Shivsena Eknath Shinde 3rd Candidates List Announced : शिवसेनेने (एकनाथ शिंदे) महाराष्ट्र विधानसभा निवडणुकीसाठीच्या १५ उमेदवारांची नवी यादी जाहीर केली आहे. ही शिंदेंच्या शिवसेनेची तिसरी यादी आहे. या यादीद्वारे शिवसेनेने भाजपाच्या शायना एन. सी. यांना मुंबईतील मुंबादेवी मतदारसंघातून उमेदवारी दिली आहे. शायना एनसी या वरळी विधानसभा मतदारसंघातून उमेदवारी मिळावी यासाठी प्रयत्न करत होत्या. मात्र, त्यांना वरळीतून उमेदवारी मिळू शकली नाही. मात्र, आता त्यांना शिवसेनेने (शिंदे) मुंबादेवीमधून उमेदवारी दिली आहे. शायना एनसी या लवकरच शिंदेंच्या शिवसेनेत जाहीर प्रवेश करतील.
दरम्यान, मुख्यमंत्री एकनाथ शिंदे यांनी सिंदखेडराजा मतदारसंघातून शशिकांत खेडेकर यांना, तर कन्नड मतदारसंघातून संजना जाधव यांना विधानसभेच्या रिंगणात उतरवलं आहे. कल्याण ग्रामीणमधून राजेश मोरे यांना उमेदवारी देण्यात आली आहे.
हे ही वाचा >> “मी बारामतीतून निवडणूक लढणार नव्हतो, पण…”, अजित पवार स्पष्टच बोलले; म्हणाले, “मी नौटंकी…”
शिंदेंच्या शिवसेनेच्या उमेदवारांची तिसरी यादी
| क्र. | मतदारसंघ | उमेदवाराचे नाव |
| 1 | सिंदखेडराजा | शशिकांत खेडेकर |
| 2 | घनसावंगी | हिकम उढाण |
| 3 | कन्नड | संजना जाधव |
| 4 | कल्याण ग्रामीण | राजेश मोरे |
| 5 | भांडूप (पश्चिम) | अशोक मोरे |
| 6 | मुंबादेवी | शायना एनसी |
| 7 | संगमनेर | अमोल खताळ |
| 8 | श्रीरामपूर | भाऊसाहेब कांबळे |
| 9 | नेवासा | विठ्ठलराव लंघे-पाटील |
| 10 | धाराशिव | अजित पिंगळे |
| 11 | करमाळा | दिग्विजय बागल |
| 12 | बार्शी | विठ्ठ्ल राऊत |
| 13 | गुहागर | राजेश बेंडल |
हे ही वाचा >> Shrinivas Pawar : “आमच्या आईला राजकारणावर बोलणं आवडत नाही, तिने…”, अजित पवारांचा ‘तो’ दावा थोरल्या भावाने फेटाळला!
शिवसेनेच्या (शिंदे) सहयोगी पक्षाचे उमेदवार
(या उमेदवारांना शिवसेनेच्या कोट्यातून मतदारसंघ मिळाले आहेत)
| क्र. | उमेदवार | शिवसेनेचा (शिंदे) सहयोगी पक्ष | मतदारसंघ |
| 14 | अशोकराव माने | जनसुराज्य पक्ष | हातकणंगले |
| 15 | राजेंद्र येड्रावकर | राजर्षी शाहूविकास आघाडी | शिरोळ |
शिवसेनेच्या (शिंदे) उमेदवारांची दुसरी यादी
| विधानसभा मतदारसंघ | उमेदवार |
| अक्कलकुआ | आमश्या फलजी पाडवी |
| बाळापुर | बळीराम भगवान शिरसकर |
| रिसोड | भावना पुंडलीकराव गवळी |
| हदगाव | संभाराव उर्फ बाबुराव कदम कोहळीकर |
| नांदेड दक्षिण | आनंद शंकर तिडके पाटील (बोंडारकर) |
| परभणी | आनंद शेशराव भरोसे |
| पालघर | राजेंद्र घेड्या गावित |
| बोईसर (अज) | विलास सुकुर तरे |
| भिवंडी ग्रामिण (अज) | शांताराम तुकाराम मोरे |
| भिवंडी पूर्व | संतोष मंजय्या शेट्टी |
| कल्याण पश्चिम | विश्वनाथ आत्माराम भोईर |
| अंबरनाथ (अजा) | डॉ बालाजी प्रल्हाद किणीकर |
| विक्रोळी | श्रीमती सुवर्णा सहदेव करंजे |
| दिंडोशी | संजय ब्रिजकिशोरलाल निरुपम |
| अंधेरी पूर्व | मूरजी कांनजी पटेल |
| चेंबूर | तुकाराम रामकृष्ण काते |
| वरळी | मिलिंद मुरली देवरा |
| पुरंदर | विजय सोपानराव शिवतारे |
| कुडाळ | निलेश नारायण राणे |
| कोल्हापूर उत्तर | राजेश विनायक क्षिरसागर |
हे ही वाचा >> Maharashtra Assembly Election 2024 : कोण आहे महाराष्ट्रातील सर्वात श्रीमंत उमेदवार? ‘या’ १० नेत्यांकडे आहे बक्कळ संपत्ती
शिंदेंचे ८० उमेदवार निवडणुकीच्या रिंगणात
एकनाथ शिंदे यांनी शिवसेनेच्या पहिल्या यादीतून ४५ उमेदवारांची नावे जाहीर केली होती. त्यानंतर रविवारी (२७ ऑक्टोबर) त्यांनी पक्षाच्या अधिकृत उमेदवारांची दुसरी यादी जाहीर केली. या यादीद्वारे त्यांनी २० जणांची नावे जाहीर केली. पाठोपाठ आज १५ उमेदवार जाहीर केले आहेत. याचाच अर्थ शिंदे यांनी आता ८० उमेदवार जाहीर केले आहेत. महायुतीत जागा वाटपाचा फॉर्म्युला कसा असणार याबाबत स्पष्टता नसली तरी भाजपाने आतापर्यंत १४६ तर, शिवसेनेने ८० उमेदवार जाहीर केले आहेत. राष्ट्रवादी काँग्रेस पार्टीने (अजित पवार) ४९ उमेदवार जाहीर केले आहेत.
