Maharashtra Exit Live Updates : गेल्या दोन-तीन आठवड्यांपासून चालू असलेल्या नेत्यांच्या प्रचारतोफा सोमवारी (१८ नोव्हेंबर) थंडावल्या. आता महाराष्ट्र विधानसभा निवडणूक २० नोव्हेंबरला (बुधवार) पार पडणार आहे. ही निवडणूक आत्तापर्यंत झालेल्या सर्व निवडणुकांपेक्षा वेगळी आहे. कारण यावेळी सहा प्रमुख पक्ष निवडणुकीच्या मैदानात आहेत. तसेच महायुती विरुद्ध महाविकास आघाडी असा थेट सामना रंगणार आहे. इतरही लहान पक्ष या निवडणुकीत असून त्यांची भूमिका देखील महत्त्वाची असली तरी मविआ व महायुतीत सत्तेसाठीची चुरस आहे. या निवडणुकीत काय होणार? मतदान किती टक्के होणार? जनता कुणाला झुकतं माप देणार? या आणि अशा सगळ्या महत्त्वाच्या प्रश्नांची उत्तरं २३ नोव्हेंबरला (निवडणुकीचा निकाल) मिळणार आहेत. दरम्यान, बुधवारी सकाळी सात वाजता मतदानाला सुरुवात होईल. यावेळी मतदानाचं प्रमाण वाढवण्यासाठी निवडणूक आयोगाने वेगवेगळे प्रयत्न केले आहेत. त्यांच्या प्रयत्नांना किती यश मिळतं ते बुधवारी सायंकाळी स्पष्ट होईल. २०१९ च्या विधानसभा निवडणुकीत एकूण ६१.४% मतदानाची नोंद झाली होती.
Maharashtra Vidhan Sabha Election Exit Poll Live Updates, महाराष्ट्रात कोणाचं सरकार येणार? काय आहेत एक्झिट पोल?
एग्झिट पोलच्या अंदाजांवर देवेंद्र फडणवीसांची पहिली प्रतिक्रिया; म्हणाले, “जेव्हा मतदान…”
“जेव्हा मतदानाचा टक्का वाढतो तेव्हा-तेव्हा त्याचा फायदा भारतीय जनता पक्षाला होतो. यावेळी देखील आतापर्यंत समोर आलेल्या आकडेवारीनुसार मतदानाची आकडेवारी चांगल्या प्रकारे वाढली आहे. त्यामुळे मला वाटतं की भारतीय जनता पक्ष आणि महायुतीला त्याचा नक्कीच फायदा होईल”, असं देवेंद्र फडणवीस यांनी म्हटलं आहे.
Maharashtra Assembly Exit Poll : सर्वात मोठा पक्ष कोणता ठरणार?
Maharashtra Assembly Exit Poll : चाणक्य, मॅट्रीक्स, पोल डायरी, पीपल्स पल्स, पोलस्टर एक्झिट पी-एमएआरक्यू यासह अजून काही एक्झिट पोलने वर्तवलेल्या आकडेवारीनुसार राज्यात भारतीय जनता पक्ष सर्वात मोठा पक्ष ठरण्याची शक्यता वर्तवण्यात आली आहे. यामध्ये पोल डायरीनुसार भाजपाला ७७ ते १०८ जागा, मॅट्रीक्सनुसार भाजपाला ८९ ते १०१ जागा, चाणक्यनुसार भाजपा ९० जागा मिळण्याचा अंदाज वर्तवण्यात आला आहे. त्यामुळे समोर आलेल्या एक्झिट पोलच्या अंदाजानुसार भाजपा सर्वात मोठा पक्ष ठरण्याची शक्यता आहे. तसेच महाविकास आघाडीत काँग्रेस मोठा पक्ष ठरणार आहे, तर राज्यात दुसऱ्या क्रमांकाचा सर्वात मोठा पक्ष ठरण्याची शक्यता आहे.
