Maharashtra Assembly Election Results 2024 Highlights: ईव्हीएमवर विरोधकांचा संशय; पण शरद पवारांची मात्र वेगळी भूमिका, म्हणाले…

काँग्रेसचे प्रदेशाध्यक्ष नाना पटोले साकोली विधानसभा मतदारसंघात पिछाडीवर आहेत. तर भाजपाचे प्रदेशाध्यक्ष कामठी मतदारसंघातून पिछाडीवर आहेत.

महायुतीने विधानसभा निवडणुकीत २१७ जागांवर आघाडी घेतली आहे. आता महायुतीला स्पष्ट बहुमत मिळेल, अशी शक्यता वाटत आहे. यावर मुख्यमंत्री एकनाथ शिंदे यांनी प्रतिक्रिाय दिली असून महाराष्ट्रातील मतदारांचे आभार मानले आहे. लाडकी बहीण, लाडके भाऊ, लाडके शेतकरी यांच्यामुळे आमचा विजय होत आहे. तसेच मुख्यमंत्रीपदाबाबत बोलताना ते म्हणाले, संपूर्ण निकाल लागल्यानंतर आम्ही तीनही पक्ष एकत्र बसून पुढचा निर्णय घेऊ.

अजित पवार यांनी बारामती विधानसभा मतदारसंघात जोरदार मुसंडी मारली आहे. आठव्या फेरीअखेर अजित पवारांनी ७३,०२५ मते मिळवली आहेत. त्यांच्याकडे ३८ हजारांची आघाडी आहे. बातमी सविस्तर वाचण्यासाठी क्लिक करा

राज्यात विधानसभा निवडणुकीचे अत्यंत धक्कादायक निकाल समोर येत आहेत. भाजपाने आतापर्यंत १२५ चा आकडा पार केला असून महायुतीने १२२ चा आकडा पार केला आहे. त्यामुळे महाराष्ट्रात महायुतीची लाट आली आहे. दरम्यान, सत्तेच्या जवळ जात असतानाच भाजपाने आता त्यांचा जुना मित्रपक्ष असलेल्या उद्धव ठाकरेंच्या शिवसेनेला साद घातली आहे. भाजपा नेते चंद्रकांत पाटील यांनी महत्त्वाचं विधान केलं आहे.

सविस्तर वृत्त वाचा

महाराष्ट्रात महायुतीची लाट दिसत असून भाजपाने १२७ जागांवर आघाडी घेतली आहे. शिवसेना (शिंदे) ५६ आणि राष्ट्रवादी काँग्रेस (अजित पवार) ३८ जागांवर आघाडी कायम ठेवून आहे.

भाजपाने १२८ जागांवर आघाडी घेतल्यानंतर आता भाजपाचे कार्यकर्ते जल्लोष व्यक्त करत आहेत. तर भाजपाचे नेते चंद्रकांत पाटील यांनी उद्धव ठाकरे यांच्याबाबत मोठे विधान केले आहे. महायुती स्वबळावर सत्ता स्थापन करणार आहे. त्यामुळे आम्हाला इतर पक्षांची गरज नाही. पण जर उद्धव ठाकरेंना महायुतीत यायचे असेल तर आम्ही त्यांचे स्वागत करू, असे चंद्रकांत पाटील म्हणाले.

महाराष्ट्र विधानसभा निवडणुकीचे निकाल येत असताना आता भाजपाप्रणीत महायुतीने मोठी आघाडी घेतल्याचे दिसत आहे. भाजपाने १११ पेक्षा अधिक जागांवर आघाडी घेतली असून महायुतीने बहुमताचा आकडा गाठला आहे. त्यानंतर आता संजय राऊत यांनी या निकालावर संशय व्यक्त केला आहे.

Nanded Bypoll Election Result 2024 : राज्यातील विधानसभा निवडणुकीच्या निकालाची मतमोजणीला सुरुवात झाली आहे.तर दुसरीकडे नांदेड लोकसभा पोटनिवडणुकीची मतमोजणी देखील आज होत आहे. सकाळी आठ वाजल्यापासून मतमोजणी सुरु झाली आहे. या निकालानंतर मराठवाड्यातील नांदेड लोकसभा मतदारसंघातील मतदार भाजप की काँग्रेस नेमकं कोणाच्या बाजूने कौल देते हे स्पष्ट होईल. (सविस्तर बातमी वाचा )

भाजपाने १११ जागांवर आघाडी घेतली आहे.

संगमनेर : काँग्रेसचे ज्येष्ठ नेते आणि मुख्यमंत्री पदाचे दावेदार समजले जाणारे बाळासाहेब थोरात तिसऱ्या फेरी अखेर ६०८१ मतांनी पिछाडीवर गेले आहेत. शिंदे सेनेचे अमोल खताळ यांनी तेथे आघाडी घेतली आहे.

