Youngest Candidates from Tasgaon Kavathe Mahankal Assembly Election 2024 : सांगली जिल्ह्यातील तासगाव कवठेमहांकाळ विधानसभा मतदारसंघात यंदा चुरशीची लढत झाली. या मतदारसंघाकडे संपूर्ण राज्याचं लक्ष लागलं होतं. पण, अखेर या मतदारसंघातील निकाल जाहीर झाला असून राज्याचे माजी गृहमंत्री आणि राष्ट्रवादीचे दिवंगत नेते आर. आर. पाटील यांचा मुलगा रोहित पाटील यांनी बाजी मारली आहे, त्यामुळे महाराष्ट्राच्या विधानसभेत आता सर्वात कमी वयाचा उमेदवार लोकांचे प्रश्न मांडताना दिसणार आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

रोहित पाटील यांनी शरद पवार गटाकडून पहिल्यांदाच निवडणूक लढवली होती. त्यांच्याविरोधात अजित पवारांनी राष्ट्रवादी काँग्रेसचे संजयकाका पाटील यांना उमेदवारी दिली होती. पण, रोहित पाटील मतमोजणीच्या २० व्या फेरीत एक लाख २६ हजार मताधिक्याने विजयाच्या दिशेने आघाडी घेतली आहेत, तर संजयकाका पाटील यांंना ९९ हजार मतांनी दुसऱ्या क्रमांकावर आहेत, यामुळे रोहित पाटील यांना मिळालेल्या स्पष्ट बहुमतामुळे ते तासगाव-कवठेमहांकाळ विधानसभा मतदारसंघात आता सर्वात कमी वयाचा उमेदवार ठरले आहेत.

३ राोहित आर पाटीलांचा पराभव

शिवसेना आणि राष्ट्रवादीच्या पक्षफुटीच्या राजकारणानंतर ही पहिलीच निवडणूक होती. यात माजी गृहमंत्री आणि राष्ट्रवादीचे दिवंगत नेते आर. आर. पाटील यांचे चिरंजीव रोहित पाटील शरद पवार गटाकडून पहिल्यांदाच निवडणुकीच्या रिंगणात उतरले होते, त्यांच्या विरोधात संजयकाका पाटील निवडणूक लढवत होते. यावेळी रोहित आर पाटील यांना पराभूत करण्यासाठी त्यांच्या नावासारखेच तीन इतर उमेदवारही निवडणूक लढवत होते. मात्र, रोहित आर. पाटील यांनी भाजपासह विरोधकांचा सुपडा साफ केला आहे.

तासगाव कवठेमहांकाळ विधानसभा मतदारसंघ रोहित पाटील

महाराष्ट्र विधानसभा निवडणूक २०२४ मधील सर्वात कमी वयाचा उमेदवार म्हणून राष्ट्रवादी काँग्रेस (शरद पवार) पक्षाकडून रोहित आर पाटील यांना उमेदवारी दिली होती, त्यांचे वय २५ वर्ष आहे. रोहित पाटील हे माजी गृहमंत्री दिवंगत आर. आर. पाटील यांचे सुपुत्र आहेत. त्यांनी कायद्याचे शिक्षण घेतले आहे.

राष्ट्रवादी काँग्रेस पक्ष फुटल्यानंतर रोहित पाटील आणि त्यांच्या मातोश्री सुमनताई पाटील यांनी शरद पवारांना पाठिंबा देण्याचा निर्णय घेतला. त्यांना शरद पवार यांच्या राष्ट्रवादी काँग्रेसकडून तासगाव-कवठेमहांकाळ विधानसभा मतदारसंघातून उमेदवारी मिळाली. पण, या मतदारसंघातून रोहित यांच्यासमोर माजी खासदार संजयकाका पाटील यांचे आव्हान होते. संजयकाका पाटील हे अजित पवार यांच्या राष्ट्रवादी काँग्रेसचे उमेदवार आहेत.

Chembur Assembly Election Results 2024 : चेंबूरमध्ये मतांसाठी शेकड्यांवर घासाघीस; सहा फेऱ्यांनंतरही गाडी पुढे जाईना

तासगाव मतदारसंघात १९९० पासून पाटील यांच्या कुटुंबाचे वर्चस्व आहे. आर. आर. पाटील यांच्या निधनानंतर त्यांची पत्नी सुमनताई पाटील २०१४ च्या पोटनिवडणुकीत आणि २०१९ च्या निवडणुकीत जिंकल्या होत्या, त्यामुळे सुमनताई पाटील यांच्यानंतर आता पहिल्यांदाच निवडणुकीच्या रिंगणात उतरलेले उमेदवार रोहित पाटील जिंकले असून ते २०२४ च्या विधानसभा निवडणुकीतील सर्वात तरुण आमदार ठरले आहेत.

रोहित पाटील यांच्या प्रतिज्ञापत्रात संपत्तीचा उल्लेख केल्याप्रमाणे, त्यांच्याकडे ३६ हजारांची रोख रक्कम आहे. त्यांच्या नावावर एकही गाडी नाही. तसेच त्यांच्या नावे एक लाख ६० हजार रुपयांचे दागिने आहेत. त्याचबरोबर २८ लाख ४२ हजार रुपये चल मालमत्ता आणि ८६ लाख ८० हजार रुपयांची अचल मालमत्ता आहे.

रोहित पाटील यांना तिकिट देण्यामागची राजकीय पार्श्वभूमी काय?

रोहित पाटील यांनी कवठेमहांकाळ नगरपंचायीत १७ पैकी १० जागांवर विजय मिळवत विजयाचा गुलाल उधळला होता. नगरपंचायतीवर राष्ट्रवादी काँग्रेसचा झेंडा फडकवण्याचं श्रेय रोहित पाटील यांना जातं कारण या निवडणुकीत त्यांनी प्रचाराची धुरा सांभाळली होती. १९ जानेवारी २०२२ ला हे निकाल जाहीर झाले होते. त्यानंतर विधानसभेला रोहित पाटील यांना संधी मिळणार हे जवळपास निश्चित झालं होतं. त्यानुसार शरद पवार यांनी रोहित पाटील यांना निवडणुकीचं तिकिट दिलंय. महाराष्ट्रातल्या विधानसभा निवडणुकीतले हे दोन तरुण उमेदवार ( Sharad Pawar NCP Young Candidate ) चर्चेचा विषय ठरले आहेत.