Maharashtra Assembly Election Results Shivsena Eknath Shinde Winner Candidate List : महाराष्ट्र विधानसभा निवडणुकीचा निकाल जाहीर झाला आहे. राज्यात महायुतीला स्पष्ट बहुमत मिळालं आहे. तर, महाविकास आघाडीचा सुपडा साफ झाला आहे. मविआमधील तिन्ही पक्षांना मिळून ६० जागा देखील जिंकता आलेल्या नाहीत. दुसऱ्या बाजूला एकनाथ शिंदे यांच्या शिवसेनेने मोठी मुसंडी मारली आहे. त्यांच्या पक्षाने राज्यात ५७ जागा जिंकल्या आहेत. एकनाथ शिंदे यांचा पक्षाला महायुतीच्या जागावाटपात ८५ जागा मिळाल्या होत्या. त्यापैकी ५७ जागांवर शिंदेंचे शिलेदार जिंकले आहेत. एकनाथ शिंदे यांनी दावा केला होता की त्यांच्याबरोबर बंड करणाऱ्या सर्व आमदारांना पुन्हा निवडून आणणार. एकनाथ शिंदे यांनी त्यांचा शब्द राखला आहे. त्यांच्याबरोबर गेलेले जवळपास सर्वच आमदार (सदा सरवणकर वगळता) विजयी झाले आहेत.
एकनाथ शिंदे, सातत्याने म्हणत होते की आमचा पक्ष खरी शिवसेना आहे. आम्ही बाळासाहेब ठाकरेंच्या विचारांवर चालतो. राज्यातील जनता याबाबत निर्णय घेईल. दरम्यान, राज्यातील जनतेने शिंदेंच्या शिलेदारांवर विश्वास दर्शवला आहे. आम्ही केवळ विकासावर बोलतो, विकासाचं राजकारण करतो, आम्ही कोणावरही आरोप केले नाहीत, आम्ही जनतेची कामं करणारे लोक आहोत. म्हणूनच जनतेने आमच्यावर विश्वास दर्शवला आहे.
| विधानसभा मतदारसंघ | उमेदवार | निवडणुकीचा निकाल |
| अक्कलकुआ | आमश्या फलजी पाडवी | विजयी |
| साक्री | मंजुळाताई तुळशीराम गावित | विजयी |
| पाचोरा | किशोर (अप्पा) धनसिंग पाटील | पराभूत |
| मुक्ताईनगर | चंद्रकांत निंबा पाटील | विजयी |
| बुलढाणा | संजय रामभाऊ गायकवाड | विजयी |
| रिसोड | भावना पुंडलीकराव गवळी | विजयी |
| दर्यापूर | अभिजित आनंदराव अडसूळ | आघाडीवर |
| रामटेक | आशिष नंदकिशोर जैस्वाल | आघाडीवर |
| भंडारा | नरेंद्र भोजराज भोंडेकर | आघाडीवर |
| दिग्रस | संजय दुलीचंद राठोड | आघाडीवर |
| हदगाव | संभाराव उर्फ बाबुराव कदम कोहळीकर | आघाडीवर |
| नांदेड उत्तर | बालाजी कल्याणकर | विजयी |
| कळमनुरी | संतोष लक्ष्मणराव बांगर | विजयी |
| छत्रपती संभाजीनगर पश्चिम | संजय पांडुरंग शिरसाट | विजयी |
| पैठण | विलास संदिपान भुमरे | विजयी |
| वैजापूर | रमेश नानासाहेब बोरनारे | आघाडीवर |
| नांदगाव | सुहास द्वारकानाथ कांदे | विजयी |
| मालेगाव बाह्य | दादाजी दगडूजी भुसे | विजयी |
| दिंडोरी | धनराज हरिभाऊ महाले | आघाडीवर |
| देवळाली | डॉ. राजश्री हरिषचंद्र अहिराव | पराभूत |
| पालघर | राजेंद्र धेड्या गावित | विजयी |
| बोईसर | विलास सुकुर तरे | विजयी |
| अबंरनाथ | बालाजी प्रल्हाद किणीकर | आघाडीवर |
| कल्याण ग्रामीण | राजेश गोवर्धन मोरे | आघाडीवर |
| ओवळा – माजीवाडा | प्रताप बाबूराव सरनाईक | विजयी |
| कोपरी – पाचपाखडी | एकनाथ संभाजी शिंदे | विजयी |
| मागाठाणे | प्रकाश राजाराम सुर्वे | विजयी |
| विक्रोळी | सुवर्णा सहदेव करंजे | आघाडीवर |
| भांडुप पश्चिम | अशोक धर्मराज पाटील | आघाडीवर |