महायुतीने तब्बल १६० हून अधिक जागांवर आघाडी घेतली आहे. तर मविआने अद्याप १०० चा आकडाही पार केलेला नाही. त्यामुळे महायुतीने बहुमताच्या दिशेने वाटचाल सुरू केल्याचे दिसत आहे.

काँग्रेसचे नेते बाळासाहेब थोरात, विजय वडेट्टीवार आणि विश्वजित कदम हे पिछाडीवर असल्याचे सुरुवातीच्या फेरीतून समोर आले आहे.

महाराष्ट्र निवडणुकीचा निकाल आज लागणार आहे. या निवडणुकीत महाविकास आघाडी विरुद्ध महायुती असा सामना आहे. ही निवडणूक खूप चुरशीची झाली आहे. निवडणुकीचा निकाल पाहा एका क्लिकवर

महायुतीने १४९ जागांवर आघाडी घेतली असून मविआने सध्या १२२ जागांवर आघाडी घेतली आहे. तर इतर १४ आमदार आघाडीवर आहेत.

ईव्हीएममशीनची मोजणी सुरू झाल्यानंतर महायुती ३१ जागांवर तर महाविकास आघाडी १८ जागांवर आघाडीवर आहे.

विधानसभा निवडणुकीचा निकाल लागत असतानाच मुंबईत मातोश्रीबाहेर ‘कुटुंबप्रमुखच होणार पुन्हा मुख्यमंत्री’, असे बॅनर लागले आहेत.

महायुती ५२ आणि महाविकास आघाडी ४२ जागांवर आघाडीवर आहे. महाराष्ट्रातील पाचही विभागीय प्रदेशात भाजपाचे उमेदवार पुढे दिसत आहेत. एक्झिट पोलमध्ये जे कल दिसले, ते प्रत्यक्षात येणार का? याची उत्सुकता आहे.

विधानसभा निवडणुकीची मतमोजणी सुरू झाली असून भाजपा आघाडीवर असल्याची माहिती मिळत आहे. सातारा जिल्ह्यातील शिवेंद्रराजे भोसले आणि नागपूर दक्षिण पश्चिममधून उपमुख्यमंत्री देवेंद्र फडणवीस आघाडीवर आहेत.

अवघ्या पाच मिनिटांत राज्यातील २८८ विधानसभा मतदारसंघात मतमोजणीला सुरुवात होणार आहे. आधी पोस्टल मतदानाची मोजणी होईल. त्यानंतर ईव्हीएम यंत्रातील मतमोजणीला सुरुवात होईल.

नंदुरबार विधानसभा मतदारसंघ नंदुरबार जिल्ह्यात असून तो अनुसूचित जमातीसाठी आरक्षित आहे. भाजपा नेते विजयकुमार गावित हे या मतदारसंघाचे प्रतिनिधित्व करत आहेत. नंदुरबार विधानसभेत कुणाचा विजय होणार, हे थोड्याच वेळात कळेल… सविस्तर बातमी वाचा

मात्र, राज्यात महायुतीचं सरकार आल्यास मुख्यमंत्री कोण होणार हा प्रश्न उपस्थित केला जात आहे? त्यावर महायुतीमधील नेत्यांनी वेगवेगळ्या नेत्यांची नावं घेतली आहेत. त्यामुळे निवडणुकीच्या निकालाआधीच महायुतीत मुख्यमंत्रिपदावरून रस्सीखेच चालू आहे का? अशी चर्चा राजकीय वर्तुळात रंगू लागली आहे. सविस्तर बातमी वाचा

आज सकाळी ८ वाजता महाराष्ट्रातील २८८ विधानसभा मतदारसंघात मतमोजणीला सुरुवात सुरुवात होणार आहे. प्रत्येक मतदारसंघातील मतमोजणी केंद्राबाहेर आता कार्यकर्ते जमू लागले आहेत.

माहीम विधानसभा मतदारसंघ हा शिवसेनेचा बालेकिल्ला म्हणून ओळखला जातो. मात्र, पक्षफुटीनंतर शिवसेनेचे दोन्ही गट इथे कमकुवत झाले आहेत. त्यामुळे हा मतदारसंघ आपल्या ताब्यात घेण्यासाठी दोन्ही गटांनी गेल्या काही महिन्यांमध्ये जोरदार मोर्चेबांधणी केली आहे. आज माहीमचा निकाल काय लागणार हे वाचा एका क्लिकवर

मतदानानंतर समोर आलेल्या एक्झिट पोलच्या अंदाजानुसार महायुती आणि महाविकास आघाडीला सत्तास्थापनेसाठी अपक्षाची मदत लागू शकते, असा अंदाज वर्तवण्यात आलेला आहे. त्यामुळे राजकीय हालचाली वाढल्या आहेत. यातच राष्ट्रवादी काँग्रेस (अजित पवार) पक्षाचे प्रवक्ते अमोल मिटकरी यांनी मोठं विधान केलं आहे. “किंग आणि किंगमेकर सुद्धा अजित पवार असतील”, असं अमोल मिटकरी यांनी म्हटलं आहे. ते एबीपी माझा या वृत्तवाहीनीशी बोलत होते. सविस्तर बातमी वाचा

महाराष्ट्र विधानसभेचा निकाल अवघ्या काही तासांत लागणार आहे. थोड्याच वेळात मतमोजणीला सुरुवात होणार आहे.

