Mumbai Thane Kalyan Bhiwandi Lok Sabha Election Result Live : लोकसभा सार्वत्रिक निवडणुकीसाठी मुंबईतील सहा, ठाणे, कल्याण, भिवंडी लोकसभा मतदारसंघांतील मतमोजणी अंतिम टप्प्यात आली आहे. सहापैकी चार जागांवरील विजयी उमेदवारांची घोषणा करण्यात आली असून दोघांच्या विजयाच्या घोषणेची प्रतिक्षा आहे. जिंकलेल्या चार मतदारसंघात दोघेजण ठाकरे गटाचे असून भाजपा अन् शिंदे गटातून प्रत्येकी एकजण निवडून आला आहे. मुंबईत महायुती विरुद्ध महाविकास आघाडी असा थेट सामना रंगला होता. एक्झिट पोलसच्या अंदाजानुसार या सहाही जागांवर अटीतटीची लढत झाली असल्याने कोणालाच स्पष्ट कौल मिळालेला नाही. त्यामुळे प्रत्यक्ष निकालानंतरच या सहा जागा कोणाच्या पारड्यात जातात हे पाहावं लागणार आहे. दरम्यान, शिवसेनेत फुट पडल्यामुळे या सहा जागांवर कोणाचं सर्वाधिक वर्चस्व राहतंय यावरच आगामी विधानसभा निवडणुकांचा निकाल अवलंबून असल्याचंही बोललं जातंय. हेही वाचा >> Maharashtra Lok Sabha Election Result 2024 Live Updates : महाराष्ट्रातील जनतेचा कौल कुणाला? पहिला कल हाती; लोकसभा निकालाचे प्रत्येक अपडेट वाचा एका क्लिकवर… मुंबईतील दक्षिण, दक्षिण मध्य, इशान्य मुंबई, ठाणे आणि कल्याण या सहा मतदारसंघांमध्ये थेट ठाकरे सेना विरुद्ध शिंदेसेना अशी लढत आहे. मुंबई, ठाणे आणि कल्याण हा शिवसेनेचा बालेकिल्ला राहिला आहे. यावेळीही या जागा शिवसेनेच्याच राहतील. फक्त कोणत्या शिवसेनेच्या पारड्यात सर्वाधिक जागा जातील हे पाहणं महत्त्वाचं ठरणार आहे. हेही वाचा >> 2024 Lok Sabha Election Result Live Updates : अटीतटीची लढत, प्रतिष्ठा पणाला; सर्वाधिक चर्चेत राहिलेल्या मतदारसंघांमध्ये कोण मारणार बाजी? दक्षिण मुंबई, दक्षिण मध्य मुंबई, उत्तर मुंबई, वायव्य मुंबई, उत्तर मध्य मुंबई आणि ईशान्य मुंबई, ठाणे, कल्याण आणि भिवंडी आदी मतदारसंघांतील घडामोडी, आघाडी, पिछाडी, विजयाचा जल्लोष, क्रिया-प्रतिक्रिया वाचण्यासाठी हे पेज सतत रिफ्रेश करत राहा.