| जोगेश्वरी पूर्व | मनिषा रविंद्र वायकर | विजयी |
| दिंडोशी | संजय ब्रिजकिशोर निरुपम | पराभूत |
| अंधेरी पूर्व | मूरजी कांनजी पटेल | विजयी |
| चांदिवली | दिलीप भाऊसाहेब लांडे | विजयी |
| मानखुर्द शिवाजीनगर | सुरेश पाटील | पराभूत |
| अणुशक्ती नगर | अविनाश राणे | पराभूत |
| चेंबूर | तुकाराम रामकृष्ण काते | पराभूत |
| कुर्ला | मंगेश अनंत कुडाळकर (अजा) | विजयी |
| धारावी | राजेश खंदारे | पराभूत |
| माहिम | सदा (सदानंद) शंकर सरवणकर | पराभूत |
| वरळी | मिलींद मुरली देवरा | पराभूत |
| भायखळा | यामिनी यशवंत जाधव | विजयी |
| मुंबादेवी | शायना मनिष चुडासामा मुनोट (शायना एन. सी.) | पराभूत |
| कर्जत | महेंद्र सदाशिव थोरवे | विजयी |
| अलिबाग | महेंद्र हरी दळवी | विजयी |
| महाड | भरतशेठ मारुती गोगावले | विजयी |
| पुरंदर | विजय सोपानराव शिवतारे | विजयी |
| संगमनेर | अमोल धोंडीबा खताळ | विजयी |
| श्रीरामपुर | भाऊसाहेब मल्हारी कांबळे | पराभूत |
| नेवासा | विठ्ठलराव वकिलराव लंघे पाटील | आघाडीवर |
| उमरगा | ज्ञानराज धोंडीराम चौगुले | पराभूत |
| धाराशिव | अजित बाप्पासाहेब पिंगळे | पराभूत |
| परांडा | डॉ. तानाजी जयवंत सावंत | विजयी |
| करमाळा | दिग्विजय बागल | पराभूत |
| बार्शी | राजेंद्र राऊत | पिछाडीवर |
| सांगोला | शहाजी बापू राजाराम पाटील | आघाडीवर |
| कोरेगांव | महेश संभाजीराजे शिंदे | आघाडीवर |
| पाटण | शंभूराज शिवाजीराव देसाई | विजयी |
| दापोली | योगेश रामदास कदम | विजयी |
| गुहागर | राजेश रामचंद्र बेंडल | पराभूत |
| रत्नागिरी | उदय रविंद्र सामंत | विजयी |
| राजापूर | किरण रविंद्र सामंत | विजयी |
| कुडाळ | निलेश नारायण राणे | विजयी |
| सावंतवाडी | दीपक वसंतराव केसरकर | विजयी |
| राधानगरी | प्रकाश आनंदराव आबिटकर | विजयी |
| करवीर | चंद्रदिप शशिकांत नरके | विजयी |
| कोल्हापुर उत्तर | राजेश विनायक क्षिरसागर | विजयी |
| खानापूर | सुहास अनिल बाबर | आघाडीवर |
| हातकंगणले (सहयोगी पक्ष) | अशोक माने (जनसुराज्य शक्ती) | विजयी |
| शिरोळ(सहयोगी पक्ष) | राजेंद्र येड्रावकर | विजयी |
हे ही वाचा >> महायुती मोठ्या विजयाच्या दिशेने, मुख्यमंत्री शिंदेंची पहिली प्रतिक्रिया; म्हणाले, “लाडक्या बहिणी…”
एकनाथ शिंदेची पहिली प्रतिक्रिया
दरम्यान, निवडणुकीतील यशानंतर एकनाथ शिंदे यांनी प्रसारमाध्यमांशी बातचीत केली. यावेळी ते म्हणाले, “तमाम मतदारांचं मी आभार मानतो.या निवडणुकीत महायुतीला बहुमत मिळेल. मी याआधी सांगत होतो की, महायुतीला मोठा विजय मिळेल. त्याबद्दल मी राज्यातील जनतेचे आभार व्यक्त करतो. माझ्या लाडक्या बहि‍णींचे आभार मानतो. लाडक्या बहि‍णींनी मोठ्या प्रमाणात मतदान केलं. लाडक्या भावांनी, लाडक्या शेतकऱ्यांनी, जेष्ठ मतदारांनी, समाजातील प्रत्येक घटकांनी मतदान केलं. लोकांनी महायुतीला भरभरून मतदान केलं. गेली दोन ते अडीच वर्ष महायुतीने जे काम केलं. त्या कामाची पोहोचपावती या निवडणुकीत जनतेने दिली. त्यामुळे जनतेचे आभार मानतो”.
