Maharashtra Vidhan Sabha Election Live Updates Today: महाराष्ट्र विधानसभा निवडणुकीसाठीचा प्रचार शिगेला पोहोचला आहे. मतदानासाठी अवघे दोन आठवडे उरले आहेत. त्यात दोन दिवस आधीच प्रचार संपणार असल्यामुळे सर्वच राजकीय पक्षांनी प्रचारसभांचा धडाका लावला आहे. त्यात महायुती व महाविकास आघाडी अशा दोन्ही आघाड्यांमधील पक्षांचा समावेश आहे. त्याशिवाय महाराष्ट्र नवनिर्माण सेना व वंचित बहुजन आघाडी यांच्या प्रचाराचा जोर वाढल्याचं पाहायला मिळत आहे.
Maharashtra News Live Today, 08 November 2024: राज्यात सभांचा धडाका, प्रचार शिगेला!
नवी मुंबई : गुरुवारी रात्री साडे नऊ दहाच्या सुमारास कोपरखैरणे सेक्टर १७ येथे प्रेशर कुकर वाटप करण्याचा प्रयत्न करत असताना निवडणूक आयोगाने कारवाई केली. कुकरवर ऐरोलीचे अपक्ष उमेदवार विजय चौगुले यांचे छायाचित्र असल्याने आश्चर्य व्यक्त केले जात आहे. दोन कार कुकर वाटप करीत असल्याची माहिती निवडणूक अधिकाऱ्यांना मिळताच त्यांनी पोलिसांच्या मदतीने सापळा रचून गाड्या पकडल्या . दोन्ही गाड्या आणि आतील प्रेशरकुकर जप्त करून घेऊन गेले आहे. प्रेशर कुकर वाटप सुरू होते जे नियम बाह्य आहे. त्यावर अपक्ष उमेदवार विजय चौगुले यांचे छायाचित्र असले तरी कुकर नेमके कोण वाटप करीत आहे. याचा शोध घेऊन योग्य ती कारवाई केली जाईल अशी माहिती देण्यात आली.
PM Narendra Modi Maharashtra Daura Live: मोदींनी महाविकास आघाडीला लगावला टोला!
काही लोक लोकांना लुटण्यासाठी राजकारणात आले आहेत. असे महाविकास आघाडीसारखे लोक सरकारमध्ये आले की विकास ठप्प करून टाकतात. प्रत्येक योजनेत भ्रष्टाचार करतात - पंतप्रधान नरेंद्र मोदी</p>
PM Narendra Modi Maharashtra Daura Live: मोदींनी महाविकास आघाडीला लगावला टोला!
महाराष्ट्राला हवं असलेलं सुशासन फक्त महायुतीच देऊ शकते. तिकडे महाआघाडीच्या गाडीला ना चाकं आहेत, ना ब्रेक आहेत आणि चालकाच्या जागेवर बसण्यासाठीही वाद चालू आहेत - मोदी
PM Narendra Modi Maharashtra Daura Live: मोदींनी भाषणात केला २०१४ चा उल्लेख...
मी महाराष्ट्राकडे जेव्हा कधी काही मागितलं, तेव्हा महाराष्ट्राच्या जनतेनं मला मनमोकळेपणाने आशीर्वाद दिले आहेत. २०२४ ला मी धुळ्यात आलो होतो. राज्यात भाजपाचं सरकार आणावं असा आग्रह मी केला. तुम्ही महाराष्ट्रात १५ वर्षांच्या अंतराने भाजपाला अभूतपूर्व विजय मिळवून दिला होता. आज पुन्हा एकदा मी धुळ्याला आलो आहे. इथूनच मी महाराष्ट्रात निवडणूक प्रचार मोहिमेला सुरुवात करतोय - पंतप्रधान नरेंद्र मोदी</p>
Deoli Vidhan Sabha Election 2024 : विधानसभेत वर्धा जिल्हा १०० टक्के भाजपमय करण्याचा निर्धार पक्ष नेते गत दोन निवडणुकांपासून सोडून बसले आहे. मात्र काँग्रेसच्या रणजित कांबळे यांना ते तोड देवू शकले नसल्याने जिल्हा व वरिष्ठ भाजप नेते प्रामुख्याने देवळीत लक्ष ठेवून आहेत.
PM Narendra Modi Maharashtra Daura Live: देवेंद्र फडणवीसांनी पुन्हा केला वोट जिहादचा उल्लेख!
ही निवडणूक म्हणजे वोट जिहादविरोधात एकत्र येऊन मतदान करण्याची निवडणूक आहे - देवेंद्र फडणवीसांचं धुळ्यातील सभेत आक्रमक भाष्य
PM Narendra Modi Maharashtra Daura Live: मोदींचं धुळ्यात प्रचारसभेसाठी आगमन
पंतप्रधान नरेंद्र मोदी प्रचारसभेसाठी धुळ्यात दाखल. महाराष्ट्र विधानसभेसाठीची ही मोदींची पहिली प्रचारसभा आहे.
