळ्यांत बाळू धानोरकर यांच्या आठवणीने अश्रू तरळले.
आपण आज लोकशाहीचा उत्सव साजरा करत आहोत. मला १०१ टक्के खात्री आहे की मी चांगल्या मताधिक्क्याने जिंके – नितीन गडकरी</p>
#WATCH | Maharashtra: Union Minister and BJP candidate from Nagpur, Nitin Gadkari says, "We are celebrating the festival of democracy today. Everyone should vote, this is our fundamental right as well as duty. You can vote for anyone but casting your vote is important…I am 101%… pic.twitter.com/zF9WsZnBEO
— ANI (@ANI) April 19, 2024
Sadhguru Jaggi Vasudev casts his vote for the first phase of #LokSabhaElections2024
— ANI (@ANI) April 19, 2024
(Source: Sadhguru Jaggi Vasudev's X handle) pic.twitter.com/iEO20woamb
As polling begins for Phase 1 of #GeneralElections2024 , some images captured by CEOs' teams from across the country pic.twitter.com/Nlw3l7tNZt
— Spokesperson ECI (@SpokespersonECI) April 19, 2024
मी माझ्या संपूर्ण कुटुंबाबरोबर आज मतदान केलं आहे. आज तुम्हीही सर्वांनी मतदान करावं. हे आपलं कर्तव्य आहे. हा आपला हक्क आहे- ज्योती आमगे
VIDEO | “I have voted today with my entire family. I want to appeal to every voter to cast vote as well as it’s our duty,” says Jyoti Amge, the world's shortest woman, after casting her vote in Nagpur, Maharashtra.#LSPolls2024WithPTI #LokSabhaElections2024
— Press Trust of India (@PTI_News) April 19, 2024
(Full video… pic.twitter.com/NFBr5rpR0h
#WATCH | Actor Rajnikanth casts his vote at a polling booth in Chennai, Tamil Nadu.
— ANI (@ANI) April 19, 2024
#LokSabhaElections2024 pic.twitter.com/6Ukwayi5sv
देशभर मतदानाला सुरुवात झाली असून मतदारांना प्रोत्साहन देण्याकरता पंतप्रधान नरेंद्र मोदी यांनी सहा भाषांमधून आवाहन केलं आहे.
2024 च्या लोकसभा निवडणुकीला आजपासून सुरुवात! 21 राज्ये आणि केंद्रशासित प्रदेशातील 102 जागांसाठी मतदान होत असल्याने, या जागांसाठी मतदान करणाऱ्या सर्वांनी विक्रमी संख्येनं मतदान करावं असं मी आवाहन करतो. विशेषतः तरुण आणि प्रथमच मतदान करणाऱ्या मतदारांना मोठ्या संख्येनं मतदान करण्याचं…
— Narendra Modi (@narendramodi) April 19, 2024
लोकसभा निवडणूक लाईव्ह अपडेट्स
Lok Sabha Polls 2024 Phase One Live Updates : लोकसभा निवडणुकीच्या पहिल्या टप्प्यातील मतदान प्रक्रिया आज पार पडणार. देशभरातील घडामोडी जाणून घ्या.
