निवडणुकीच्या तोंडावर काँग्रेस वातावरण बिघडविण्याचे काम करतेय, केंद्रीय मंत्री मुरलीधर मोहोळ यांची टीका

ठाणे : काँग्रेसचे नेते रमेश चेन्नीथला हे राज्यात सरकार आल्यावर जातीगणना करू असे आश्वासन देत आहेत. परंतु त्यांचे नेते राहुल गांधी यांनी दोनदा सांगितले आहे की आरक्षणची गरज नाही आणि प्रदेशाध्यक्ष नाना पटोले यांनी त्याचे समर्थन केले आहे. त्यामुळे नेत्यांमध्ये एक वाक्यता नसून त्यांच्याकडे विचार आणि विषय नसल्यामुळे अशी विधाने करून निवडणुकीच्या तोंडावर वातावरण बिघडविण्याचे काम करीत आहेत, असा आरोप केंद्रीय मंत्री मुरलीधर मोहोळ यांनी बुधवारी ठाण्यात पत्रकार परिषदेत बोलताना केला.

आणखी वाचा

तुळजापुरात मैत्रीपूर्ण लढत की, आघाडीत बिघाडी? मविआचा अधिकृत उमेदवार कोण? रोचकरी की, पाटील?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

“काँग्रेसने जातीयवाद आणि सांप्रदायिकतेच विष कालवले,” नितीन गडकरी यांची यवतमाळात टीका

“संजय राऊतांसारख्या लोकांना मी…”, देवेंद्र फडणवीस यांची टीका; म्हणाले, “ते माझ्या उंचीचे…”

मानखुर्द- शिवाजीनगरात मुस्लीम समाज संभ्रमात

लोकमानस: धोरणांचा प्रचार झालाच नाही

नवरा माझा नवसाचा २’ने थिएटरमध्ये ५० दिवस पूर्ण केल्यानंतर श्रियाची सचिन पिळगांवकरांसाठी खास पोस्ट; म्हणाली, “रॉकस्टार मला…”

‘प्रमोद महाजनांच्या हत्येमागे गुप्त हेतू’; पूनम महाजन म्हणाल्या, “आता अमित शाह आणि देवेंद्र फडणवीसांना…”

अडीच वर्षांपुर्वी जनतेचा जनाधाराचा अपमान करून राज्यात महाविकास आघाडीचे सरकार आले. या सरकारने आमच्या सरकारच्या काळात सुरू झालेल्या योजना बंद करण्याचे काम केले. त्यामुळे घरी बसून केवळ योजना बंद करण्यासाठीच हे सरकार निर्माण झाल्याची प्रतिमा तयार झाली, अशी टिका केंद्रीय मंत्री मुरलीधर मोहोळ यांनी सांगितले. जम्मू-कश्मीरमधील सरकार ३७० कलम हटविण्याबाबत बोलत आहे. परंतु पंतप्रधान नरेंद्र मोदी आणि गृहमंत्री अमित शाह यांनी मात्र हे कलम हटविणार नाही, असे स्पष्ट केले आहे. तसेच जे लोक संविधानावर बोलतात. त्यांना संविधानाचा खरा अर्थ माहित नाही. एक देश, एक निशाण, एक संविधान असा संविधानचा अर्थ आहे. यामुळे त्यांच्यासाठी हे संविधान महत्वाचे नाही, अशी टिकाही त्यांनी केली.

आणखी वाचा-“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

पंतप्रधान नरेंद्र मोदी यांनी गेल्या दहा वर्षात आंतरराष्ट्रीय पातळीवर देशाची प्रतिमा उंचावण्याचे काम केले तर दुसरीकडे सर्वसामान्यांचे जीवन समृद्ध करण्याचे काम झाले. मोदी यांनी सुरू केलेल्या योजनेंचा लाभ नागरिकांना झाला असून जवळपास दहा लाख कोटी रुपये सर्वसामान्य नागरिकांच्या बँक खात्यात जमा झाले. तर, दुसरीकडे सर्वसामान्य माणसाच्या कल्याणासाठी योजनेतून एक रुपया दिला तर, त्यापैकी नागरिकांपर्यंत १५ पैसे पोहचायचे, असे राजीव गांधी हे स्वत: म्हणायचे, असेही ते म्हणाले. राज्यातील महिलांसाठी आम्ही लाडकी बहिण योजना सुरू केली. परंतु हे पैसे कसे देणार अशी फसवी योजना अशी टिका काँग्रेसचे नेते करत होते. परंतु त्यांनीच आता त्यांच्या वचननाम्यात महिलांना तीन हजार रुपये देऊ असे सांगितले. त्यामुळे हे खोटे कसे बोलतात, हे दिसून येते. खोटे हे फार काळ टिकत नसते, असेही ते म्हणाले.