राज्यात महायुती आणि महाविकास आघाडीतच मुख्य लढत झाली आहे. महायुतीत भाजप, एकनाथ शिंदेंची शिवसेना आणि अजित पवारांची राष्ट्रवादी तर महाविकास आघाडीत काँग्रेस, शिवसेना ठाकरे गट आणि शरद पवारांची राष्ट्रवादी या प्रमुख पक्षांमध्ये अटीतटीचा सामना रंगला. ज्यामध्ये भाजपने १४९ निवडणूक लढवली, शिंदेंच्या शिवसेनेने ८१ जागांवर उमेदवार उतरवले तर अजित दादांच्या राष्ट्रवादीकडून ५९ उमेदवार रिंगणात होते. दुसरीकडे महाविकास आघाडीमध्ये काँग्रेसने १०१ जागांवर निवडणूक लढवली, तर उद्धव ठाकरेंच्या शिवसेनेकडून ९५ ठिकाणी निवडणूक लढवली आहे. शरद पवार यांच्या राष्ट्रवादीने ८६ जागांवर आपले उमेदवार उतरवले होते.

विधानसभा निवडणुकीसाठी एकूण ३ कोटी ३४ लाख ३७ हजार ५७ पुरुषांनी तर ३ कोटी ६ लाख ४९ हजार ३१८ महिलांनी आणि १,८२० अन्य जणांनी मतदान केले. राज्यात महिला मतदारांच्या तुलनेत पुरुष मतदारांची संख्या जास्त आहे. पुरुष मतदारांची संख्या महिला मतदारांच्या तुलनेत ३०,२६,४६० ने जास्त आहे. मात्र राज्यातील १२ विधानसभा मतदारसंघ असे होते जिथे पुरुषांपेक्षा महिलांचे मतदान जास्त झाले.

निवडणूक आयोगाने मतमोजणीसाठी तयारी पूर्ण केली असून तब्बल २८८ मतदार संघाचे निकाल हे निवडणूक आयोगाच्या संकेतस्थळावर अपडेट केले जाणार आहे. त्यामुळे निकालाची अधिकृत आकडेवारी ही निवडणूक आयोगाच्या संकेत स्थळावर पाहता येणार आहे.

महाराष्ट्र आणि झारखंडमध्ये आचारसंहितेच्या काळात रोकड, अंमली पदार्थ आणि इतर प्रलोभने दाखवली जाऊ नयेत, यासाठी विविध प्रकारे प्रयत्न सतत सुरू होते. देशभरामध्‍ये एकूण ११३९ कोटी रूपये जप्‍त करण्‍यात आले. झारखंड आणि महाराष्ट्रात, जप्‍त करण्‍यात आलेली एकत्रित रक्कम ९१४.१८ कोटी रूपये आहे. ही रक्कम २०१९ मधील मागील निवडणुकांमध्ये नोंदवण्यात आलेल्या आकड्यांच्या ७.५ पट पेक्षा अधिक आहे.

महाराष्ट्रातील गडचिरोली आणि झारखंडमधील गिरिडीहसह दोन्ही राज्यांतील डाव्या विचारसरणीने (LWE) प्रभावित भागात मतदान सुव्यवस्थितपणे पार पडले. पहिल्यांदाच मतदानासाठी पात्र ठरलेले मतदार, वृद्ध मतदार, आदिवासी मतदार, सार्वजनिक बांधकाम विभागासाठी काम करणारे कामगार मतदार, महिला मतदार, हातात मुले घेऊन आलेले मतदार, तृतीयपंथी मतदार, मतदारांची संपूर्ण कुटुंबे आणि वलयांकित मान्यवर मतदार यांसह समाजातील विविध घटकांतील मतदारांच्या लांबलचक रांगांनी मतदान केंद्रांवरील वातावरण वैशिष्ट्यपूर्ण बनले होते.शौचालय, रॅम्प, शेड, पिण्याचे पाणी यासह खात्रीशीर किमान सुविधांनी (AMF), मतदारांना कोणत्याही अडथळ्याशिवाय आरामात मतदान करता येईल याची हमी दिली.