Maharashtra Assembly Exit Poll : महायुतीला १२२ पेक्षा जास्त जागा, तर मविआला किती? एक्झिट पोलचे अंदाज समोर!
लोकसभा निवडणुकांच्या निकालानंतर विधानसभा निवडणुकीची प्रतिक्षा अवघ्या राज्याला होती, ती अखेर संपली आहे. मतदानाची वेळ आता संपली असून राज्यात पुन्हा कोण सत्ता स्थापन करणार याचे अंदाज आता येऊ लागले आहे. विविध माध्यम आणि संस्थांकडून एक्झिट पोल जाहीर केले जात असून पोल डायरीने दिलेल्या अंदाजानुसार यंदाच्या निवडणुकीत शिवसेना (एकनाथ शिंदे), राष्ट्रवादी काँग्रेस (अजित पवार) आणि भाजपाच्या महायुतीला मतदारांना कौल दिल्याचा अंदाज वर्तवण्यात आला आहे.
धाराशिव जिल्ह्यात अंदाजे ६६ टक्के मतदान, तुळजापूर विधानसभा मतदारसंघात सर्वाधिक मतदानाची नोंद
धाराशिव : जिल्ह्यातील चार विधानसभा मतदारसंघांतून चार जागांसाठी ६६ उमेदवारांचे भवितव्य बुधवारी मतदान यंत्रात बंद झाले. जिल्ह्यातील एक हजार ५२३ मतदान केंद्रांवर सकाळी ७ ते सायंकाळी ६ वाजेपर्यंत पार पडलेल्या मतदान प्रक्रियेत चारही मतदारसंघात सायंकाळी ५ वाजेपर्यंत ५८.५९ टक्के मतदान झाले होते. पुढील एक तासात म्हणजेच ६ वाजेपर्यंत अंदाजे ६४ टक्के मतदान झाल्याचा अंदाज आहे. रात्री उशिरापर्यंत मतदानाची अंतिम आकडेवारी निवडणूक विभागाकडून जाहीर करण्यात आली नव्हती. दरम्यान या निवडणुकीचा निकाल येत्या २३ नोव्हेंबर रोजी जाहीर होणार आहे.
रत्नागिरी जिल्ह्यात ६०.३५ टक्के मतदान; चिपळूणमध्ये जास्त तर रत्नागिरीमध्ये कमी मतदानाची नोंद
रत्नागिरी : रत्नागिरी जिल्ह्यात विधानसभा निवडणुकीसाठीच्या मतदानाला उत्स्फूर्त सुरुवात झाली. नागरिकांनी मतदानाचा उत्साह दाखवत आपल्या मतदानाचा हक्क बजावला. जिल्ह्यात सकाळी ११ वाजेपर्यंत २०.५२ % टक्के मतदान झाले आहे. जिल्ह्यात प्रमुख राजकीय पक्षाच्या उमेदवारांनी आपला मतदानाचा हक्क बजावत मतदारसंघातील मतदान बुथचा दौरा करुन पहाणी केली. सायंकाली ५ वाजेपर्यंत जिल्ह्यात ६०.३५ टक्के येवढ्या मतदानाची नोंद करण्यात आली. जिल्ह्यातील चिपळूणमध्ये ६३.५१ टक्के एवढ्या जास्त तर रत्नागिरी तालुक्यात ५९ टक्के एवढे कमी मतदान झाल्याची नोंद करण्यात आली.
Maharashtra Assembly Elections Exit Poll 2024 : पिपल्स पल्सनुसार कोणाला मिळणार जनतेचा कौल?
Maharashtra Election 2024 : बारामतीत मतदान केंद्राच्या बाहेर रांगा लागल्या. उंडवडी सुपे क्रमांक ३१ येथे मतदान केंद्रावर गोंधळ. केंद्र क्रमांक १७७, १९० या केंद्रं ताब्यात घेण्याचे प्रयत्न. जिल्हा नियंत्रण कक्षाच्या माध्यमातून तातडीने पोलिस पाठविण्यात आले आहे.
