Marathwada Region Election Results 2024 Highlights Updates: करोना वॉरिअर मंत्री राजेश टोपे पराभूत; शरद पवारांना धक्का

करोना काळात आरोग्य मंत्री म्हणून चांगले काम केल्यामुळे राजेश टोपे यांना चांगलीच प्रसिद्धी मिळाली होती. राजेश टोपे गेल्या अनेक टर्मपासून जालना जिल्ह्याच्या घनसावंगी मतदारसंघात विजय मिळवत होते. मनोज जरांगे पाटील यांचाही त्यांना पाठिंबा होता. मात्र तरीही राजेश टोपे यांना पराभव सहन करावा लागला आहे.

बीड जिल्ह्यातील आष्टी-पाटोदा विधानसभेतील भाजपा उमेदवार सुरेश धस विजयी झाले आहेत. त्यांनी अजित पवार गटाचे उमेदवार बाळासाहेब आजबे, अपक्ष उमेदवार भीमराव धोंडे आणि शरद पवार गटाचे उमेदवार महेबूब शेख यांचा पराभव झाला आहे.

नांदेड जिल्ह्याच्या लोहा विधानसभा मतदारसंघात दोन गटात मतमोजणी केंद्राबाहेर दगडफेक झाली आहे. याठिकाणी राष्ट्रवादी काँग्रेस (अजित पवार) गटाचे प्रतापराव पाटील चिखलीकर यांनी १० हजारांहून अधिक मतांची आघाडी घेतली आहे. तर शिवसेनेचे एकनाथदादा पवार पिछाडीवर आहेत.

लातूरमध्ये देशमुख बंधू पिछाडीवर आहेत. लातूर ग्रामीणमध्ये धीरज देशमुख आणि लातूर शहरातून अमित देशमुख पिछाडीवर आहेत. देशमुख कुटुंबियांना हा मोठा धक्का मानला जातो.

स्वयंघोषित महाराज यांनी संजय शिरसाट यांच्या मतदारसंघात वादग्रस्त विधान केले होते. आता संजय शिरसाट पिछाडीवार आहेत.

मराठवाड्यातून आता ताजे कल समोर आले असून तानाजी सावंत, धनंजय मुंडे आणि संतोष दानवे हे आघाडीवर आले आहेत.

परळी विधानसभेत अटीतटीचा लढा होत आहे. महायुतीचे धनंजय मुंडे आणि महाविकास आघआडीचे राजेसाहेब देशमुख यांच्यात संघर्ष होत आहे. सविस्तर बातमी वाचा

अवघ्या पाच मिनिटांत राज्यातील २८८ विधानसभा मतदारसंघात मतमोजणीला सुरुवात होणार आहे. आधी पोस्टल मतदानाची मोजणी होईल. त्यानंतर ईव्हीएम यंत्रातील मतमोजणीला सुरुवात होईल.

आज सकाळी ८ वाजता मराठवाड्यातील सर्व विधानसभा मतदारसंघात मतमोजणीला सुरुवात सुरुवात होणार आहे. मतमोजणी केंद्राबाहेर आता कार्यकर्ते जमू लागले आहेत.

मराठवाड्यात थोड्याच वेळात मतमोजणीला सुरुवात होणार आहे. मराठवाड्यात कोण बाजी मारणार? हे थोड्याच वेळात कळेल.