सोलापूर : देशात स्वातंत्र्यानंतर प्रथमच २०१४ नंतर गेल्या दहा वर्षांत पंतप्रधान नरेंद्र मोदी यांच्या नेतृत्वाखाली देशाचा खरा विकास झाला आणि देश सुरक्षित राहिला आहे. त्यातूनच संपूर्ण जगाला भारताच्या शक्तीची जाणीव झाली आहे, असा दावा राजस्थानचे मुख्यमंत्री भजनलाल शर्मा यांनी केला आहे.
विधानसभा निवडणुकीत सोलापुरात भाजपच्या प्रचारासाठी भजनलाल शर्मा यांच्या उपस्थितीत स्थानिक मारवाडी समाजाचा मेळावा पार पडला. त्यावेळी प्रमुख मार्गदर्शक म्हणून मुख्यमंत्री शर्मा बोलत होते. यावेळी त्यांनी काँग्रेसच्या धोरणावर सडकून टीका केली.
ते म्हणाले, पंतप्रधान मोदी यांच्या नेतृत्वाखाली देशाला आणखी पुढे विकासाच्या वाटेवर नेण्यासाठी खरी वेळ आली आहे.
देशात अनेक वर्षं सत्तेवर राहिलेल्या काँग्रेस पक्षाने फुटीरतावादाला खतपाणी घालण्याशिवाय दुसरे काम केले नाही. काँग्रेसने नेहमीच जाती-धर्माच्या नावाने मते मागितली. काँग्रेस पक्ष खऱ्या अर्थाने भ्रष्टाचाराचे उगमस्थान राहिला आहे. भ्रष्टाचार आणि घराणेशाहीशी काँग्रेसचा नेहमीच निकटचा संबंध राहिला असल्याची टीका शर्मा यांनी केली. राज्यात काँग्रेसने महाविकास आघाडीच्या माध्यमातून जनतेमध्ये द्वेष पसरवण्याचा प्रयत्न चालविला असून त्यापासून सर्वांनी सावध राहून पंतप्रधान मोदी यांचे हात बळकट करण्यासाठी भाजपला साथ द्यावी, असे आवाहन त्यांनी केले.
चिमूरमध्ये थेट लढतीमुळे कीर्तीकुमार भांगडिया अडचणीत
चंद्रपूर : क्रांतीभूमी चिमूर मतदारसंघात भाजपचे विद्यमान आमदार कीर्तीकुमार उर्फ बंटी भांगडिया व काँग्रसचे डॉ. सतिश वारजूकर यांच्यात थेट लढत आहे. लोकसभा निवडणुकीत काँग्रेसला मिळालेले ३८ हजारांचे मताधिक्य व ‘अँटिइन्कम्बन्सी’मुळे भांगडिया यांच्या अडचणी वाढल्या आहेत.
सर्वात दक्ष व विशेष खबरदारी सर्वच राजकीय पक्षाचे उमेदवार घेत असून मोबाईलवर बोलणे बंद, असे बंधनच त्यांनी स्वतःला घालून घेतले आहे. एकदाचे ‘ निरोप ‘ पोहचले नाही तरी चालेल, पण व्हॉटसअ‍ॅप कॉल शिवाय बोलणे नकोच.
उत्तर प्रदेशचे मुख्यमंत्री योगी आदित्यनाथ यांनी बटेंगे तो कटेंगे असा नारा दिला. या नाऱ्यावर महायुतीमधील घटक पक्ष अजित पवार यांनी नाराजी व्यक्त केली आहे. सविस्तर वृत्त वाचा
ईडीमुळे आम्ही भाजपाशी हातमिळवणी केली, असा दावा छगन भुजबळ यांनी एका पुस्तकात केला आहे. या पुस्तकातील बाहेर आल्यानंतर महाराष्ट्रातील राजकारणात खळबळ उडाली आहे. यावर आता छगन भुजबळ यांनी प्रतिक्रिया दिली आहे. सविस्तर वृत्त वाचा
Maharashtra Vidhan Sabha Nivadnuk 2024 Live: देवेंद्र फडणवीसांना झालंय तरी काय? - सुप्रिया सुळेंचा प्रश्न
देवेंद्र फडणवीसांना झालंय तरी काय? महाराष्ट्रात एका गृहमंत्र्यांचे बॅनर 'बदलापूर' लिहून व्हायरल होतात. ते त्यांनी लावले नसतील, पण नंतर काढायलाही लावले नाहीत. नंतर अजित पवारांवर आरोप केल्यानंतर त्याची फाईल स्वत:च त्यांना दाखवली. बटेंगे तो कटेंगे अशा प्रकारची विधानं ते करतायत. ते म्हणाले दोन पक्ष फोडून मी सरकारमध्ये आलोय, ही काय कौतुकाची गोष्ट आहे का? राहुल गांधींनी हातात संविधान घेऊन फोटो दिला, भाषण केलं. त्यावरही देवेंद्र फडणवीसांनी आक्षेप घेतलं - सुप्रिया सुळे</p>
Maharashtra Assembly Election 2024 Live: देवेंद्र फडणवीसांना सुप्रिया सुळेंचं आव्हान!