Maharashtra Election 2024 : कसबा पेठेतील २६८ मतदान केंद्रांवरील मतदान संपले आहे. तर उर्वरित सर्व मतदार संघातील काही केंद्रांवर सायंकाळी सहा नंतर मतदान सुरू आहे.
Vidhan Sabha Election Exit Poll Updates, महाराष्ट्रात कोणाचं सरकार येणार? एक्झिट पोल समोर येणार
Vidhan Sabha Election Exit Poll Updates, महाराष्ट्र विधानसभेसाठी आज (२० नोव्हेंबर) मतदान पार पडले आहे. आता मतदानाची वेळ संपली आहे. आता या निवडणुकीचा निकाल २३ नोव्हेंबर रोजी लागणार आहे. मात्र, त्याआधी आता थोड्या वेळात महाराष्ट्रात कोणाचं सरकार येणार? यासंदर्भातील एक्झिट पोल समोर येणार आहेत.
पुणे शहरातील आठ विधानसभा मतदार संघातील सकाळी ७ ते दुपारी ५ वाजेपर्यंतची आकडेवारी
पुणे शहरातील आठ विधानसभा मतदारसंघातील सकाळी ७ ते दुपारी ५ वाजेपर्यंतची आकडेवारी
कसबा पेठ ५४.९१, पुणे कॅन्टोन्मेंट ४७.८३, हडपसर ४५.०२, पर्वती ४८.६५, खडकवासला ५१.५६, कोथरूड ४७.४२, शिवाजीनगर ४४.९५ आणि वडगावशेरी ५०.४६
पुण्यातील सकाळी ७.०० ते ५.०० पर्यंतची मतदानाची आकडेवारी
सकाळी ७.०० ते ५.०० पर्यंतची मतदानाची आकडेवारी
1) पिंपरी- ४२.७२
2) चिंचवड- ५०.०१
3) भोसरी- ५५.०८
4) मावळ- ६४.४४
Maharashtra Election 2024 : हडपसर विधानसभा मतदारसंघ सायंकाळी पाच वाजेपर्यंत ४५.०२ टक्के मतदान
हडपसर विधानसभा मतदारसंघ सायंकाळी पाच वाजेपर्यंत ४५.०२ टक्के मतदान झाले. चार नंतर मतदान केंद्रावर गर्दी होण्यास सुरुवात...
Maharashtra Election 2024 : पनवेल विधानसभा क्षेत्रात सायंकाळी पाच वाजेपर्यंत ५२.०९ टक्के मतदान झाले
पनवेल : पनवेल विधानसभा क्षेत्रात बुधवारी सायंकाळी पाच वाजेपर्यंत ६०४ मतदान केंद्रांवर ५२.०९ टक्के मतदान झाल्याची माहिती निवडणूक निर्णय अधिकारी पवन चांडक यांनी दिली. पुढील काही तासांमध्ये पनवेलमध्ये अंतिम मतदान नेमके किती झाले, याची आकडेवारी निवडणूक विभाग देणार असल्याचेही निवडणूक विभागाने स्पष्ट केले. पनवेल विधानसभा क्षेत्रात सर्वाधिक ६ लाख ५२ हजार ६२ मतदार आहेत. राज्यातील सर्वाधिक मतदार असलेल्या मतदारसंघापैकी दूस-या क्रमांकावर पनवेलचा नंबर लागतो. तसेच राज्यात सर्वाधिक मतदान केंद्र पनवेलमध्ये आहेत. ६०४ मतदान केंद्रांवर निवडणूक विभागाने २,६७६ कर्मचा-यांची नेमणूक केली होती. मंगळवारी मतदान यंत्रांमध्ये विविध राजकीय पक्षांच्या उमेदवारांचे भवितव्य कैद झाले. शुक्रवारी कर्नाळा स्पोर्टस अकादमी येथे मतमोजणी होणार आहे.
