Maharashtra Vidhan Sabha Election 2024: “आर. आर. आबा आता हयात नाहीत, पण एवढंच सांगतो की…”, देवेंद्र फडणवीसांचं अजित पवारांच्या दाव्यावर उत्तर!

आर. आर. आबा आता हयातीत नाहीत. त्यामुळे त्यांच्याबद्दल काही बोलणं मला प्रशस्त वाटत नाही. पण एवढंच सांगतो की अजित पवारांची चौकशी काँग्रेस-राष्ट्रवादीच्या सरकारच्या काळातच सुरू झाली होती - देवेंद्र फडणवीस</p>

देवेंद्र फडणवीस साहेब , टाटा एअरबस प्रकल्प महाराष्ट्रात येत असल्याचे कोणी सांगितले होते ? तर हे आपल्याच उद्योगमंत्र्यांनी २२ सप्टेबर २०२२ रोजी सांगितले होते. याचा अर्थ तेव्हापर्यंत हा प्रकल्प गुजरातला गेला नव्हता हे स्पष्ट आहे. तुमच्या म्हणण्यानुसार टाटा एअरबस गुजरातला आधीच गेला होता तर मग उद्योगमंत्री उदय सामंत हे महाराष्ट्राशी खोटे बोलले का ? एकतर तुम्ही खोटे बोलत आहात नाहीतर तुमचे मंत्री खोटे बोलत आहेत . खोटे पण रेटून बोलण्याची तुमची जुनी सवय महाराष्ट्राला चांगलीच ठाऊक आहे. कंत्राटी भरती रद्द करण्याची घोषण तुम्ही केली पण तुमच्या लाडक्या मित्राला दलालीचा प्रसाद मिळावा म्हणून तुम्ही कंत्राटी भरती पुन्हा सुरु केली, पहिल्या कॅबिनेटमध्ये धनगर आरक्षण देतो म्हणून तुम्ही आश्वासन दिले, त्यानंतर तुम्ही 750 कॅबिनेट घेतल्या पण निर्णय घेतला नाही .. राहिला प्रश्न वेदांत FOXCONN आणि राज्यात येणाऱ्या गुंतवणुकीचा तर त्यासंदर्भात लवकर तुमचा खोटारडेपणा सविस्तरपणे जनतेसमोर आणेल..तयार रहा - रोहित पवार

https://twitter.com/RRPSpeaks/status/1851489653553053860

आबांचे केस फार लहान होते. ते केसानं गळा कापूच शकत नाहीत. अत्यंत प्रामाणिक व कर्तबगार असे ते गृहमंत्री होते. त्यांनी कधीच गृहमंत्री म्हणून चुकीचं काम केलेलं नाही. काल अजित पवारांनी आर. आर. पाटलांनी केलेली सही दाखवली. देवेंद्र फडणवीस व अजित पवारांवर गुन्हा दाखल व्हायला हवा. त्यांनी संविधानानुसार गोपनीयतेची शपथ घेतली आहे. त्यांनी अशा प्रकारे गोपनीयतेचा भंग करणं गुन्हा आहे. राज्यपालांनी या दोघांविरोधात गुन्हा दाखल करण्याचे आदेश दिले पाहिजेत. तुम्ही हे विषय कसे काय जनतेसमोर दाखवता आणि सांगता? - संजय राऊत</p>