मी देवेंद्र फडणवीसांशी अतिशय नम्रपणे ते म्हणतील ती जागा, ते म्हणतील ती वेळ, हव्या तेवढ्या कॅमेऱ्यांसमोर चर्चा करायला तयार आहे. भुजबळांच्या विधानाबाबतच्या चर्चेतलं काहीही खोटं असेल, तर त्याचं स्पष्टीकरण त्यांनी द्यावं - सुप्रिया सुळे</p>
ईडीपासून सुटकेसाठीच भाजपाबरोबर अजित पवार गटानं युती केल्याचं छगन भुजबळांनी मान्य केल्याचा दावा राजदीप सरदेसाई यांनी त्यांच्या पुस्तकात केला होता. हा दावा आता छगन भुजबळांनी फेटाळून लावला आहे. उद्धव ठाकरेंच्या मंत्रिमंडळात असतानाच आपल्याला क्लीनचिट मिळाली होती, असं ते म्हणाले आहेत. तसेच, पुस्तक वाचल्यानंतर त्यावर भाष्य करेन, असंही ते म्हणाले.
भोसरी विधानसभा मतदारसंघातील राजकीय वातावरण चांगलंच तापलं आहे. आमदार महेश लांडगे यांच्या कार्यकर्त्याला विरोधकांनी त्रास दिल्याने लांडगे यांनी विरोधकांना तंबी दिली आहे. माझ्या कार्यकर्त्याला कोणी त्रास दिल्यास मी सहन करणार नाही. सविस्तर वाचा…
विधानसभा निवडणुकीच्या पार्श्वभूमीवर पिंपरी-चिंचवड भाजपमधील अंतर्गत खदखद बाहेर येण्यास सुरुवात झाली आहे. पक्षाच्या १३ माजी नगरसेवकांनी आतापर्यंत भाजपला सोडचिठ्ठी दिली आहे. त्यात सर्वाधिक आठ नगरसेवक भोसरीतील आहेत. सविस्तर वाचा…
लोकसभा निवडणुकीवेळी मध्यरात्री बँकांच्या शाखा खुल्या ठेवूनही काय झाले ते राज्याने पाहिले. आता भोसरी विधानसभा मतदारसंघात भाजपच्या ‘डिजिटल इंडिया’चा चांगलाच प्रचार सुरू आहे. सविस्तर वाचा…
भोसरी विधानसभा मतदारसंघाचे आमदार महेश लांडगे यांनी गेल्या दहा वर्षांत समाविष्ट गावांमध्ये अनेक कामे करून दाखवली आहेत. ही कामे केल्यानंतरही केवळ विरोधाला विरोध आणि राजकारणात टिकायचे म्हणून टीका करायची. सविस्तर वाचा…
एक मत, दोन आमदार’, या प्रचारामुळे तासगाव – कवठेमहांकाळ विधानसभा मतदारसंघात चुरस निर्माण झाली आहे. महाआघाडीचे, राष्ट्रवादी काँग्रेस शरद पवार पक्षाचे उमेदवार रोहित पाटील आणि महायुतीचे, राष्ट्रवादी काँग्रेस अजित पवार पक्षाचे उमेदवार संजय पाटील यांच्यात जोरदार आरोप – प्रत्यारोप होताना दिसत आहे. सविस्तर वाचा…
गोंदिया जिल्ह्यातील अर्जुनी मोरगाव विधानसभा मतदारसंघांत बहुरंगी लढत रंगण्याची चिन्हे आहे. महायुतीसमोर बंडखोरांचे, तर महाविकास आघाडीपुढे नाराजांचे आव्हान असणार आहे.
Maharashtra Vidhan Sabha Election: संजय राऊतांचा शिंदे व अजित पवार गटावर हल्लाबोल
प्रताप सरनाईक काय म्हणतायत, भावना गवळी काय म्हणतायत याला आता काही अर्थ नाही. हे एकनाथ शिंदे, अजित पवारांपासून सगळे पक्ष सोडून गेले ते ईडीपासून बचाव करण्यासाठीच. तसं नसतं तर भाजपात जाताच प्रफुल्ल पटेलांसह इतर अनेकांच्या मालमत्ता मोकळ्या झाल्या नसत्या, ईडी-सीबीआयच्या फायली बंद करून कपाटात ठेवल्या नसत्या. या सगळ्यांचं पलायन ईडीला घाबरून झालेलं आहे.
छगन भुजबळ, त्यांचा पुतण्या तुरुंगात जाऊन आले आहेत. त्यांची मालमत्ता अजूनही जप्त आहे. प्रत्येकाला मोकळा श्वास घ्यायचा होता. म्हणून त्यांनी आपापल्या पक्षाच्या, नेत्यांच्या पाठीत खंजीर खुपसला. आता लपवाछपवी कशाला करताय? - संजय राऊत</p>
महाराष्ट्र विधानसभा निवडणूक २०२४ लाइव्ह (फोटो - लोकसत्ता ग्राफीक्स टीम)