Maharashtra Assembly Elections 2024 : भोसरी विधानसभा मतदारसंघात सायंकाळी पाच वाजेपर्यंत ५५.०८ टक्के मतदान
भोसरी विधानसभा मतदारसंघात सायंकाळी पाच वाजेपर्यंत ५५.०८ टक्के मतदान झाले आहे. त्यात एक लाख ७८ हजार ८४४ पुरुष तर एक लाख ५६ हजार २६३ महिला आणि इतर १३ असे तीन लाख ३५ हजार १२० मतदारांनी मतदान केले.
पर्वती विधानसभा मतदारसंघात सायंकाळी ५ वाजेपर्यंत ४८.६५ टक्के मतदान झाले.
Maharashtra Assembly Elections 2024 : पिंपरी विधानसभा मतदारसंघात ५ वाजेपर्यंत ४३.३६ टक्के मतदान
पिंपरी विधानसभा मतदारसंघात पाच वाजेपर्यंत ४३.३६ टक्के मतदान झाले. पुरुष ८८, ४५७ तर ७८, ८३१ महिलांनी आणि इतर आठ अशा १,६७,२९६ जणांनी मतदान केले आहे.
Maharashtra Assembly Elections 2024 : मावळ विधानसभा मतदारसंघात ५ वाजेपर्यंत ६४.४४ टक्के मतदान
मावळ विधानसभा मतदारसंघात पाच वाजेपर्यंत ६४.४४ टक्के मतदान झाले आहे. एक लाख २६ हजार ९९० पुरुष तर एक लाख २१ हजार ८६६ महिलांनी आणि इतर दोन अशा दोन लाख ४८ हजार ८५८ मतदारांनी मतदान केले आहे.
Maharashtra Assembly Elections 2024 : चिंचवड विधानसभा मतदारसंघात पाच वाजेपर्यंत ५०.०१ टक्के मतदान
चिंचवड विधानसभा मतदारसंघात पाच वाजेपर्यंत ५०.०१ टक्के मतदान झाले आहे. त्यात,
पुरुष- १,७५,३०५, स्त्री- १,५६,५४९ आणि इतर- ०७ असे ३,३१,८६१ मतदारांनी आपला मतदानाचा हक्क बजाविला आहे. ५०.०१ टक्के मतदान झाले आहे.
Maharashtra Assembly Elections 2024 : १३७ भिवंडी पूर्व विधानसभा
एका ९२ वर्षाच्या आजीने आपल्या मुलांसोबत मतदान केंद्रावर जाऊन आपला मतदानाचा हक्क बजावला आहे. शांताबेन मारू असे या आजीबाईचे नाव आहे.
Raj Thackeray : राज ठाकरेंच्या बनावट पत्राप्रकरणी मुंबई पोलिसांनी दाखल केला गुन्हा, आग्रीपाडा पोलीस ठाण्यात गुन्हा दाखल
वरळीतील तिरंगी लढतीमुळे चुरस निर्माण झाली असताना मनसे अध्यक्ष राज ठाकरे यांच्या नावाचे बनावटपत्र वायरल झाले असून त्यात राज ठाकरे यांनी वरळी मतदारसंघात धनुष्यबाणाला समर्थन दिल्याचे नमुद करण्यात आले होते. सविस्तर वाचा
काही मतदान केंद्राबाहेर मतदारांनी आपले विचार व्यक्त केले.
छायाचित्र- रवींद्र जोशी
काही मतदान केंद्राबाहेर सेल्फी काढण्यासाठी व्यवस्था केली होती.
छायाचित्र-रवींद्र जोशी
शिवाजीनगर मतदारसंघातील सीओईपी विद्यापीठ मतदान केंद्रांत मतदारांच्या रांगा लागल्या आहेत.
