Lok Sabha Election Result Updates: लोकसभा निवडणूक निकालाचा दिवस उजाडला आहे. या निकालातले सुरुवातीचे कल हे एक्झिट पोलचे अंदाज चुकवणारे ठरले आहेत. जवळपास सगळ्या एक्झिट पोल्सनी भाजपासह एनडीएला ३५० किंवा त्याहून जास्त जागा दाखवल्या गेल्या होत्या. तर १ जूनच्या दिवशी काँग्रेसने इंडिया आघाडीला २९५+ जागा मिळतील असं म्हटलं होतं. तसंच सोनिया गांधी यांनीही एक्झिट पोलच्या विरोधात निकाल लागतील असं म्हटलं होतं. आता पहिले कल आणि आघाडी पिछाडी जे हाती येत आहेत त्यातून एक्झिट पोलच्या विरोधात जाताना दिसत आहेत.
Lok Sabha Election Results Live Updates : अयोध्येत भाजपा पिछाडीवर, सपाचे अवधेश प्रसाद आघाडीवर
रिपब्लिक भारत-मैट्रीजच्या सर्व्हेने काय अंदाज वर्तवला?
एनडीए – ३५३ ते ३६८ जागा
इंडिया आघाडी – ११८ ते १३३ जागा
इतर- ४३ ते ४८ जागा
रिपब्लिक PMARQ चा अंदाज
एनडीए – ३५९ जागा
इंडिया आघाडी – १५४ जागा
इतर- ३० जागा
जन की बातच्या एक्झिट पोलचा अंदाज
एनडीए- ३६२ ते ३९२ जागा
इंडिया आघाडी- १४१ ते १६१ जागा
इतर- १० ते २० जागा
इंडिया न्यूज डी डायनामिक्सचा अंदाज
एनडीए -३७१ जागा
इंडिया आघाडी- १२५ जागा
इतर – ४७ जागा
एबीपी सी व्होटर्सच्या सर्व्हेचा अंदाज जागा काय?
एनडीए-३५३ ते ३८३ जागा
इंडिया आघाडी- १५२ ते १८२ जागा
इतर – ४ ते १२ जागा
चाणक्यचा सर्व्हे
एनडीए ४०० ते ४१५ जागा
इंडिया आघाडी- १०७ ते १११ जागा
इतर ३६ जागा
हे प्रमुख एक्झिट पोल्स लक्षात घेतले तर सगळ्याच एक्झिट पोल्सनी मोदी पुन्हा पंतप्रधान होतील आणि एनडीएसह भाजपाला ३५० पेक्षा जास्त जागा मिळतील असा अंदाज वर्तवला होता. मात्र निवडणूक निकालाच्या दिवशी जे पहिले कल हाती आले आहेत ते कल एक्झिट पोलच्या विरोधात जात असल्याचं दिसून येतं आहे. आता नेमकं काय होणार? हे पाहणं महत्त्वाचं असणार आहे.
महाराष्ट्रात भाजपाला मविआची तगडी टक्कर
भाजपाने ३७० पारचा तर एनडीएसह चारशे पारचा नारा निवडणुकीच्या आधीपासून दिला होता. तसंच मोदींनीही त्यांच्या प्रचारसभांमध्ये अनेकवेळा ही घोषणा दिली होती. हा नारा मात्र भाजपाला फळलेला दिसत नाहीये हेच आत्ताचे कल सांगत आहेत. पंतप्रधान नरेंद्र मोदी यांनी महाराष्ट्रात १८ सभा घेतल्या. मात्र त्याच फारसा परिणाम झालेला दिसत नाही असंच हे कल सांगत आहेत. कारण महाराष्ट्रातही भाजपाला महाविकास आघाडीने चांगली टक्कर दिली आहे. अशात आता काय काय घडामोडी समोर येतात आणि शेवटच्या टप्प्यांपर्यंत काय बदल घडतात? हे पाहणं महत्त्वाचं असणार आहे.
