Maharashtra Vidhan Sabha Election 2024 Voting Live : महाराष्ट्रातील जनतेचा कौल कुणाला? विधानसभेसाठी काही तासांत मतदानाला सुरुवात होणार

२०११ च्या जनगणनेनुसार महाराष्ट्रात १००० पुरुषांमागे ९२९ महिला मतदार आहेत. तर, २०१९ मध्ये हा रेशो ९२५ पर्यंत घसरला. तसंच, २०२४ मध्ये १००० पुरुष मतदारांमागे ९३६ महिला मतदार आहेत. सध्याच्या घडीला महाराष्ट्रात ४ कोटी ६९ लाख ९६ हजार २७९ महिला मतदार आहेत. तर, ५ कोटी २२ लाख ७३९ पुरुष मतदार आहेत.

महाराष्ट्राच्या ६७ वर्षांच्या इतिहासात आतापर्यंत एकूण ४६१ महिला आमदार झाल्या आहेत. सध्या विधानसभेत केवळ २१ महिला आमदार आहेत.

२०२४ च्या महाराष्ट्रातील विधानसभा निवडणुकीत २५० हून अधिक महिला उमेदवार निवडणुकीच्या रिंगणात आहेत. एकूण ४ हजार १३६ उमेदवार निवडणूक लढवणार असून त्यापैकी फक्त सहा ते सात टक्के महिला उमेदवार निवडणुकीच्या रिगंणात आहेत.

Maharashtra Assembly Election 2024 Live Updates

२९ ऑक्टोबर २०२४ पर्यंत उमेदवारी अर्ज दाखल केले.

३० ऑक्टोबर २०२४ रोजी उमेदवारी अर्ज पडताळणी करण्यात आली.

४ नोव्हेंबर २०२४ पर्यंत अनेक इच्छुकांनी उमेदवारी अर्ज मागे घेतले.

१८ नोव्हेंबर २०२४ – प्रचाराचा शेवटचा दिवस

२० नोव्हेंबर २०२४ (आज) मतदानाचा दिवस

२३ नोव्हेंबर २०२४ रोजी निकाल जाहीर होणार

२५ नोव्हेंबर २०२४ पर्यंत निवडणूक प्रक्रिया पूर्ण करावी लागणार

Mumbai Assembly Election 2024 Live Updates :

कुलाबा – ९

वांद्रे पूर्व – ९

चांदिवली – ७

दहिसर – ७

बोरिवली – ६

मागाठाणे – ५

विलेपार्ले – ६

घाटकोपर पश्चिम – ५

मानखुर्द शिवाजी नगर – ५

मुंबईतील ७३ क्रिटीकल मतदान केंद्रे असल्याची माहिती पालिका अधिकाऱ्यांनी दिली. मतदान केंद्रावर १० टक्क्यांपेक्षाही कमी मतदान होत असल्यास किंवा एखाद्या मतदान केंद्रावर एकाच उमेदवाराला ९० टक्क्यापेक्षा अधिक मतदान होत असल्यास ते मतदान केंद्र क्रिटीकल समजले जाते. याकरीता सहा विविध निकष आहेत. मात्र मुंबईत १० टक्क्यांपेक्षा कमी मतदान या एकाच निकषानुसार तब्बल ७६ मतदान केंद्रे ही क्रिटिकल असल्याची माहिती पालिका अधिकाऱ्यांनी दिली.

Mumbai Assembly Election 2024 Live Updates : मुंबईत यंदा कायदा व सुव्यस्थेच्या दृष्टीकोनातून एकही संवेदनशील मतदान केंद्र नसले तरी तब्बल ७६ मतदान केंद्रे ही क्रिटीकल (दखलपात्र) स्वरुपाची आहेत. या मतदान केंद्रावर १० टक्क्यांपेक्षाही कमी मतदान नोंदवले गेले आहे. अशी शहर भागात १३, तर उपनगरात ६३ मतदान केंद्रे आहेत. त्यापैकी सर्वाधिक ९ मतदान केंद्रे ही कुलाब्यातील नेव्हीनगर परिसरात आहेत.

Maharashtra Assembly Election 2024 Live Updates : मतदान संपल्यानंतर म्हणजेच २० नोव्हेंबरला संध्याकाळी ६ नंतर एक्झिट पोल्स जाहीर होतील. विविध न्यूज चॅनल्स आणि एजन्सी या एक्झिट पोल्स जाहीर करत असतात. विशिष्ट प्रकारे सर्व्हे करुन हे एक्झिट पोल्स जाहीर केले जात असतात. आता या पोल्समध्ये काय अंदाज समोर येतो हे पाहणं महत्त्वाचं असणार आहे. २० नोव्हेंबरच्या संध्याकाळी ६ नंतर हे पोल्स ( Maharashtra Exit Poll ) येण्यास सुरुवात होईल.