Maharashtra Assembly Elections 2024: मतदारांकडून बोटावरील शाई पुसट झाल्याच्या तक्रारी
ठाणे - विधानसभा निवडणुकीत मतदान केल्यावर लावण्यात येणारी ओळख शाई पाण्याने धुतली असता, पुसट होत असल्याच्या तक्रारी मतदारांकडून करण्यात आल्या. ठाणे जिल्हा विधानसभा मतदारसंघातील कोपरी पाचपाखाडी, ठाणे शहर, अंबरनाथ, नवी मुंबई आणि मुरबाड मतदारसंघातील अनेक मतदारांच्या बोटावरील शाई पुसट झाल्याची बाब मतदारांनी लोकसत्ताशी बोलताना सांगितली.
" हर एक ने मतदान करना चाहिए , ये अपने अस्तित्व की निशानी हैं " -नाना पाटेकर
वडगाव शेरी खराडी भागात महिला मतदारांनी फेटे परिधान करून मतदानाचा हक्क बजावला.
सामाजिक चळवळीचे जेष्ठ नेते डॉ बाबा आढाव यांनी वयाच्या ९५व्या वर्षी मत कर्तव्य पार पाडले
सामाजिक चळवळीचे जेष्ठ नेते डॉ बाबा आढाव यांनी वयाच्या ९५व्या वर्षी, बिबबेवाडी येथील पुणे महानगरपालिकेच्या शाळेत असलेल्या मतदान केंद्रात जाऊन आपले मत कर्तव्य बजावले. त्यांच्या जीवनसाथी आणि माजी मुख्य परिचारिका शीला आढाव यांनीही वयाच्या ८५ व्या वर्षी त्यांना साथ देत मत कर्तव्य पार पाडले.
वडगाव शेरी मतदारसंघातील डॉक्टर आंबेडकर कला वाणिज्य महाविद्यालयात मतदारांची दुपारनंतर गर्दी झाली होती.
Maharashtra Elections 2024 : मतदान केंद्रच बदलले... मतदारयादीतील घोळामुळे दिव्यांग मतदारांना नाहक त्रास
विधानसभा निवडणुकीच्या मतदानासाठी मतदारांना मतदान केंद्रावर पोहोचविण्यासाठी राजकीय पक्षांच्या कार्यकर्त्यांची बुधवारी धावपळ सुरू होती. तर दुसरीकडे बहुसंख्य मतदारांच्या घरी मतदार माहिती चिठ्ठी पोहोचली नसल्यामुळे मतदान केंद्रात पोहोचल्यानंतर अनेकांना आपला अनुक्रमांक व नाव मतदारयादीत शोधण्यासाठी तारेवरची कसरत करावी लागत होती. सविस्तर वाचा…
येरवड्यात मतदारांचा उत्साह शहीद अब्दुल हमीद उर्दू प्राथमिक विद्यालयात मतदारांची गर्दी
यंदाची विधानसभा निवडणूक आत्तापर्यंत झालेल्या सर्व निवडणुकांपेक्षा थोडी वेगळी आहे. कारण यावेळी सहा प्रमुख पक्ष निवडणुकीच्या मैदानात उभे आहेत.
एका बाजूला काँग्रेस, शिवसेना (ठाकरे) व राष्ट्रवादी (शरद पवार) हे तीन पक्ष, तर दुसऱ्या बाजूला भाजपा, शिवसेना (शिंदे) व राष्ट्रवादी (अजित पवार) हे तीन पक्ष एकमेकांसमोर उभे आहेत.
महायुती विरुद्ध महाविकास आघाडी असा थेट सामना रंगणार असला तरी इतरही लहान पक्ष या निवडणुकीत असून त्यांची भूमिका देखील महत्त्वाची असली तरी मविआ व महायुतीत सत्तेसाठीची चुरस आहे.
