Mumbai Konkan Assembly Election Results 2024 Live Updates : मुंबईसह कोकणच्या जनतेचा कौल कोणाला? खऱ्या शिवसेनेचा फैसला होणार?

ठाण्यात सात व कोकणातील आठ मतदारसंघात उद्धव ठाकरेंची शिवसेना विरुद्ध एकनाथ शिंदेंची शिवसेना अशी लढत होणार आहे.

मुंबई महानगर प्रदेशात १९ जागांवर आणि एकट्या मुंबईत १२ मतदारसंघात ठाकरेंची शिवसेना विरुद्ध शिंदेंची शिवसेना असा थेट सामना होणार आहे.

मालवणच्या राजकोट किल्ल्यावरील छत्रपती शिवाजी महारांजाचा पुतळा कोसळल्याचं प्रकरण गेल्या काही महिन्यांपासून चर्चेत आहे. या घटनेचे देशभर पडसाद उमटले होते. कोकणातील निवडणुकीवर या प्रकरणाचा प्रभाव दिसू शकतो.

मुंबईसह ठाणे-कोकणात एकूण पाच मंत्री असून विधानसभा निवडणुकीत त्यांची प्रतिष्ठा पणाला लागली आहे.

एकनाथ शिंदे – कोपरी-पाचपाखाडी (ठाणे)

उदय सामंत – रत्नागिरी (रत्नागिरी)

रवींद्र चव्हाण – डोंबिवली (ठाणे)

दीपक केसरकर – सावंतवाड (रत्नागिरी)

मंगलप्रभात लोढा – मलबार हिल (मुंबई)

मुंबईमध्ये एकूण ३६ विधानसभा मतदारसंघ आहेत. ठाण्यात १८, पालघरमध्ये सहा, रायगडमध्ये सात, रत्नागिरीत पाच, सिधुदूर्गमध्ये तीन मतदारसंघ आहेत.

मुंबई व ठाण्यासह कोकणात एकूण ७३ मतदारसंघ आहेत. या मतदारसंघाचा आढावा आपण घेणार आहोत.