Maharashtra Assembly Election Ajit Pawar NCP 4th Candidate List : विधानसभा निवडणुकीसाठी अर्ज भरण्याचा कालावधी संपत जात असताना विविध पक्षांनी उमेदवारी जाहीर करण्यासाठी घाई केली आहे. महायुतीतील घटकपक्ष असलेल्या राष्ट्रवादी काँग्रेस (अजित पवार) पक्षाने आता चौथी यादी जाहीर केली आहे. या चौथ्या यादीतून दोघांची नावे जाहीर करण्यात आली आहेत. यामुळे अजित पवारांनी आतापर्यंत राष्ट्रवादी काँग्रेसच्या एकूण ५१ उमेदवारांना संधी दिली आहे.
राष्ट्रवादी काँग्रेस पक्षात जुलै २०२३ मध्ये बंडखोरी झाली. अजित पवारांनी पक्षातील ४० आमदारांना आपल्यासोबत घेऊन भारतील जनता पक्षाला समर्थन दिलं. त्यामुळे विरोधी बाकावरून ते थेट उपमुख्यमंत्री पदाच्या खुर्चीवर जाऊन बसले. दरम्यान, लोकसभेच्या निवडणुका होऊन गेल्या. या निवडणुकीत महायुतीत राष्ट्रवादींना हवीतशी जादू करून दाखवता आली नाही. त्यामुळे महाराष्ट्रातील भाजपाच्या पराभवाचं खापर अजित पवारांवर सोडण्यात आलं. त्यामुळे विधानसभेत अजित पवार एकला चलो रे ची भूमिका घेतील असं म्हटलं जात होतं. परंतु, आम्ही महायुतीतूनच निवडणूक लढवणार असल्याचं त्यांनी जाहीर केल्यानंतर महायुतीत त्यांना किती जागा मिळणार याकडे सर्वांचं लक्ष लागलं आहे.
आतापर्यंत अजित पवारांनी पक्षातील ५१ उमेदवारांची नावे जाहीर केली आहेत. तर, भाजपाने आतापर्यंत १४६ उमेदवार जाहीर केले असून शिंदेंनी सहयोगी मित्र पक्षांसह ८० जागा जाहीर केल्या आहेत. म्हणजेच २७७ जागांचा तिढा सुटला असून उर्वरित १० जागा अद्यापही जाहीर होणे बाकी आहे. त्या कोणाच्या वाट्याला जाता हे पाहावं लागणार आहे.
राष्ट्रवादी काँग्रेस अजित पवार पक्षाची पहिली यादी (Ajit Pawar NCP Candidates List)
आधुनिक महाराष्ट्राचे शिल्पकार श्री यशवंतराव चव्हाण साहेबांच्या आशीर्वादाने आणि शिव शाहू फुले आंबेडकरांच्या विचारांनी वाटचाल करत महाराष्ट्र राज्य विधानसभा निवडणूक २०२४ साठी राष्ट्रवादी काँग्रेस पक्षाच्या अधिकृत उमेदवारांची पहिली यादी जाहीर करण्यात आली आहे.
— MahaNCPspeaks (@mahancpspeaks) October 23, 2024
विकासाच्या राष्ट्रवादी… pic.twitter.com/gowrbyq7je
राष्ट्रवादी काँग्रेस अजित पवार पक्षाची दुसरी यादी
महाराष्ट्राचे उपमुख्यमंत्री व राष्ट्रवादी काँग्रेस पक्षाचे राष्ट्रीय अध्यक्ष मा. श्री. अजितदादा पवार यांच्या नेतृत्वात आज महाराष्ट्र विधानसभा २०२४ च्या सार्वत्रिक निवडणुकांसाठी राष्ट्रवादी काँग्रेस पक्षाच्या उमेदवारांची दुसरी यादी जाहीर करण्यात आली आहे. सर्व उमेदवारांना विजयी… pic.twitter.com/0se0ZswfgR
— MahaNCPspeaks (@mahancpspeaks) October 25, 2024
राष्ट्रवादी काँग्रेस अजित पवार पक्षाची तिसरी यादी
राष्ट्रवादी काँग्रेस पक्षाचे अध्यक्ष व उपमुख्यमंत्री अजितदादा पवार व प्रदेशाध्यक्ष खासदार सुनील तटकरे यांच्या नेतृत्वात महाराष्ट्र विधानसभा निवडणूक २०२४ साठी तिसरी यादी जाहीर करण्यात आली आहे. चारही उमेदवारांचे मनःपूर्वक अभिनंदन आणि भावी वाटचालीसाठी शुभेच्छा! एकत्र येऊ, विजयाचे… pic.twitter.com/w1LUDh5Otp
— MahaNCPspeaks (@mahancpspeaks) October 27, 2024
राष्ट्रवादी काँग्रेस अजित पवार पक्षाची चौथी यादी
विधानसभा सार्वत्रिक निवडणूक २०२४ साठी राष्ट्रवादी काँग्रेस पक्षाच्या अधिकृत उमेदवारांची चौथी यादी जाहीर करण्यात येत आहे. दोन्ही उमेदवारांचे अभिनंदन आणि विजयी शुभेच्छा.#विजयी_भव_महाराष्ट्रवादी#MaharashtraElection2024 pic.twitter.com/PyK8Xx12UC
— MahaNCPspeaks (@mahancpspeaks) October 28, 2024
दरम्यान, महायुतीने जागा वाटपाचा फॉर्म्युला सांगितला नव्हता. अनेक जागांवर मतभेद असल्याने त्यांनी थेट स्वंतत्रपणे उमेदवारच जाहीर केले. त्यामुळे उर्वरित १० जागा जाहीर झाल्यानंतरच महायुतीतील फॉर्म्युला स्पष्ट होईल.
